يجي وكت العتب واتعاتب وياك

[.,.]

يجي وكت العتب واتعاتب وياك
واخليهن بديك ذنوبك وياي
انة الشلتك جمر يحرك بالجفوف
واضل خايف عليك ايلوحك الماي
أثر سهم المضة منك اداوي
واحضرلي مكان السهمك الجاي
اتلكة الحزن منك واهم بيك
وياملكة اليسرك مثل ملكاي
مثل صبير اموت من العطش موت
اشرب دمعتي وماخسرك الماي
وكل روحي صبر واتحمل جروح
اجرح لا تخاف اتحمل هواي
صبيرة وصديق العطش يفلان
حسبالك أذل من تكطع الماي
هينة اشما شفت منك اجازيك
اردهه اضعاف الك دكاتك وياي
شجرة اني واكيد اتردلي فد يوم
من ادكك شمس وادور فياي
تاخذ يسرتي ساعتهه يفلان
كل زين الالك منطيتة يمناي
اتحاسب وياك الجرح بثنين
اعوف الراح الك بس اخذ الجاي

[خادم الأطهار]

بارك الله فيك على هذه القصيدة الرائعة

[من فهمني ملكني]

يسلموااااااا أبداعت في كلمآآآآآآآآتك أعجبتني كلمآآتك التي ظهرت من لسأنك وقد كتبه قلبك فلك مستقبل أن شآآآآآآء الله عسآآآآآك على القوه

[.,.]

مشكورين على الردود الاكثر من رائعة
لكم مني اطيب تحية وسلام

[bo_danyal]

الله يعطيك الف عافيه على هل الابيات الحلوه
ماقصرت اخوي واصل ابداعك ولا تحرمنا منه

[شاعرة المرتضى]

لو سمحت أخي إذا ماعليك أمر
ممكن تغير صورتك الا تعلم
بأني أشعر بأنزعاج داخلي عندما أراها
أتمنى أني أكون ماتدخلت في خصوصياتك

[.,.]

لا اخي
لك كل الاحترام
والصورة سوف تغير بأذن الله
غالية والطلب رخيص
شكرا على المرور

[أنس الروح]

بارك الله بقلمك

قصيدة رائعة

[دلوعة الكون]

مشكوره الله يعطيك العافيه

[دلوعة أمها]

ررررررروعه وجوونان
يسلموا