انــت العـراق بشـيعـتة وسـنتـة ,, دارمي وابوذيات عن العراق

[خادمة رقية]

http://img266.imageshack.us/img266/5681/20123640.jpg (http://img266.imageshack.us/img266/5681/20123640.jpg)

(http://img266.imageshack.us/img266/5681/20123640.jpg)

و ما انت وحيد
انت الشعب كلة بشيعتة و سنتة
منهو الكالك ناسيك؟ هم ينسى الكمر وكتة؟
بس عشككـ عشكـ مفضوح و عشكـ الناس كلها مساتر و سكتة
صرت انت سبت و بركبة يهودي
هم شايف يهودي يجوز من سبتة؟
http://img266.imageshack.us/img266/5681/20123640.jpg (http://img266.imageshack.us/img266/5681/20123640.jpg)




انت الفارس اليسبكـ هبوب الريح و ما ظن خيل سابكتة
و انت اليرهم ترابك كحل للعين و دوة للما شفت علتة
و من طينك نحني جفوف المعرسين و كل اصبع فرح من طيبتك طكتة
و انت الريحة ترابك ترد الروح .. هيل و زعفران و عنبر بشمتة
و مثل تراب كاعك ما لكينا تراب ... يرهم للصلاة من طينتة تربتة



http://img266.imageshack.us/img266/5681/20123640.jpg (http://img266.imageshack.us/img266/5681/20123640.jpg)



انت ينام بيك المرتضى الكرار ... ابو الحسنين التلوذ الناس كلها بشارتة و بختة
و انت ينام بيك بكربلاء حسين .. الما بايع الطاغي و دنكـ ركبتة
و انت البيك ظلت شارة العباس ... لمن طاح دنكلة الفرات و باسة من شفتة


http://img266.imageshack.us/img266/5681/20123640.jpg (http://img266.imageshack.us/img266/5681/20123640.jpg)



صح هسة اصبحت من وطن نيذر لاند ... هولندي الهوية و شعري جللتة
و صح تأقلمت وية الغرب فد نوب ... و صرت ماصخ مثلهم و الملح عفتة
و صح صرت ارطن رطنهم لمن يرطنون ... و لسان العرب بالاعجمي كسرتة
لكن مدري شنهي يصير بي لمن يمر طاريك ... احسنك دفو تموز وسط شتا
اثاريني مثل طبع النخل لو طال ... يرجع للاصول و تنحني شعفتة


http://img266.imageshack.us/img266/5681/20123640.jpg (http://img266.imageshack.us/img266/5681/20123640.jpg)



العالم نسى يوم هدعش من ايلول ... صارت بيك سالفتة
ناس تكول لازم نحتويه و نشفط البترول ... و نعوض الراح و نسركـ بركتة
و ناس تكول لازم ها الحصار يدوم ... و ناس تكول لازم ننزع اسلحتة
و ناس تكول خطية اطفالة ماتو من الجوع ... و ناس تكول حيل ويا ، ما حمد ربة و شاكر نعمتة
و انت بين هذا و ذاك صاير شبح لليرمون ... و ياهو الكام ضدك سدد تفكَتة
http://img266.imageshack.us/img266/5681/20123640.jpg (http://img266.imageshack.us/img266/5681/20123640.jpg)
جي انك حلو و الدول منة تغار ... ما عدهم العندك من مجد نلتة
انت اول وطن آدم وضع جدمة عليه و كال يا الله ... لنك وصلة من جنتة
و انت اول وطن حبّة النبي ابراهيم ... و دعا ربة يصونة برحمتة و عزتة
و انت اول وطن مرسى لسفينة نوح ... و النبي ايوب ناخت بيك راحلتة
و انت اول وطن علم العالم ابجدية و يكتب التاريخ و انت اول وطن قانون سننتة
و انت اول وطن كالتلة الشمس يمة صباح الخير ... و لو رادت تمسي تمسي يكم كَبتة
و انت اول وطن ما يشبه الاوطان ... مدري شلون خالقك ربك ، سبحان ربي شلون صورتة
صورتة العراق (http://www.shattalarab.net/vb/iraq60972/)و بس علينة يلوكـ ... و احنة نلوكلة لمن يحل وكتة

[روح العقيله]

روعه انا احبه هل قصيده
عاشت ايدك تحياتي

[خادمة رقية]

شكرا اختي الغالية على المرور العطر

[خادمة رقية]

اللهم صل على محمد وعلى آله وصحبه أجمعين

اللهم صل على محمد وعلى آله وصحبه أجمعين

[السيد مرتضى البطاط]

اللهم احفظ العراق واهل العراق

[خادمة رقية]

شكرا على المرور الكريم سيدنا الغالي