علي الأكبر والنعم!الشاعر حسين الساعدي

[سلام البصري]

علي الاكبر والنعم

نزله

اسد للحومه علي (http://www.roafd.info/vb/showthread.php?t=13793) وطب ليها
مثل جده حيدره الحاديها
علي الاكبر والنعم زين الزلم
خله عاليها مثل واطيها

---

صاح يا كفار انه ابن الحسين
انه ابن سيد الرسل والعالمين
ما اخاف اجيوشكم لا والمعين
ولبو اليمه اليوم روحي افديها
لابو اليمه اليوم روحي افديها

----

ابسيفه صال اعليهم وطش الجمع
انصاب من كل صوب اذاه الوجع
والعطش أذاه ويا ثكل الدرع
من وكع ما دره امه اشبيها
من وكع ما دره امه اشبيها

----

ليله اجت لوليدها ومشدوه ليه
اتظنه نايم والجروح امأثره بيه
اتداوي بجروحه وبكت تنحب عليه
تعتقد يكعد إذا اتداويها
تعتقد يكعدإذا اتداويها

----

لفت اجروحه ولا خلت صِواب
وعنه بدموع التصب تمسح تراب
اتسأله كامت تنتظر منه جواب
اتريد عود اوليدها ايحاجيها
اتريد عود اوليدها ايحاجيها


----

حسين يم اوليده ضل يبجي وينوح
ايكلها ليله اشينفع اضماد الجروح
اوليدي ما نايم يليله ابغير روح
ارويحته صعدت لعد باريها
ارويحته صعدت لعد باريها


----

ايكلها يا ليله بعد راح الضوء
علي الاكبر مات مينفعه دوء
خلنه نكعد يمه ونلطم سوى
اجفوفنه من دمه انحنيها
اجفوفنا من دمه انحنيها


http://www.shatelarab.com/images/icons/icon15.gif (http://www.shatelarab.com/)
خادم الحسين ع
حسين الساعدي