طفله وهلي عافوني!الشاعر حسين الساعدي

[سلام البصري]

طفله وهلي عافوني
http://www.king-rom.com/vb/images/smilies/king%20%28139%29.gif

طفله أ وهلي عافوني...ابديرة غرب خلوني
كالولي يوم اويومين..اشكد اصبرت ما جوني

.......
أني العليله فاطمه..من زغري صرت اميتمه
معروفه ابعمي الحسن.وجدي علي حامي الحمه
والدي سبط المصطفى ..وجدتي الزهره فاطمه
من راحوا اهلي الكربله..علبجي صرت امعلمه
اشكد اصبرت ما جوني
طفله وهلي عافوني
....
يابويه افراكك َاذاني.واني ازغيره وشاب الراس
خذني اوياكم لتخليني.من غير أهل بين الناس
يامصعب ليل المر بيه. اوياخوف ابحيرة اوهواس
تانيت اوما جاني الاكبر. اِولا جَيت عمي العباس
لا كَالوا لا ذكروني!!
طفله وهلي عافوني
...
عود امتانيتك ترجعلي.من ترجع يرجعلي الحيل
اتفرحني ابجيتك يابويه.وانسى الاه وانسى الويل
لكن من وصلتني اخبارك.صار انهاري ابظلم الليل
كالوا ذبحوك ابهل غربه.وفوك اضلوعك رضت خيل
وبهل خبر ذبحوني
طفله وهلي عافوني
....
ميتة اتمنيت اولا اسمع.هيج اخبار اترد لينه
كالولي الاكبر وعلومه.اكبال احسين امطبرينه
والقاسم زفوه للحومه.من دم نحره امحنينه
وعمج عباس ايكلولي.يم الرايه امكطعينه
لو ميته يل عفتوني
طفله وهلي عافوني
...

حتى عبد الله ما سلم.ياكربله اشخليتي!!
جم كَمر من بيت النبي.بمصايبج طفيتي
عطشان ابو اليمه انذبح.وبدمه اترويتي
جانت امنيتي شوفته. ماتت ابكَلبي امنيتي
متشوفه بعد اعيوني
طفله وهلي عافوني

http://www.king-rom.com/vb/images/icons/718129.gif
خادم اهل البيت ع
حسين الساعدي

[كلنا فداك يامحمد]

اللهم صل على محمد وآل محمد وعجل فرجهم الشريف
وعظم الله لنا ولكم الاجر والمصآآب بمقتل الحسين وأهل بيته الاطهآآآر عليهم السلاآآم


عود امتانيتك ترجعلي.من ترجع يرجعلي الحيل
اتفرحني ابجيتك يابويه.وانسى الاه وانسى الويل


وعظم الله لك الاجر يا مولاتي فآآطمة العليله في وفآآة مولاي وسيدي الحسين

بآآآرك الله فيك اخوي قصيدهـ مؤلمــه جداً

صح لسآآن شآآعرنآآ ورحم الله والديكم

[سلام البصري]

وعظم الله لكم الاجر والثواب