لو خيرتك ماذا تختار....؟

[huda.baqer]

لو خيرتك ماذا تختار
فكرة الموضوع يخيرنا احد الاعضاء بين شيئين نختار احدهما وهكذا
مثلا
لو خيرتك بين الجنة والنار ماذا تختار
اختار الجنة

[huda.baqer]

لو خيرتك بين البيبسي والعصير ماذا تختار؟

[رمــــز الــــمـــــحــبــه]

اممم هو العصير افضل بس البيبسي مااستغني عنه ههه
طيب
اللي بعدي
لو خيرتك اعطيك شكولاته تختار تويكس والا مارس

[huda.baqer]

طبعا تويكس

لو خيرتك بين تمن والقيمة وتمن وفاصوليا ماذا تختار؟

[مكفولة العباس]

طبعا التمن والفاصوليا ههههه

لو خيرتك بين اريال مدريد وبرشلونة ماذا تختار

[huda.baqer]

حبيبتي طبعا الملكـــي (ريال)

لو خيروك بين كلية الهندسة او كلية الطب ماذا تختار؟

[ولاية الامير]

الهندسة طبـــــــــــــــعا لان كللش ماحب الطب ^.^
للبعدي: تحب يكونلك اطفال هواي ويهوسوا البيت لو قليلين ويكون الجو هادي ^^ ؟؟؟

[مكيدة المُلحدين]

الله كريم....
**
البعدي تحب تقضي وقتك ع نت لو على التلفزيون؟

[فجر الظهور]

شكرا ع الموضوع اللطيف
اكيد ع النت ابد مااحب ابقى ع التلفزيون ونادرا مااتفرج ع التلفزيون.

الي بعدي ..
تحب تكتب الشعر وانت حزين ام تحب تسمعة وانت حزين ؟

[huda.baqer]

مشكورين على المرور

احب اسمعه وآنه حزينه

اللي بعدي تختار تكون مع اللي يحتاجك لو التحتاجة؟

[şάĐ]

ابقى مع الي يحتاجني . .

لو خيرتك بين . . تطيح بك طيارة .. لو تغرق بك سفينة .. وش تختار @_@

[شمس الازل*]

تغرق بي السفينه
الي بعدي
لو خيروك بين جوالين IPad ولا BlackBerry شنو تختار ؟

[نورعماد علي]

طبعا الIPad
لو خيرتك بين طير الحب لو البلبل شو تختار؟

[احمد عماد علي]

طبعا البلبل

لوخيرتك بين ايفون لو سوني اريكسون

[كنانه]

لآ هذـآ و لآ هذـآ !_!

بين السفر إيرآن و لآ سوريا ؟؟؟ :p

[huda.baqer]

ايران طبعا ..اني شبعت من سوريا ^__^

لو خيروك بين تواصل مع خوالك او اعمامك اكثر؟؟

[ولاية الامير]

خواليييي اكيييد
لو خيروك بين ال لاب توب وال ديسك توب شتختار؟؟^^

[السيد مرتضى البطاط]

السلام عليكم
لاب توب اكييييييييييد
اما الاختيار اتمنى ان تختارون انتم الاختيارات
اخوكم السيد

[ولاية الامير]

اوك
لو خيروك تكمل دراسة الجامعة بينم اخوتك وعايلتك لو بين اصدقائك في السكن الجامعي شتختار؟؟؟
تحياتي^^

[فاطمه بوحمد]

بين عايلتي واهلي لانهم عزوتي ..

لو خيروك بين الحب والوفا شنو تختار ؟؟

[huda.baqer]

الوفى ..


لو خيروك بين ...قصائد الملا باسم الكربلائي ....والملا جليل الكربلائي

[اريج العباس]

شي اكيد الملا باسم الربلائي معه احترامي للملا جليل الكربلائي
طيب لو خيروك بين الدراسه وزواج

[(ندى)]

لكـــــل حادث حديث..
لوخيرووك بين السفـــــــر بالسيارة لو السفر بالقطآر..

[اريج العباس]

بلقطار
لو خيروك بين القصائد او المواليد

[السيد مرتضى البطاط]

السلام عليكم
اختار القصائد
اما الاختيار اقول

لو خيروك بين
الحج
او الامتحانات
ما ذا تختار

[اريج العباس]

الحج
لو خيروك بين
متكبر و مغرور
ماذا تختار

[خادمة رقية]

شكرا موضوع جدا روعة

احب اكون مع الي يحتاجني

الي بعدي
اذا خيروك بين اكلت البامية او السمك منو تختار

[السيد مرتضى البطاط]

السلام عليكم
بالنسبة لي انا اختار السمك
وبكل انواعه
اما للي بعدي
لو خيروك بالملابس
تلبس ما يعجبك
او
ما يعجب الناس

[(ندى)]

مافهمت السؤال اخي..
اللي من بعدي
لو خيروك بين الدراسه بالجامعة او بالحوزة ..

[السيد مرتضى البطاط]

انا اختار الحوزة
اعيد سؤالي
هناك مقولة قديمة
تقول
اكل ما يعجبك
والبس ما يعجب الناس
اقول
لوخيروك في الملابس
تلبس ما يعجبك شخصيا
او تلبس ما يعجب الناس ولو انه ما راضي فيه قلبيا

[(ندى)]

مايعجبني شخصياً
اللي من بعدي لو خيروك بين
السفر للمدينه المنوره/الدراسه..

[اريج العباس]

السفر للمدينه المنوره

لو خيروك بين الحاسبه ول مبايل

[وجع الحنين]

موبايل ^^

الي بعدي

سفر لكربلاء او سفر لايران

[السيد مرتضى البطاط]

السلام عليكم
السفر الى ايران
اما الاختيار للي بعدي
لو خيروك بين نوكيا ان 8
او
جالكسي

[(ندى)]

جالكسي
لو خيرووك بين

الشاي:القهووة

[السيد مرتضى البطاط]

الشاي
القهوة مرررررررررررررررررررررة
لو خيروك بين الزواج
وبين العزوبية

[اريج العباس]

العزوبيه

لو خيروك بين الخاتم والساعه

[(ندى)]

الخاتم
لو خيروك بين
لابتوب او جالكسي

[ترانيم مطر]

لاب توب
بين البر والبحر

[اريج العباس]

البحر
بين التلفزيون ولحاسبه

[السيد مرتضى البطاط]

السلام عليكم
اكيد الحاسبة
لو خيروك بين
الكلام
او
الاستماع

[huda.baqer]

منوريـــــــــــــــــــــن يا احلى اعضاء

طبعا الاستماع

لوخيروك بين الاخ والرفيق الحنون؟؟

[bahar]

اثنينهم,,نفس,,الشي
الرفيق,,الحنون..اخي,من,غيرامي


بين
الاي.فون..واي..باد

[ترانيم مطر]

الايباد
بين السفر والبقاء ببلدك

[وجع الحنين]

السسسسسسسسفررر

لووو خيرووكگ

بين الحرب للبحرين والتطبير ؟؟؟

[huda.baqer]

اكيد الحرب للبحرين

لو خيرتك بين الوحده ( العزلة) او الاختلاط

[كاوه الاركوازي]

اذا كان في عزلتي خيرا لي ساختارها

اذا خيروك
بين زياره الحسين
وبين زياره بيت الله

[اريج العباس]

زيارت بيت الله

لو خيروك بين الام لو الزوجه شو تختار

[huda.baqer]

طبع الام

لو خيرتك بين السيارة والطيارة شتختار؟

[حيدرحله1986]

مااختارهم اثنينهم اروح مشي احسن ههههههههههه
الطيارة لان يكولون احسن هههه

[huda.baqer]

نورت اخ حيدر ........ بس ماخيرتنه

لو خيرتك بين البرياني والدولمة؟؟؟

[حيدرحله1986]

النور بوجودكم اختار الدولمة
لو خيرتكم بين المدرسة و العطلة شتختارون هههههههه

[اهات الجنوب]

العطل طبعا
لو خيرتكم بين الوطن والغربة شو تختاروا

[اريج العباس]

طبعن الوطن
لو خيروك بين التفاح والبرتقال

[حيدرحله1986]

اختار البرتقال
لو خيروك بين السمك و الدجاج

[اريج العباس]

الدجاج
لو خيروك بين السياره والحاسبه شو تختار

[حيدرحله1986]

الحاسبة طبعا
لو خيرتكم بين الليل و النهار

[اريج العباس]

النهار
لو خيرتك بين الشمس والقمر

[حيدرحله1986]

القمر طبعا
لو خيرتك بين الزواج و العزوبية ههههههه

[كاوه الاركوازي]

االعزوبيه اكيد وبدون تفكير هع
لو خيروك
بين القلم والممحاة ماذا ستختار ولماذا

[حيدرحله1986]

القلم لكتابة حياة جديدة
لو خيرتك بين البيبسي و السفن اب بعد وجبة دسمة هههههههه

[اريج العباس]

البيبسي
لو خيرتك بين الاخت والزوجه

[حيدرحله1986]

الاخت طبعا
لو خيرتك بين النت و التلفزيون ؟

[اريج العباس]

النت
لو خيرتك بين السفر خارج البلد لو بقائك بلبلد

[حيدرحله1986]

طبعا اذا كان في سفري لخارج البلد مصلحه اختار السفر
واذا لا فالبقاء في البلد افضل

لو خيرتك بين الشتاء و الصيف ( بالعراق خصوصا ) هههههههههه

[اريج العباس]

الشتاء
لو خيرتك بين الشاي والكهوه

[حيدرحله1986]

بكيفج بيبي خخخخخخخخخخخخخخخخخ

[اريج العباس]

ها جدو لا تزغلط احترم قوانين اللعبه هههههههههههه

[خادمة رقية]

حتا هنا جدو مو راحة
ههههههههههه

[حيدرحله1986]

لو خيرتكم بين الجدو و البيبي ههههههههههه

[خادمة رقية]

هههههههههههههههه
شلون سالفة لببسي ماشربة وجدو اني ويا مو على بعض
اختار منو بالله بس يلة اكيد راح اختار جدو الغالي

[اريج العباس]

هههههههههههههههه
خادمه لتخلي جدو يضحك عليج روحي شوفي جدو بيش مخيرج

[خادمة رقية]

ههههههههههههههههه

ولج اريج مانتبهت والله راح يضل يضحك علية نوب
ههههههههههههه صدك عجوز وماشوف اني

[اريج العباس]

لالالالالالالالالالالالالالالالا
لاتكولي عجوز شبيج خايبه هسه يكيف هههههههههههههههه

[خادمة رقية]

هههههههههههههههههه

ياروحي تخافين علية اريج بس جدو مايرحم ياعمري

[اريج العباس]

لعد شلون ما اخاف عليج مو انتي عمري فديتج

[خادمة رقية]

ههههههههههههههههه

تسلمين ياروحي ياعمري فديتج

[حيدرحله1986]

اي اختاروني احسن ههههههههههههههههههههههههه
طيب لو خيرتج بين بيبي مكفولة و بيبي خادمة هههههههههههه

[خادمة رقية]

ههههههههههههههه
اريج حبي جاوبي ولا تهتمين منو اقرب الج جاوبي عليهة اوك عمري
شوف الخباثة مال جدو وين وصلت يريد يفرق بينة بس احنا ماكو واحد يفرقنة جدو

[اريج العباس]

اي والله حبيبتي احنه ما نتفرق لحد الموت احنه خوات لعد شلون اني احب وحده وما احب وحده ثنينها نفس المعزه واحبهن موت

[خادمة رقية]

ياروحي تسلمين وردة انتي والله

[حيدرحله1986]

اريد جواب شنو ما تشوفين ههههههههههههههه

[خادمة رقية]

ههههههههههههههههههه
اريج حبي جواب بس هيا جوبتك وكلتلك ثنينهم
هههههههههههههه

[اريج العباس]

اي لعد انته الي ما اتشوف اني جاوبت وكلت اثنينهم بعد شتريد ها ههههه

[حيدرحله1986]

لو خيرتج بين جدو المنتدى وجدو الحقيقه

[خادمة رقية]

هاذ سوال الي لو اريج جدو

[حيدرحله1986]

بكيفج خخخخخخخخخخخ

[خادمة رقية]

والله اني جدادي كلهم ميتين اسم الله عليك جدو وطولت العمر الك ان شاء الله
طبعن راح اختار جدو حيدر هههههههههههههههه

[حيدرحله1986]

شوفوا كولوا مااكو معجبات ههههههههههههههههههههههههههههههههههههههه

الله يرحمهم بواسع رحمته

[خادمة رقية]

هههههههههههههههههههههه
لاجدو طبعن اكو هواي معجبات خصوصن اذا كان اخ طيب وحنون مثلك انت
الله يخليك ان شاء الله وتسلم انة ياجدوحيدر ياحباب ياشايب المنتدى

[حيدرحله1986]

شكر شكرا شكرا بيبي الغالية

لو خيرتك بين المطر و الجفاف

[خادمة رقية]

ههههههههههههههه
والله جدو اني احب المطر هواي لمطر طبعن

لو خيرتك بين امك او ابوك تختار منو جدو حيدر

[حيدرحله1986]

هاي صعبة
اثنينهن احسن ههههههههههههههه

[خادمة رقية]

ههههههههه
الله يخليهم الك ياربي

[حيدرحله1986]

و يخليج و يحف يا رب و لا ادخلين بالسياسة بعد هههههههههههههههههه
لو خيرتج بين المدرسة و الكلية

[خادمة رقية]

هههههههههههههههههه
جدو دخلت سياسة هنا هوة شعرفني بسياسة حتا خبار ماتابع
شوف جدو اني مامخلصة دراسة يعني رابع بتدائي وبطلت لان ضروفنة كانت صعبة كلش
فا اتمنا والله مدرسة او كلية لان كانت منيتي اكمل دراسة واتخرج واتعين بس للاسف ماكو
والحمد الله على كل حال وشكرا الك جدو الغالي

[حيدرحله1986]

هئ هئ هئ يله الله كريم ان شاء الله ع الجايات

[خادمة رقية]

هههههههههههه
ان شاء الله جدو بس ياجايات بعد

لو خيروك بين البامية ولفاصولية جدو حيدر شراح تختار

[huda.baqer]

سلاااااااااااااااااام شلونكم

هو السؤال لحيدر

اني راح اختار البامية بدل حيدر وادري حيدر ميزعل مني

لو خيرتك بين العصير والببسي؟؟

[حيدرحله1986]

طبعا ماازعل منج هدى انتي مسموحلج و اخترتي نفس اختياري *_^
اختار العصير ههههههههههه

خلي نغير شويه

لو خيرتكم بين اللابتوب و الايفون

[حنين الزاملي]

الابتوب لو خيروك تموت اعدام برصاص لو بلكهرباء خباثة مو بدية هههههههههه

[خادمة رقية]

ههههههههههه
ولج حنونة انتي ليش خبيثة هيج طبعن برصاص احسن موتة وحدة مو مثل الكهرباء

الي بعدي لو خيروك تمشي على نار بصيف لو تنام على ثلج بلشتاء خباثة ها حنونة لعد اني اخبث منج
ههههههههه

[حنين الزاملي]

الثلج طبعا البس جوبلس هههههههه لو خيروك بين ابو بريص وبين الفارة تكمشها

[خادمة رقية]

ههههههههههه
الفار احسن لان ابو بريص اموت منا
لو خيروك بين اكلت سمك لو باجة

[حنين الزاملي]

السمك لو خيروك بين الاسد لو الذيب

[خادمة رقية]

والله حنونة ثنينهم يخوفون الاسد لان اني احبة
هههههههههههه
لو خيروك بين انو تضل بلعراق وبهاي ضروف صعبة لو تطلع خارج العراق وبعد ماترجع ابد

[حنين الزاملي]

مااحب خارج العراق ابد اموت احنا واعيش اهنا ولج الطمية كل ساعة انز منها هههههههههههههههه لو خيروك بين الصيف والشتاء

[خادمة رقية]

هههههههههههههه
حنونة شبيدي عليج من تشوفين توقيع وخري الماوس عنة
اختار شتاء لان احب المطر هواي صيف حارة تموت
لو خيروك تعيش بكربلاء لو بنجف منو تختار

[حنين الزاملي]

كربلاء اكيد لو خيروك بين العنب او التين

[huda.baqer]

التين اكيد

لو خيروك بين المجاملة والصراحة؟؟؟؟

[حيدرحله1986]

طبعا الصراحه
لانها راحة هههههههههههه

لو خيرتك بين اللعب و الدراسة خخخخخخخخخخ

[خادمة رقية]

ههههههههههههههه
دراسة طبعن لو خيروك تصير مهندس لو دكتور شراح تختار

[حيدرحله1986]

مهندس احم احم هههههههههههههههههههه

لو خيرتك بين طيبة القلب و قسواته

[خادمة رقية]

ههههههههههههه ونعم مهندس والله هههههههههه
لاجدو يكفي قساوت كلبك انت نريد واحد طيب
ياقاسي ههههههههههههههه

[لحظه صمت]

لو خيروك بين سلطه ذره وسلطه والعاديه؟.

[حيدرحله1986]

نختار العادية
لو خيرتكم بين الفراق و اللقاء *_*

[خادمة رقية]

القاء طبعن
لو خيروك بين الزواج او البقاء بدون زواج

[حيدرحله1986]

الزواج طبعا
لان هو سنة من سنن الله

لو خيروك بين البرتقال و الموز ههههههههههه

[خادمة رقية]

هههههههههه
طبعن برتقال لو خيروك بين الرمان لو تين منو تختار

[حيدرحله1986]

الرمان طبعا مو مثلجن ياكلن تين لان سنون ما عدهن
هههههههههههههههههه
لو خيرتك بين شيء وكل شيء

[خادمة رقية]

بكيفي جدو انت شعليك

لوخيروك بين السمن والضعف ماذا تختار

[لحظه صمت]

ثنينهم مرض
لوخيروك بين جولات ايفون وجولات جلاكسي

[حيدرحله1986]

هاي الاجابة على بيبي خادمة هيي خبيرة موبايلات ههههههههههه

[خادمة رقية]

ههههههههههههه
صار جدو تدلل كلاكسي طبعن
لو خيروك بين لاب توب دل او ايسر شنو تختار

[حيدرحله1986]

الايسر طبعا لانها نوع حاسبتي هههههههههههههههههههه
وانتي بيبي بين الديل و hp

[اريج العباس]

سلام سلام كيفكم اخباركم تره اني اجيت شونج خادمه جدو شلونه
بعده عدل زين والله هههههههههههههههههه

[حيدرحله1986]

هلا بيج اختي اريج نورتي اهلا وسهلا
اختاري و خيرينه