حوار مفجع بين السيدة زينب والسيدة إم البنين "عليهن السلام"‎

[شمس لاتغيب]

أفجع

حوار مفجع بين السيدة زينب والسيدة إم البنين "عليهن السلام"‎

اللهم صل على محمد وال محمد وعجل فرجهم وارحمنا بهم ياكريم
حوار مفجع بين السيدة زينب والسيدة إم البنين "عليهن السلام"




كلام الناس يجرحني كلام الناس
تكول حسين ما يرجع ولا عباس
يزينب وين أخوج حسين



أجت أم البنين بنار حسرتها
وزينب ناصبة المأتم على أخوتها
قبل ما سلمت يايمة نادتها
أخوتج وين وين حسين سألتها
تكلها حسين راح وتجري دمعتها
صاحت والحجر ناح لمصيبتها




على الاحباب أجيت أسأل على الاحباب
أدك ياباب لو راحوا أدك ياباب
أجيبة منين أخوج حسين




كلام الناس يجرحني كلام الناس
تكول حسين مايرجع ولا عباس
يزينب وين أخوج حسين





أجت تسأل أجت مهضومة منكسرة
تجاوبها العقيلة وبالكلب جمرة
أخافاً كصروا ويلادي يالحرة
تكلها لا ييمة ودمعة الزهرة
أخبرج ليش أبو اليمة أنكسر ظهره
لان شاف الكمر لا يمنة لا يسرة



يكلة أشلون تتركني يكلة أشلون
أظل بلا أخو بعدك يليث الكون
نظر جفين أخوج حسين



كلام الناس يجرحني كلام الناس
تكول حسين ما يرجع ولا عباس
يزينب وين أخوج حسين



تكلها ودأعتج بس عدهم الخوة
دفعوا للحسين نحورهم فدوة
أبو فاضل ييمة بكربله شسوة



رغم سبعين الف طب للنهر كوة
كبل جبدي الطفل هيهات يتروة
ييمة بعد أخوتي الدنيا ما تسوة



ييمة الراح شيردة ييمة الراح
تظل أخر حياتي بس دمع ونياح
تريد العين أخوج حسين



كلام الناس يجرحني كلام الناس
تكول حسين ما يرجع ولا عباس
يزينب وين أخوج حسين



ييمة حسين وحدة واني متحيره
ألامن ناصر ينده أبو العتره
أشوف الناس ضدة ومحد ينصره
بالمثلث رموه وطاح من مهرة
جنت يمة وأشوف الي كطع نحره
شفت خيل العدة تسحك على صدره



عسنها الخيل سحكتني عسنها الخيل
ولاشامت يشاهدني ودموعي تسيل
بلا يا معين أخوج حسين



كلام الناس يجرحني كلام الناس
تكول حسين مايرجع ولا عباس
يزينب وين أخوج حسين



أني أم البنين ومن يساعدني
أريده وياي يبجي ويلطم على أبني
كبل يوم المشيب حسين شيبني
تره سهم العطش بحشاي صوبني
أنا لحظة بغيابه ماغمض جفني
وأحس السيف كبل حسين ذابحني



على المذبوح واسيني على المذبوح
تنادي وياي يحسين الكلب مجروح
ولا ناسين أخوج حسين





كلام الناس يجرحني كلام الناس
تكول حسين مايرجع ولا عباس
يزينب وين أخوج حسين



أنا أم الوفه وأم الكمر أني
ولا أعوف الذي بحسين واساني
أذا تسأل عليه تريد عنواني
تلكاني بضريح حسين تلكاني
أنا لويم الكمر وأتذكر أحزاني
عفت كبري وسكنت كبور ولياني



أجيب الماي وأرويهم أجيب الماي
تجي الزوار للحظرة وتنوح وياي
جرح جرحين أخوج حسين





كلام الناس يجرحني كلام الناس
تكول حسين ما يرجع ولا عباس
يزينب وين أخوج حسين

السلام على الحسين وعلي بن الحسين واولاد الحسين واصحاب الحسين مابقيت وبقي الليل والنهار

نسألكم الدعاء..

[نهر الجنة]

مشكوووووورة والله يعطيك الف عافيه

[روح العقيله]

وعليكم السلام ورحمة الله وبركاته


اللهم صلي على محمد وآل محمد وعجل فرجهم

السلام على بطلة كربلاء

السلام على فخر المخدرات

السلام على بنت المصطفى(ص)

السلام على بنت علي المرتضى(ع)

السلام على بنت فاطمة الزهراء(ع)

السلام على شقيقة الحسن والحسين(ع)

السلام على الثائرة الصابرة

السلام على التي قدمت للحسين(ع) فرس المنون

السلام على التي حفظت العيال والاطفال

السلام على التي نقلت الواقعة

وهزت العروش وزلزلت الارض بكل الطغاة

السلام على الحوراء الطاهرة

زينب بنت علي ورحمة الله وبركاته

السلام على ام البنين

حره وأصيلة نسب
والله ما تنقاس
اختارها رب السما
من دون كل الناس
زوجة علي الكرار
وأم البطل عباس
عظم الله أجوركم وأجورنا

[شمس لاتغيب]

كم اسعدني تواجدكم العطر في متصفحي
دمتم بود