لولا الحسين

[ابو ياسر الكعبي]

حسين لوله حسين ماعـاش الخلود

والشرع والديـن ماتـو کـل هَلَه

حسين لوله حسين مـاتت کـربـلاء

وچا انـدثـرت کربله فـي کربله

حسين لوله حسين ماضل عدنه دين

ومابقت عِـزَّه وکرامـه ومرجله

حسين لوله حسين چا ذل الإسـلام

وچان صَرْح الشرک بالغي إعتله

حسين لوله حسين ماثـائر يـثـور

ولا نشيـد الحَـگ شفـاه إتْرتِّله

حسين لوله حسين ما نعرف النـور

وللـعـقيـده ماتضل کـل مَنـْزِله

حسين لوله حسين چان الشرع مات

وچا غِـدَت گيعانـه بور ومِمْحِله

حسين لوله حسين چا صرنـه عبيد

وعالمتن سـوط الظلُـم نستقبله

حسين لوله حسين أرکـان السَـلام

چـان هدََّمْها الکُـفُـر في مِعْوَله

حسين لوله حسين ما نرفـع الراس

چان ضلَّت روسـنـه مِتْـنَـزِّله

حسين لوله حسين ماضل عدنه صوت

يهتـف الـدولـة الحَـق العادله

حسين لوله حسين ما يصحه الضمير

وچان زنـجـار الضمايـر مَنْجِله

حسين لوله حسين تـولينـه الطُغـاة

وچان ما سلمَت عله الحگ قافله

حسين لوله حسين چـا عشنه ابظلام

وچان ديـن الجـاهليَّه إنْـرد إله

حسين لوله حسين مانصبـح أحـرار

وچان ضيَّعنـه الحَمـد والبسمله

حسين لوله حسين شمس الله تغيب

وچـان کـل انجـوم ربَّک آفِلَه

حسين لوله حسين مـا نـعـرف الله

ولاعرفنه الحگ ولانـعـرف هله

حسين لوله حسين ما ضلَّت صـلاة

وچان صـوت الله وأکبـرماعَـله


ابوياسر الکعبي

[أم الحسن و الشهيد]

http://up.gareebtouse.com//uploads/images/gareebtouse-c701fe2fb2.gif


http://up.gareebtouse.com//uploads/images/gareebtouse-6326d94705.gif


http://up.gareebtouse.com//uploads/images/gareebtouse-fe2d2f7317.gif


http://up.gareebtouse.com//uploads/images/gareebtouse-1b152157bf.jpg

[ابو ياسر الكعبي]

ام الحسن والشهيد
مازلتي تتفضلين علينا بتواضع المرور
وتنثرين على ساحل ابياتنا ضوء البدور
ابقاك الله لنا
ولاحرمنا وجودك

لك خالص دعواتي القلبيه

[بنت الهدى]

حسين لوله حسين ما ضلَّت صـلاة

وچان صـوت الله وأکبـرماعَـله


***********
سلام الله التام على ابي عبد الله الحسين سيد الشهداء ....
قصيدة من الشعر الشعبي الجميل والمعبـِّر ...وكيف لا والحسين عليه السلام هو موضوعه .....
شكرا ً للشاعر الحسيني (ابو ياسر) ....جزاك الله خير جزاء المحسنين...

[ابو ياسر الكعبي]

الفاضله
هندسه
مرورك قمر أضاء سماء ابياتي

تقبلي تحياتي وشكري
ابوياسر الكعبي