اعتذار على التأخير [الأرشيف] - منتديات أبو الفضل العباس عليه السلام

الشاعر ابو لقاء البهادلي

01-22-2013, 03:33 PM

اعتذر من ادارة المنتدى ومشرفيه ومن الا خوه الاعضاء وكافة زوار

المنتدعلى تأخري بقصائد الامام العسكري عليه السلام0

والسبب هو انشغالنا بزيارة العسكريين عليهما السلام ومكوثنا ثلاثة

ليالي 0000ارجو ان تتقبلو اعتذاري
******************

　
تبقــــــــــــه ترفرف رايتـــك
************
بمصاب العسكري باحزان اجينه
نعزي المصطفه وحيدر ولينــــــه
بالمختار واله احنه اهتدينـــــــــــه
وبنهج الوصي وفكره رضينــــــــه
مايوم ننسه مصيبتك
***********
شاف العسكري ضيم واذيــــــــه
عادوه بالحقد هالناصبيـــــــــــــه
وجي جده النبي سيد البريـــــــــه
بسموم الغدر شاف المنيـــــــــــه
جينه نون بحضرتك
*********
امامي العسكري جينه بمصابك
نطوف بحضرتك ونشم ترابـــك
ونذكر بالهضم زهرة شبابــــــك
بوكت الضيج نصبحلك حرابـــك
هذا عهد من شيعتك
*************
ننصبلك عزه ونهل دمعنــــــــــــه
ميهمنه ابد لو نزف دمنــــــــــــــه
انتم كل املنه وسر نهجنـــــــــــــه
لحد الموت منغير دربنــــــــــــــــه
منعوف يوم زيارتك
************
اجتك بالحقد متلثمه الاذيــــــــــــاب
فجرو قبتك واتهـدم البـــــــــــــــــاب
بجه وناح الملك من شاف المصاب
وانت ماطحت بس طاح التــــــــراب
بالروح صارت قبتك
*******
كل هاي البشر ياسيدي تمـــــــــوت
الرسول واله مامشموله بالمــــــوت
وندري بالشهيد العدنه ميمــــــــوت
كلهه احياء ندري تسمع الصـــــــوت
اويانه تعيش محبتك
****************
نجددلك عهد هاليوم جينـــــــــــــاك
نقسملك قسم مايوم ننســـــــــــــاك
نظل لاخر نفس ياسيدي اويـــــــاك
مثل حسين عدنه صار ذكــــــــــراك
يالمهدي كلنه بشيمتك
**********