علي الاكبر!!الشاعر حسين الساعدي

[سلام البصري]

علي الاكبرhttp://www.aldahr.com/forum/images/icons/1%20%2899%29.gif (http://www.shatelarab.com/)


علي الاكبر كَله غيره ومرجله
جده حيدر والشجاعه اتلوك اله
وبيه اتباهت كربله
بيه اتباهت كربله

----

نزل للحومه اورجع العدوان
جنه الكرار داحي البيبان
من اجل دينه حارب الطغيان

نزل ليهم عاد صولة حيدره
احسين لفعاله نظر سر خاطره
وحده صال اعله الملى
وبيه اتباهت كربله

----

ليله اتعاين الوجه ابو اليمه
اتشوفه متغيير اودنيته ظلمه
اتسأله ببني اشصار بقت مهتمه

بكر ابن غانم يليله بارزه
وهذا يا هو القابلاه ايجنزه
ليله كومي ادعي اله
وبيه اتباهت كربله

----
رجع متباهي ابجائزه يطلب
بويه جازيني انطيني ماي اشرب
امنين اجيب الماي والكَلب يلهب

يبني ودع امك وللحومه رد
يشربك جدي ولا تعطش بعد
الموته وده امدلله
وبيه اتباهت كربله

----

والدرع والحر والعطش أذاه
وكثرة اجروحه وحده بين اعداه
شِبك عالميمون للعدى وداه

فوك كل هاي الجروح الصابته
انداروا اعليه بالسيوف ابطيحته
بين عدوانه انوله
وبيه اتباهت كربله

----

سمع صوت ابنه وراح ابو اليمه
شافه عالتربان امخضب ابدمه
بجه يمه وطاح بالنحر شمه

كعد يمه وكال يانبع الوفه
على الدنيا يبني بعدك العفه
ياهو البهاي ابتله
وبيه اتباهت كربله

-----

جابه للصيوان كعد يبجي اعليه
وجت ليله اتصيح كلي ابني اشبيه
ياجرح ماذيه ونكعد انداويه

ليله ابنه مات مينفعه الدوء
ايكلهه خلينا عليه نبجي سوى
وبالدموع انغسله
وبيه اتباهت كربله

http://www.shatelarab.com/images/icons/jdeed.gif (http://www.shatelarab.com/)
خادم الحسين ع
حسين الساعدي

[كلنا فداك يامحمد]

اللهم صل على محمد وآل محمد وعجل فرجهم الشريف
وعظم الله لنا ولكم الاجر في مصآآب الحسين وأهل بيته الاطهآآآر عليهم السلاآآم



ومآآآجورين بهذه المصآآآئب خيووو

وبآآرك الله فيك ورحم الله والديـــك

[سلام البصري]

اللهم صل على محمد وآل محمد وعجل فرجهم الشريف
وعظم الله لنا ولكم الاجر في مصآآب الحسين وأهل بيته الاطهآآآر عليهم السلاآآم



ومآآآجورين بهذه المصآآآئب خيووو

وبآآرك الله فيك ورحم الله والديـــك

وشكرا لروعة مروركم
مع اجمل تحياتي
مأجورين