السادن
08-20-2011, 09:14 AM
موال زنجيل للامام علي بن ابي طالب (ع)
*********************************
حاز الفضايل علي متروس كله إبه .
لو نزل للمعركة مو سيف شايل وبه .
عن إبن عمه النبي مارضه غيره أو أبه .
إيصير سيف ودرع فشلة أوأنه حيدر .
يابيت هذا الذي حاويك من حي دار .
حي فاطمة الرضعت صافي اللبن حي در .
بعد النبي بالعلم مكتوب ثاني صطـر .
عـِد العلم مرجلة وبكيفك إنت صـطـّر .
ومخوف الابطال يصطر عدووه صطر .
بالعلم خو حيدرة رافع شعار وعلم .
آلاف الدروس من إبن عمه العلم .
من للمدينة تطب دگ باب وانطي علم .
بالباب أكو لافتة مكتوب بيهه علي .
طبعا يكرهوه چيفن مقامه علي .
اشبعد يا مأثرة للراد حجة علي .
ياهو اللي يوفيك ياسيدي أمن الجمل .
والحاربك سيدي وحده إيكف ويمل .
بالبصرة إنت الفزت وخسرت أم الجمل .
الفقار ماشالته أي إيد بس كفه .
كافي علي ويالنبي وموازن الكفة .
مجلي المعسرات عن وجه النبي وكفه .
باب الشرك حيدرة هو الذي صـكـّه .
ضربته ماتنثني للعدو لو صـكـّه .
للجنة شيطببك إلا ّ علي صـكـّه .
أموقعه بيده علي يله تطب جنة .
كل الهوه حيدرة عگله صدگ جنة .
موبس إنس أسلمت من خوفهه أو جنة .
وآني أگلك بعد أسلم سنا المارج .
يل ماتحبه إلعلي عگلك بعد ما راج .
أصحاب عنده النبي حط منخل وبي رج .
يبقى علي ما يگع وأغلبهه تصبح تبن .
إلفروسية إلعلي وعوانهه بي تبن .
فارس بدر يا علي وانت الگلت تبا ً.
انهزم وآني اهزمت مرحبهم وعامري .
وآنه بشجاعة علي مسمعت كل عمري .
ومن سيفه الاسلام لي هسه ظل عامري .
ويهون عنده الصعب حت لو صعب خطبه .
بالكوفة تحچي حكم من تلقي الخطبة .
إلهذا السبب سيدي گلبي القلم خطبة .
ماغيرك انت علي بالدنيا لا اي ولي .
يلي شربت الكره ليغاد عني ولي .
إمأكد بيوم الحشر موإلك يفزع إلي .
إلمو إمامه علي محسوب إي منهم .
يازلم شبهوك بعد النبي من هم ؟
طب حضرته وندعي ينزال لو من هم .
إمخوّل بعد حيدره يكفي أبو طالب أبه .
تحياتي
*********************************
حاز الفضايل علي متروس كله إبه .
لو نزل للمعركة مو سيف شايل وبه .
عن إبن عمه النبي مارضه غيره أو أبه .
إيصير سيف ودرع فشلة أوأنه حيدر .
يابيت هذا الذي حاويك من حي دار .
حي فاطمة الرضعت صافي اللبن حي در .
بعد النبي بالعلم مكتوب ثاني صطـر .
عـِد العلم مرجلة وبكيفك إنت صـطـّر .
ومخوف الابطال يصطر عدووه صطر .
بالعلم خو حيدرة رافع شعار وعلم .
آلاف الدروس من إبن عمه العلم .
من للمدينة تطب دگ باب وانطي علم .
بالباب أكو لافتة مكتوب بيهه علي .
طبعا يكرهوه چيفن مقامه علي .
اشبعد يا مأثرة للراد حجة علي .
ياهو اللي يوفيك ياسيدي أمن الجمل .
والحاربك سيدي وحده إيكف ويمل .
بالبصرة إنت الفزت وخسرت أم الجمل .
الفقار ماشالته أي إيد بس كفه .
كافي علي ويالنبي وموازن الكفة .
مجلي المعسرات عن وجه النبي وكفه .
باب الشرك حيدرة هو الذي صـكـّه .
ضربته ماتنثني للعدو لو صـكـّه .
للجنة شيطببك إلا ّ علي صـكـّه .
أموقعه بيده علي يله تطب جنة .
كل الهوه حيدرة عگله صدگ جنة .
موبس إنس أسلمت من خوفهه أو جنة .
وآني أگلك بعد أسلم سنا المارج .
يل ماتحبه إلعلي عگلك بعد ما راج .
أصحاب عنده النبي حط منخل وبي رج .
يبقى علي ما يگع وأغلبهه تصبح تبن .
إلفروسية إلعلي وعوانهه بي تبن .
فارس بدر يا علي وانت الگلت تبا ً.
انهزم وآني اهزمت مرحبهم وعامري .
وآنه بشجاعة علي مسمعت كل عمري .
ومن سيفه الاسلام لي هسه ظل عامري .
ويهون عنده الصعب حت لو صعب خطبه .
بالكوفة تحچي حكم من تلقي الخطبة .
إلهذا السبب سيدي گلبي القلم خطبة .
ماغيرك انت علي بالدنيا لا اي ولي .
يلي شربت الكره ليغاد عني ولي .
إمأكد بيوم الحشر موإلك يفزع إلي .
إلمو إمامه علي محسوب إي منهم .
يازلم شبهوك بعد النبي من هم ؟
طب حضرته وندعي ينزال لو من هم .
إمخوّل بعد حيدره يكفي أبو طالب أبه .
تحياتي