قصيدة((حبك لغز))

[عباس امامي]

أقدم لكم قصيدة من تاليفي بحق امير المؤمنين(ع),واسالكم الدعاء
شيعي وعالدرب باقي ولازليت آنة الماعفت حبك يحيدر
مشيت بنهج دربك ماابدلة بيوم وعنة اتخلة لاهيهات مااكدر
لاموني اعلة حبك رادوا انساك وبحبك بقيت وبسمك اتصبر
ماهمني حجي العاذل اشما كال ولاهمني اللي جذب حبك وانكر
يمن بسمك صحت لوكمت مولاي ومن اكعد ندبتك ياعلي احضر
حاضر بالشدد يابا الحسن ندريك ماشفناك وكت الضيج تتعذر
ابو الحسنين انتة ويشهد التاريخ مووكفة الك وكفات واكثر
نبدي منين مانعرف يكرار شنوصف احد لوخندق وخيبر
هذيج اللي اقلعت بيبانهةبيمناك والكل معجزاتك صارت المصدر
ومرحب من طبرتة بسيفك الفقار تحديتة وصرت للكون مفخر
خبلهم علي وراواهم الويل وخلة الروس ظلت حايرة وتفتر
كرار وطبع سيفة اعلة معناه يخلي الضربة بالعدوان تتكرر
أسدمحد كدرلة بيوم واتحداه واحدهم رجف لوشافة من يزئر
هذا الفضلة الباري اعلة كل مخلوق وبجيتة الرسول المصطفى استبشر
وهذا البات بفراش النبي المختار وساقي الكوثر يسمونة بالمحشر
حيدر بسمك تنادي السمة وي الكاع وأنتة البالشدايد توكف وتحضر
بعد متهمنةلاشدة وعسر لاضيج لان عدنة الكفو المايوم يتعذر
علي وكلمن يحبة الجنة دارة تصير واليكره علي النيران بي تسعر
ويلومونة بمحبتك ياعلي الكرار وحبك لغز ماضن يوم يتفسر
حبيناك من المهد يابو حسين ونآخذ هالمحبة ويانة من نكبر
نحبك ياعلي وغصبن علة العاداك تسمينة بفخر شيعة الك ياحيدر
وباجر من نفوز بحبك نصيح فزنة اليوم والعادانة خل يخسر

[شاعرة المرتضى]

كلماتك جدا جميلة وراقية
ولكن هذه الأبيات أوقفتني
وجعلتني أتأمل فيها أكثر
وهي

وهذا البات بفراش النبي المـــــختار
ـــــــــــــــــــــــــــــــــــ وساقي الكوثر يسمونه بالمحشر
حيدر بسمك تنادي السما وي القاع
ـــــــــــــــــــــــــــــــــــ وأنت البشــــــــدايد توقف وتحضر
بعد ماتهمنه لاشدة وعسر لاضيق
ـــــــــــــــــــــــــــــــــــ لأن عدنه الكـــــــفو المايوم يتعذر
علي وكل من يحبه الجنة داره تصير
ـــــــــــــــــــــــــــــــــــ واليكره علي النــــيران بي تسعر

ــــــــــــــــــــــــــــــــــــــــــــــــــ ـ
سلمت
يداك أختي الكريمة
لاتحرمينا من جديدك
شكرااااااااااا
لك

[ترانيم ولائية]

علي الاية علي القرآن
علي التكبير لو كبر
علي صاحب صراط الحق
علي الجنة علي الكوثر
علي باني اصول الدين
اصل الدين بيه يفخر
يعطيك العافية اختي وتقبلي مررروري واضافتي

[مكيدة المُلحدين]

عاشت ايدك خيه عباس امام اللى الامام ان شاء الله دوماً
نترقب جديد مشاركااتك
دمتم سآلمين

[مجنون العباس]

اللهّم عجّل لوليك الفرج


ماهمني حجي العاذل اشما كال ولاهمني اللي جذب حبك وانكر
يمن بسمك صحت لوكمت مولاي ومن اكعد ندبتك ياعلي احضر
حاضر بالشدد يابا الحسن ندريك ماشفناك وكت الضيج تتعذر


ماشاءاللّه
بي انتظار جديد
الله يوفقج يا اختي الكريمه

[ولــــد ناس]

حروف بآذخه
يْ سماء تمطرأبداعاً
وبِ كل الألوآن مختلف حقاً
لله درك ع جمآل الحرف هنآ
وكفى
لك الورد منثوراً..
دمت بحفظ ـآلرحمن
تحيآتي وأحترآمي