عتاب القمر..بقلمي

[شمس اليقين]

احببت ان اطبع اول بصمة لي في هذا الصرح المبارك..
بقصيدة لأبي الفضل العباس عليه السلام..
بقلمي...


الغيرة عدهة وياك وكفة
واني عندي وياك لوحة من العتب
صورة يرسمهة الونين بلون دامي
ويختلط وي لونة دمعي المنسجب
الغيور تلجمة كلمات العتاب
وتشب نار بوسط كلبة وتلتهب
واني ناري احتركت بنار الخيام
ونار فركاك اقوى من عدهن لهب
وعندي نار اشتعلت بماي الفرات
ومررت طعمة العذب..
ونار ابو السجاد اليريدك عضيدة
وعينة تربي اعلة الدرب
ونار ايتام التصيح من العطش
ونار نسوان اليمردهة التعب
وعندي نار تصيح وسفة
ترضى ياعباس اظل وسط الغرب؟
وانتة دكيت اعلة صدرك بالمدينة
وهذاحتى الخدر من عندي انسلب
تدري بمتوني الشمر سوطة يلوح؟
تدري من دونك مسيري شكد صعب؟
واني اصد اعلة النهر بلكي تكوم
وعيني مشبوحة اعلة جيتك ترتقب
ماسمعت بصوتةيزجرنة الغريب
وهذا يضرب باليتامى وذاك يشتمنة ويسب
ومن صعدت الناكة اتلفت عليك
وروحي وي دمعاتي راحن لك سرب
ادري روحك فاركت بيك الجسد
وادري تبجي بلايا عين ولاهدب
وادري بجفوفك كطيعة اعلة الفرات
ورايتك يمك صريعة اعلى الترب
وادري بيك الشيمة من حامي الحمة
وكلبك انقى من الفرات واصفة من ماي الذهب
بس جروحي هواي بالخاطر يلوجن
والعتب مرخوص للطبعة يحب

اجيت اعتب على البيه المحنة
واكولة ادموعي كل شوفي محنة
شعجب عباس يتركني بمحنة
ويظل مطروح بارض الغاضرية

[ولــــد ناس]

عزيزتي

شمـــس اليقيـــن

ابدعتي بروعة كتاباتك

وتميزتي بجمال بوحك

وتركتي المجال واحة غناء أمامنا

نستنشق الجمال والروعة

من بين تلك الحروف

حضرت هنا عامداً

اقصد البحث عن المتعة والجمال

فوجدتها جمالاً آخر حبرته اناملك

تقبلي تواجدي هنا

مودتي

ولــــد نـاس

[شمس اليقين]

بوركت اخي الكريم ..وشكرا على المرور العذب الذي
عطر الموضوع بأريج التواصل والابداع..
مع كل التقدير لشخصك المحترم..

[مجنون العباس]

اللهم عجل لوليك الفرج

سلمت اناملكي
اتمنا انا نقرا من افكارج الكثير
الله يوفقكي