ارجوا تفسير الحلم ولكم جزيل الشكر >>>>

[hero100]

السلام عليكم ورحمة الله وبركاته

ارجوا منكم تفسير حلمى

حلمت انى فى بيت والدى وكان فيه على السفره طبق فيه لحمه وشربه ( اللحمه طايبه ) وجات واحده قريبتنا واخدت حته من اللحمه وامى جريت واخدتها منها وبعدين امى قالتلنا انها هتطلع فوق علشان تدى الطبق اللى فيه الشربه واللحمه لواحده غلبانه فى المستشفى وتعبانه . وزى اللى المستشفى دى فوقينا يعنى فى نفس البيت والعماره عندينا مفهاش اسانسير
لاكن امى ركبت اسانسير فى وش الشقه بتاعتنا علطول وهي طالعه وقف بيها وفضلت تنادى على حد يشوف الاسانسير وقف ليه وانا سمعتها وجريت اشوف فيه ايه ولقيت باب الاسانسير مفتوح شويه وقفلته وبعدين هي طلعت وانا قولت اشوف هي هتنزل تحت ولا تطلع فوق علشان اركب الاسنسير واروحلها
ولقيتها طلعت الدور 45 وبعدين طلعت وراها والاسانسير طلعنى فى مكان فى المستشفى واسع زى المطبخ بس كبير اوى وناس كتير لابسه بالطوهات بيضه
ودورت على امى ولقيتها جايه من ممر وماسكه كيس فيه علبتين سمن
ووقفت قدام واحد جابت منه جزر وحجات تانيه مش فاكرها من نفس المكان ده وادتنى الكياس دى علشان اشيلها

ارجو تفسير الحلم

معاد الحلم اليوم 12-3 مش متزكر الساعه بالظبط بس من الساعه 2 صباحا ل 8 صباحا تقريبا

[hero100]

للعلم .. انا متزوج

[فجر الظهور]

وعليكم السلام ورحمة الله وبركاته

اخي الكريم سوف تسعى والدتك لفعل عمل خير وستتاخر بعض الشي لايصال الخير للشخص المحتاج ولكن سرعان ماتقضى حاجتها وحاجة الشخص المحتاج بسرعة وسيدر ذلك العمل الطيب بالرزق الكثير عليها رغم انكم ستواجهون مواقف تصعب عليكم
بارك الله فيكم وسدد خطاكم في عمل الخير ووسع الله عليكم من كل مكان بجاه النبي وآله الاطهار وفرج عنكم بحق حرمة الآل

ارفعوا ايديكم بالدعاء بين الطلوعين وادفعوا ماتيسر من الصدقة لدفع البلاء واستغفروا الله كثيرا تدر عليكم السماء مدرارا