دارميات العقيده اجابتها واضحه تنتظر الرد والجواب

[الشاعر ابو لقاء البهادلي]

دارميات من العقيده
شوصه البني المختار كبل المنيه
وشنهي الجره والصار يو الرزيه
ـــــــــــــــــــــــــــــــــــــــــــــــــ
الزهره سكتت ليش من حركو الدار
مانادت بهالصوت احضــــــر يكرار
ــــــــــــــــــــــــــــــــــــــــــــــــــ ـــ
شنهي السبب كرار ماشهر سيفه
من هجموا عله الدار اهل السقيفه
ــــــــــــــــــــــــــــــــــــــــــــــــــ
ليش الوصي الضرغام عاف اليعادوه
ويدري بخبر موثوق يعلــــــم يغدروه
ــــــــــــــــــــــــــــــــــــــــــــــــــ
صلح الحسن ياناس وي ا ّل أميه
شنهي السبب سواه واليــــــاقضيه
ــــــــــــــــــــــــــــــــــــــــــــــــــ
لوما يثور حسين هالدنيه شتصير
هذا السؤال اليوم يطلبله تفــــسير
ــــــــــــــــــــــــــــــــــــــــــــــــ
المن اخذ الحسين اهله وعيـــاله
وليش الكمر عباس عنده الكفاله
ـــــــــــــــــــــــــــــــــــــــــــــــــ
اسأل سؤال بنوح ويهدم الــــــحيل
ليش الجسد سحكوه بحوافر الخيل
ــــــــــــــــــــــــــــــــــــــــــــــــــ ـــ
لو طاح ابو السجاد من كبل عبــاس
بحال الكمر شيصير خبروني ياناس
ــــــــــــــــــــــــــــــــــــــــــــــــــ ــ

[اهات الطفوف]

السلام عليكم دارميات قوي وحيرتني ولاكن أن شاء الله وألهمني ان ارد عليها وأن شاء الله تكون مقبوله

وصى النبي المختار بيت الرساله
صار عكس ذلك وقتل دين الله وحلاله
**********************
نادت الزهره بصوت لحكي يافضه
سكَطو المحسن وانى أدري حيدر موصه
***************************
ما سكت حامي الجار من دفعو الباب
وذكر كلام رسول الله وذكر الاسباب
**************************
تركهم لجل حفظ الدين وهيبة الاسلام
لجل ماتعود وتعبد الاصنام
***************************
لجل قضية حسين الصار ياناس
يدري جماعة غدر وهم أرجاس
*************************
جان ترجع الاصنام والوثنيه
واليوم ممنونين آل الزجيه
*************************
لجل عطشان دين ضحه بعياله
والكفاله من الزغر أسمه عباس البساله
********************
رأد الشيعه ماتدخل النار
أرخص ضلوعه أبن حيدر الكرار
**********************
مايكدر العباس يطيح بعده
مايتحمل العباس تنسبي أخته

[الشاعر ابو لقاء البهادلي]

بسم الله الرحمن الرحيم

اللهم صل على محمد وال محمد

الاخت المواليه اهات الطفوف

السلام عليكم ورحمة الله وبركاته

اشكرك على مرورك الكريم على كلماتي والرد عليها

بوركت على كلماتك الطيبه ادعو الله ان يوفقك نحو الاسمى

ان ردودك جميله جدا ولكن بعض الابيات تحتاج الى الوزن اكرر شكري وفي نفس الوقت اقدم اعتذاري على صراحتي



استمري بارك الله فيك وننتظر منك المزيد

[اهات الطفوف]

شكر لك أخي المحترم وانا أتعلم من حضرتكم وأحب ان أتعلم وهذا كله من فضل الله تعالى

[الشاعر ابو لقاء البهادلي]

الاخت المواليه اهات الطفوف

انا خادم تحت اقدام خدام الحسين عليه السلام

ادعو من الله تعالى ان يوفقك للخدمة الجليلة وانا في خدمتكم دوما

[خادمة رقية]

احسنتم اخي الموالي شاعر العترة

تحياتي وحترامي لكم

[الشاعر ابو لقاء البهادلي]

شكري وتقديري لكل الاخوة والاخوات

واشكرك اختي خادمة رقيه لكثرة ردودك ومرورك