حازم ال ذي قاري
11-14-2011, 08:03 PM
السلام عليكم
قصيدة للشاعر حازم السهلاني
مرة من الكوت ابنها بالحرب مات
مرة ولفراك ابنها كامت تجوع
كامت للنجف تمشيله كل يوم
توصلة لحم بس ترجع ضلوع
وسوتله كَبر بس علتة هواي
ما كضها حرام وكضها ممنوع
كَالت من اشوفة من اشوفه بعلو الغيوم
احس جن العلم مو كَبرة مرفوع
ونعت يمه نعاوي تفلش الكَبور
وطلع بيهن شعر مامنة مسموع
الدرب بي كلشي لاكن انته مابيه
بس انته عله راكَـ العين مزروع
جبت عمري البسك كلشي بالسوك
المهم تلبس كَلت خل ثوبي مركَوع
من تكبر كلت يتعوض الفات
بالله الثوب اركَعة شيركَع الجوع
اجيتك للكَبر بس ردتك تكوم
وادم بالمكابر واكفة تموع
ودرعت الثوب يمك ردتك تغيض
التفت كبرك وراي وكلي مدروع
جنت انته الوكت واكَضي الوكت بيك
ووكَف عمري بغيابك وكفت السوع
شفتلك ام مثل امك تحاجيك
عشرتيام تمشيلك بالسبوع
يلصورك ترس ذيج الحياطين
حتة منالسكَف صبلك دموع
تمنيت الكَبر حيطانة من جام
واشوفك جام كَلبي شلون مصدوع
تصبرني الشوارع كَامت عليك
وعليك ترحمت يايمة الفروع
منكَد ما شعلت شموع فوكاك
يمكن بالنجف ماضلت شموع
الي يحب يسمعها صوت احملها اله
قصيدة للشاعر حازم السهلاني
مرة من الكوت ابنها بالحرب مات
مرة ولفراك ابنها كامت تجوع
كامت للنجف تمشيله كل يوم
توصلة لحم بس ترجع ضلوع
وسوتله كَبر بس علتة هواي
ما كضها حرام وكضها ممنوع
كَالت من اشوفة من اشوفه بعلو الغيوم
احس جن العلم مو كَبرة مرفوع
ونعت يمه نعاوي تفلش الكَبور
وطلع بيهن شعر مامنة مسموع
الدرب بي كلشي لاكن انته مابيه
بس انته عله راكَـ العين مزروع
جبت عمري البسك كلشي بالسوك
المهم تلبس كَلت خل ثوبي مركَوع
من تكبر كلت يتعوض الفات
بالله الثوب اركَعة شيركَع الجوع
اجيتك للكَبر بس ردتك تكوم
وادم بالمكابر واكفة تموع
ودرعت الثوب يمك ردتك تغيض
التفت كبرك وراي وكلي مدروع
جنت انته الوكت واكَضي الوكت بيك
ووكَف عمري بغيابك وكفت السوع
شفتلك ام مثل امك تحاجيك
عشرتيام تمشيلك بالسبوع
يلصورك ترس ذيج الحياطين
حتة منالسكَف صبلك دموع
تمنيت الكَبر حيطانة من جام
واشوفك جام كَلبي شلون مصدوع
تصبرني الشوارع كَامت عليك
وعليك ترحمت يايمة الفروع
منكَد ما شعلت شموع فوكاك
يمكن بالنجف ماضلت شموع
الي يحب يسمعها صوت احملها اله