خالد محمد مهدي الحجار\\قصيدة ((ليل هموم)) بحق سيدتنا ومولاتنا فاطمة الزهراء

[خالد محمد مهدي الحجار]

(( ليل هموم ))

***********

ليل هموم \\ ضلع ملجوم

دمعت عين \\ من أم حسين

بيهه صرخة المظلوم

**************

من شجرة عمرهه أشجم غصن نحسب

عليهه يامصيبه بالقلـــــــــــم نكتب

علَّمنه دمعهه دموعنــــــــه نسجب

على ون الضلع صبح ومسه نندب

وبكل يوم \\ حزن يدوم

دمعت عين \\ من أم حسين

بيهه صرخة المظلوم

*************

بربيع العمر جار الدهر لاواهه

أخذ منهه الورود وكَوَّه بجّاهه

البضعه أم أبيها عناده آذاهـــــه

الحزن والنوح ويَّه الالم خاواهه

والمهظوم \\ يظل محروم

دمعت عين \\ من أم حسين

بيهه صرخة المظلوم

***************

عله فراش المنيَّه أتوسدت الزهره

بضلع وسط الصدر مكسور شيصبره

كَابلهه الحسن وحسين بالعبره

نهار أظلم يمر بأحزانه عالحرَّه

بدمع مالوم \\ طير تحوم

دمعت عين \\ من أم حسين

بيهه صرخة المظلوم

***************

عجيبه أعله الزمن من وصل باب الدار

جاب أضغان أميَّه والسقيفه ونار

يون الضلع من العصره والبسمار

يعاينهه بحنينه حيــدرالكــــــــرار

عالمقسوم \\ يصب دموم

دمعت عين \\ من أم حسين

بيهه صرخة المظلوم

************

من أخذتهه المنيَّه أوادعتهه الروح

مصاب جبير ماكفينه دمع ونوح

بهاي الفاجعه ظل الكَلب مجروح

ياوسفه وظليمه بليل عنَّه تروح

أمر محتوم \\ جفانه النوم

دمعت عين \\ من أم حسين

بيهه صرخة المظلوم