تاحر النصيب وعقدة الدنب

[ام جواد]

الله سبحانه يقول : " و خلقناكم أزواجا "
معنى هذي الآية إن كل اثنين بهالدنيا مخلوقين لبعض
يعني كل إنسان و له زوج مخلوق عشانه على هالأرض



إن تحققت الأسباب التم الشمل و تحقق الوصال
إن استحالت الأسباب معناه إن هناك حكمة إلهية كبيرة ورا هالشي

الحزن و الضيق اللي يصيب البنت غير المتزوجة هذا شي طبيعي مية بالمية
مب عقدة نفسية و لا حسد و طمع بما عند الغير
و المفروض من هالبنت إنها ما تحس بالذنب تجاه مشاعرها هاذي
عادي حزني و تضايقي و تألمي
كيف ما تتألمين و إنتي بجهة و حبيبج بجهة ثانية ما تدرين عنه وينه
لج كامل الحق

ثاني شي النصايح الغالبة اللي تطلب من البنت إنها تستغفر ذنوبها عشان إييها نصيبها
أولا غيرها ممكن دينها أقل عن دينها و تزوجت
كيف الله سبحانه عطاها الزوج و هالبنت لا
وين العدل الإلهي ؟!


و إذا نستغفر ربنا عشان الزوج فترا الله سبحانه عارف إنه هذا الاستغفار وراه مصلحة

الاستغفار عن الذنوب لازم يكون بسبب الشعور الحقيقي بالندم لهالذنوب و الرغبة الحقيقية بالتكفير عنها
مش أستغفر و أنا أتريا مقابل من الله سبحانه غير عن مغفرته



اللي لازم تعرفه كل بنت تأخر عليها نصيبها
إن الله سبحانه يعطي كل إنسان ما يحتاجه فقط
إذا زادنا من فضله كان بها

إذا ما زادنا مب معناها إن نحن محتاجين للشي اللي حرمنا منه بهالوقت
لأن فديته ربي حنون و طيب و ما يأذي حد من البشر و ما يحرمه مم يحتاجه وهو الرب القادر إن يعطيه
و اللي رحمته وسعت كل شي

كوني أكيد ة إذا ما تزوجتي ألحين فلأنج أولا مب محتاجة للزوج بحياتج

ثاني شي إن الله سبحانه خلقج لقدر معين يقتضي بالضرورة إنج تكونين حرة من غير زوج و عيال يلهونج عن هالقدر

اعتكفي شوي مع ربج و خليه يلهمج و يشرح قلبج و يهديج لمعرفة هالقدر
و إن شاالله سبحانه ما بقصر بدلج على الدرب
و بتأدين اللي عليج على أكمل وجه و بعدها راح يكون له معنى " الزواج "

لا تضيعين الوقت بالدعاء بطلب الزوج
إذا استمريتي في الدعاء بيعطيج ربج الزوج أكيد
لأن ما يرد عبده

لكن شو بتستفيدين من هالزواج إذا كان عليج حق من الله سبحانه ما أديتيه
و هذا بكون دليل فشلج في الاختبار اللي الله سبحانه خلقه لج




أدي اللي عليج
عيشي القدر اللي الله سبحانه خلقه لج و عرفي الهدف من هالحرمان و حاولي تكونين عند حسن ظن ربج فيج
اللي اختارج ما اختار غيرج
خصج بهالقدر دونن عن الباقيات لأنج أقوى و لأنج تستاهلين الخير كله منه سبحانه
و بعدها إذا كنتي تستاهلين بيلم شملج مع نصيبج
و يمكن يشوف إن الدنيا أرخص من إن يقدمها لكم
و بيلم شملكم هناك بجنات الخلد
بأحلى بيت و أحلى أرض و جنة
في أحلى من إنج تكونين عروس الجنة !!

[روح أبيها]

المشكلة حبيبتي في ظروفنا الصعبة خصوصا في هذا الزمن الغريب (( نفسي نفسي))

الكل قاعد يعيش بروحة من غير مايدري عن غيره حتى الأخو مايدري عن أخوه

ماتنلام البنت

لما تشوف حالها وحيدة رغم وجود هذا الكم الهائل من الناس حواليها ليش لأن مافي

شخص واحد يفكر يسالها عن أحوالها وشفيها وشنو يألمها والله مافيه الكل قاعد ياخذ

من غير مايعطي عايشين في محيط جاف مصلحشي نحزن نمرض نفرح نحتاج ايد

حنونه إبتسامة صادقة بالغلط نادرا ماتطلع ساعات الإنسان ام جواد يصبر ويحتمل اللهم

لااعتراض على حكمة ربي وتجي لحظة يحس نفسه منهار مافيه قوة ليش لأن

عطشان محتاج لكلمة طيبة تروي جفاف عواطفه موكل بنت تقدر تحتمل هذي الأوضاع

الا الي عندها وازع ديني وبس البنت موشرط تفكيرها الكلي في الزواج لا التفكير في

وجود إنسان يقدر المرأه كإنسانه لها قيمة ولها طموح ولها

مكانتها ..............................الخ حتى لوكان ابوها امها اخوانها

وآسفة جدا على الإطالة لكن جدا شاكرة لك على موضوعك الرائع والمهم لكل فتاة