فلاااااااااانه محجوووزه

[انوار فاطميه]

بسم الله الرحمن الرحيم

السلام عليكم ورحمة الله وبركاته


( الحبر يخلص وقضايا مجتمعنا ماتخلص )



نجي لقضيتنا ومحور حديثنا

( ياولدي بنحجز لك بنت فلان )
( يابنتي ترى ولد فلان حاجزك )
( فلانة محجوزة لفلان )


_ يجي واحد يخطب بنت جيرانه ..الولد ماعليه اخلاق ودين ..لكن البنت محجوزة لولد عمها


_ في يوم من الأيام شخص كان حاجز وحده من قريباته .. وطول حجزه لها يعني من يوم انهم صغار وهم يقولون فلان لفلانه وفلانه لفلان .. وبعد ما توظف تركها وقال انه مايبيها ..


ساءت الحاله بين العائلتين .. والبنت تورطت وراحت فيها حتي الخطاب مايدقون بابهم لأنهم يعرفون انها محجوزه لفلان وضاعت البنت مع ضياع هذا الحجز ..


_ بنت يتيمة وحيدة..حجزها عمها لولده ..لانه مايبغاها تطلع من العايله .. طيب ممكن البنت مو مناسبة للولد ..افكارهم غير ..شخصياتهم غير..لكن مين يسمع ..خلاص البنت محجوزة لفلان



قصص تبكي القلوب .. وأحلام تضيع في قرار
أمال وأمنيات تتبخر ..

بصراحة انا احس ان الحجز فيه ظلم للبنت
خصوصا ان الولد لو كبر وغير رايه ماراح يتأثر

لكن البنت حساسة وراح تتأثر

وفوق كل هذا معد بيجيها خطاب لانهم يعرفوا انها محجوزة لفلان

ممكن الشاب يتأثر لان اهله اختاروا له شريكة حياته
وحجوزها له ..

لكن البنت هي اللي راح تتأثر اكثر



:

:


من المذنب .في هذا كله. الشاب , الشابه , الأهل , العادات والتقاليد ؟؟

ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟

اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟

وانت ايها الشاب مارأيك في مسألة الحجز وان تكون محجوز لفتاة ؟؟

وهل هذا الشي موجود في عائلتكم ؟؟ وماموقفكم منه ؟؟



اتمنى التفاعل

تحياتي

[عاشقة الفاقده شباب]

من المذنب .في هذا كله. الشاب , الشابه , الأهل , العادات والتقاليد ؟؟
كلهم مذنبين ويليت كل بنت ترفض انها نتحجز ونفتك من قضية الحجاز

ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟اذا الولد بقى يخطبها يحجزه
والبعض الاهل تحدد ويوفقون لصار وقت اليوم المنتظر الملكه قربت رفضها

اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟
برفض
وانت ايها الشاب مارأيك في مسألة الحجز وان تكون محجوز لفتاة ؟؟
اهو السبب لو يقول مايبي يحجز لان مايضمن نفسه انا مايغير رايه
وهل هذا الشي موجود في عائلتكم ؟؟ وماموقفكم منه ؟؟
اي والكثير ماينفع لانها انرفضت
وانشاء الله الباقي ينتبهون او الرجال يملك قبل لايرفضه
يعطيك العافيه

[سكر نبات]

سمعت عن قصص تكسر الخاطر عن الحجز وحده انحجزت من كانت صغيرة ويوم كبروا ام الولد ماتبغاها بس اصر الولد ياخذها وملك عليها لانها انتظرته سنوات بس ماطولت الخطوبة تفرقوا والكل عادف ان النبت محجوزه من زماااان ولااحد تقدم الها

من المذنب .في هذا كله. الشاب , الشابه , الأهل , العادات والتقاليد ؟؟

كلهم مذنبين بس الاهل احملهم الذنب اكثر
ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟
الشاب اهو اللي يختار
اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟
برفض بس لو شاب معروف من اهلي وشاريني ومو مطول في فترة الحجز يعني سنة تقريبا وعمري صغير واهو صغير بوافق
وانت ايها الشاب مارأيك في مسألة الحجز وان تكون محجوز لفتاة ؟؟

وهل هذا الشي موجود في عائلتكم ؟؟ وماموقفكم منه ؟؟
اي موجود كثير بس الله يعين اكيد لو كانوا صغار نحاربه ونمنعه

[علاء النجفي]

السلام عليكم

هذه العادات لا تنتهي من عوائلنا لا اذا نحن جيل الشباب الصاعد يوقف هذه الأمور من مجتمعنا
لا نستطيع ان نحدد هذا الأمر بين من هم صغار حتى يكبرو ويقرره ماذا يريدون لان المشاعر لا نستطيع
ان نتحكم بها نحن .


تحياتي

[اتمنى حسين يمسح دمعتي]

من المذنب .في هذا كله. الشاب , الشابه , الأهل , العادات والتقاليد ؟؟
كلهم مذنبين في حالات مختلفه
ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟
احيانا الشاب واحيانا الأهل او حتى الجد احيانا بتدخل
اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟
صار لي هالشي لكن ابوي رفض وانا حتى مافكرت مشيت مع كلام ابوي انه تكون الملكه على طول ليش الحجز واللعب هذا
وانت ايها الشاب مارأيك في مسألة الحجز وان تكون محجوز لفتاة ؟؟
.....
وهل هذا الشي موجود في عائلتكم ؟؟ وماموقفكم منه ؟؟
اي موجود وصراحه اشوف الولد هو الي يبدأ يحجز والبنت واهلها دااايماً يرفضون يعني الحجز فآآآآشل من بدايته لنهايته

[الدمع تذكار الأحباب]

من المذنب .في هذا كله. الشاب , الشابه , الأهل , العادات والتقاليد ؟؟
الشاب ويمكن الأهل

ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟
الشاب وهم يمكن الأهل

اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟
............؟؟!!
وانت ايها الشاب مارأيك في مسألة الحجز وان تكون محجوز لفتاة ؟؟
.....

وهل هذا الشي موجود في عائلتكم ؟؟ وماموقفكم منه ؟؟
للأسف موجود بس ماباليد حيله أذا أنحجزتي أنتظري لين ربك يفرجها
بس أحب أنصح كل فتاه انها ماتنحجز لمده طويله او أحسن لها ماتنحجز أبد لأنهابتظطر تنتظر وترفض كل الخطاطيب الل يجونها
بس أستغرب من الشاب أنه مايحس لأن اهو الغلطان وهو اللي
وقف نصيب البنت حتى الأهل المفروض أهم اللي يرفضون لأنهم بيضيعون مستقبل البنت وطبعاً غير كلام الناس الى متى بتظلين محجوزه ؟ومتى بزوجونش ؟ولا تخيلي بعدين يقول مايبيش؟
ولا قعدي أنتظري لين يفكر يجي ياخذش؟ولا شكثر اللي خطبوش وأنقولهم محجوزه وأذا قال مايبيش ماحد بيجي ياخذش
؟وتراش كبرتي؟ طبعاً هالكلام راح يحز في خاطر البنت وأكيد أنها بتضايق وهي مابيدها شئ تسويه وأنا أعتبر الحجز ظلم للبنت ... بس للأسف لاحياة لمن تنادي..

[şάĐ]

من المذنب .في هذا كله. الشاب , الشابه , الأهل , العادات والتقاليد ؟؟ الأهل+العآدآت والتقآليد ..!

ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟ الأهل+النسب ..!

اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟ ما أقبل في هذا الشيء ( يحجزك ) بضآعة أنا علشان أنحجز ؟؟!!

وهل هذا الشي موجود في عائلتكم ؟؟ وماموقفكم منه ؟؟ لآ الحمد لله مو موجود بعآئلتنا ..~

ثآنكس على الموضوع ..|

[♥الحب الأجمل♥]

من المذنب .في هذا كله. الشاب , الشابه , الأهل , العادات والتقاليد ؟؟ ممكن يكونون كلهم ..

ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟الششاب .. شوي الاهل

اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟ ...؟!

وانت ايها الشاب مارأيك في مسألة الحجز وان تكون محجوز لفتاة ؟؟

وهل هذا الشي موجود في عائلتكم ؟؟ وماموقفكم منه ؟؟ امممم اي في .. راح يضيعون مستقبل البنت ..بس شنو بإيدنا نسسوي !!

[انوار فاطميه]

يسلموووووووووووووووووو
ربي يعطيكم الف عاااااااافيه

[دفء المشاعر]

من المذنب .في هذا كله. الشاب , الشابه , الأهل , العادات والتقاليد ؟؟
اكيد الأهل

ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟
الشاب لانه اهو الي يبغاها ويرتاح لها رح يتزوجها

اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟اكيد لا لاني توني صغيره حيل

وانت ايها الشاب مارأيك في مسألة الحجز وان تكون محجوز لفتاة ؟؟
مو لي السؤال هع
وهل هذا الشي موجود في عائلتكم ؟؟ وماموقفكم منه ؟؟
صراحه لا يعني مافي وحده في العايله محجوزه

مناقشه رائعه تسلمين اختي