ارجو من مفسرين الاحلام التفسير ^-^

[قمر الطفولة]

بسم الله الرحمن الرحيم

بغيت اعرف تفسير لاحلامي

آنة حلمت عن الامام الحسين عدة احلام وعن السيدة زينب

بغيت اعرف تفسير الاحلام
مابي اضغط عليكم لجذي اذا فسرتولي حلم وممكن احط الثاني راح احطه ^-^

حلمت اني كنت رابحة امشي بمكان مع خواتي واهلي طبعاً
وبعد سوي جفت مكانين على يميني وعلى يساري
كان في مكان اصفر ومكان احمر
المكان الاصفر كان داخله الامام الحسين عليه السلام واهل البيت
والمكان الاحمر كان بداخله شخص

عاد آنة ما ان جفت الامام الحسين واهل البيت عليهم السلام سيدة دخلت المكان الاصفر
وكان الشخص اللي بالمكان الاحمر يسحب الاطفال ويغريهم يروحون معاه عن طريق الحلاوة وغيره
والكبار يسحبهم ويناديهم

وكان ياخذ يهال ويدخلهم
وكانت اختي الكبيرة تبي تجي معاي داخل لكن الشخص كان يسحبها ومايخليها تجي معاي وهي تحاول لكن هو يسحبها
اما اختي الثانية فكانت واقفة في الوسط موب قاعدة تسوي شي ولا تعرف شتسوي

وهناك في المكان اللي كنت قاعدة فيه جفت الامام الحسين عليه السلام حزين رحت له وسألته ليش يا امامي انت حزين
رد علي عليه السلام: انه حزين لان الكل يروح المكان الاحمر

مع العلم ان في المكان اللي احنا فيه كان فيه بس كم شخص قلييل

وآنة كنت انادي خواتي يدخلون واختي الكبيرة تحاول بس الشخص يسحبها يعني صارت لاتدخل الاصفر ولا الاحمر كانت تحاول تدش الاصفر بس هو يسحبها الى الاحمر بس موب قادر يدخلها
واما اختي الثانية فكانت واقفة بعد بدون ماتدش ولا مكان وآنة اناديهم وانادي الناس وآنة اصيح ابي اساعد امامي لكن محد يستجيب قليل اللي يدخلون

وبس قعدت من النوم ارتجف من الخوف
اتمنى تلقون تفسير للحلم
واذا قدرتوا ابي احط باقي الاحلام :hh:

[المجلسي]

1) قال رسول الله (ص) : من رآنا فقد رآنا ، الشيطان (لعنة) لا يتمثل بشكل النبي و أهل بيته عليهم الصلاة و السلام فرؤيتهم في المنام كرؤيتهم في اليقظة



2) لعل الرجل في المكان الأحمر كما كان واضحاً أنه دجال يبعد الناس عن أهل البيت (ع) بالترغيب و الترهيب و ذلك أنه يغري الصغار و يسحب الكبار بالقوة كما صنع مع أختك . أنت و الحمد لله سلكتي الصراط المستقيم فهنيئاً لك



3) الإمام الحسين (ع) كان حزيناً لأن الناس ضعيفة بحيث يستدرجها هذا الرجل و يبعدهم عن ألحق . و هذا واقع الحال حيث أن الظلم ينتشر و الكفر يزداد و الحقيقة تغيب عن الناس .



قال الإمام الحسين (ع) : الناس عبيد الدنيا و الدين لعقٌ على ألسنتهم ، يحيطونه ما درت معايشهم ، فإذا محصوا بالبلاء قل الديانون







أنا أرى أن المنام يشرح نفسه و لا أرى له تعبير آخر و الله أعلم

[قمر الطفولة]

آنة فكرت بنفس التفسير لكن حبيت اني استفسر عشان اتأكد

وشكراً لك اخي

جعله الله في ميزان حسناتك