دموع الفرح

[ابو ياسر الكعبي]

]دمـوع الـفــرح[
دمـع الفـرح جاري ياحجـة البــاري
يـالغايب المحجوب نتنطـر إشچـندوب
***
يـاخيـمة الأسـرار ياسـر الاکـوان
ياللَّـي اصطفـاک الله عـالأنس ولجان
وبـحکـمته المـعبـود للعـدل سلـطان
خـصـک يبـحر الجـود للکـرم عـنوان
کل عـالم الأمـکان بخمـصطعش شعـبـان
للفـرحه نطوی دروب نتنطـر إشچـندوب
***
يـامن إلک بالکون ضهرن عـلامات
أيدهـا بـالـقـرآن باريـنه بأيات
إبصبرک طفح شلاّل بحر الکرامـات
اوبسمک يثـار الله مـرتفعه رايـات
خليـفة الـرحمـن يـاساطع البـرهـان
يلّي إبهواک إنـذوب نتنطـر إشچـندوب
***
يـاحجـة المعـبود طوَّل غيـابک
ومعلّگه الأرواح کلـها إعله بابک
يالمهدي للميعاد تنـطر جـوابک
فدوه الأرواح تروح المقدم ترابـک
يـامُـنقذ الأکـوان يمـرکّع التيجـان
للوعد من کل صـوب نتنطـر إشچـندوب
***
من نـور وجـه الله نورک تجـسَّد
يزهي ويشع للکـون بالظلمه فرقد
بطلعتک يالموعود الدّين أيتوحَّـد
وبيـمنتک مـولاي رايـة مُـحمّـد
يمحرر الأسـلام من قبضة الظـلاَّم
والحگک المـغصوب نتنطـر إشچـندوب
***
بينه الصـبر بـارود ينطر الجدحته
يمته يظل عالکون وجهک إبصُبحه
وباب القُـدس يايوم بيـدک تفتحته
يمـته الظُلم والجور ينهدم صرحه
والفرج يمته يلـوح ملهوفه إلک کـل روح
ولهانه بيک إگلـوب نتنطـر إشچـندوب
***
للحـرب يمته تلوح ذيچ السرايـه
وتسرج عله العـدوان خيل المـنايه
وترتـفع للتـوحـيد والعـدل رايـه
وتشرق عله الإيمان شمس الهدايه
تجلي الليالي السـود ياحـجة المعبـود
للقـائـد المهيوب نتنطـر إشچـندوب
***
ابو ياسر الكعبي

[أم الحسن و الشهيد]

http://up.gareebtouse.com//uploads/images/gareebtouse-f492e2d61f.gif

[زهرة لبنان*]

مشكوووووور والله يعطيك الف عافيه

[ابو ياسر الكعبي]

ام الحسن والشهيد
اجمل شكر لاجمل
باقة زهور تذكو
بعطر الورد الزاكي

شكرا لك اختي الفاضله

[ابو ياسر الكعبي]

الاخت الفاضله
زهرة لبنان
كل الشكر لمرورك العطر

مع التحيه