احد اسباب مغازل البنات

[ELYAS]

السلام عليكم

تدرون لييييش الشباب يغازلون البنات؟


للأسباب التالية:


العبايات:-


الفراشه..السمكه...الفراوله((اووه صح هذي قصة شعر))<===الأناناس...العباية ذات


الشخابيط .. ساري.. شك .. خرز.. طبي وتنقي بس الله يخليك لاتتهورين وتسرقين من



ستاير بيتكم وتفصلين عبايه..


نشوف ان العبايات بدت حبه حبه شوي شوي..



كانت وسيعه==> بدو يضيقون===> فستان عزيمه===> والين وصلنا الى



الفراشه==>لا واذا رفعت يدها بالسوق والا بالشارع كأنها بات مان تبي تطير ..




والي يلفت انتباهي.. مره مريت من عند خياط عبايات كان فيه ثنتين وحده عبايتها تقول



وزرة يماني..


والثانيه قاعده تفصل عبايه.. عاد تقول للخياط ضيق من عند الخصر..




والخياط ماغير يضيق بهالعبايه لين الخياط طلعت منه ريحة فلفل==>يعني عصب وقال:



ماما هذا مافي عباه هذا صار فستان عروسه..




ولا يوم خلصت قالت حط فتحات من الجوانب وخلها لين الركبه.



. عشان يطلع البنطلون الجينز..


رجعت قالت له عندك خرز احمر ??



قال الهندي المسكين ايه قالت حطه بالعبات كله..



صاروا البنات يكشخون بالعباية..(ما اقول غير الله يستر عليها بس)



العباية عنوان أي بنت يعني البسي عباية محتشمه تحصلين على كل احترام وتقدير



والعكس صحيح



الشيلة والطرح..


-الفوطه:الي صايره كأنها فار مقرضها مافي قرض بالدنيا الا فيها<<<.. صايرة



كأنها مشخال..


لوحة بيكاسيو:- مافي لون بالعالم الا رازته بالغطى


غطى على غفله:-شيفون والا حرير بس يكون شفاف الله يرحم والديك(طيب ليه



تغطين)..(والله ماودي بس الوالد اجبرني) أعوذ بالله ما اقول غير والله لوتفتشين كان ما احد غازلك


-مافي خيط هندي وخرزه الا بالغطى:-صارت الطرحه دفتر كشكوووووول أنواع



الذكريات ..


هذي بعض الشيلات اللي طايحين فيها هاليومين




الشنط:-


اهم شي انها تكون صغيره(سندويشه) وتلصق بالاباط (يعني لاأحد يفكر



يسرق الشنطه بيموت من الريحه)



تلمع وتبلص:-



لازم الشنطة فيها كل شي:لو اي واحد يروح السوق وبس يتفرج على احجام الشنط



واذا راحت لحفلة مافي شي بالدولاب ولا التسريحه وما أخذته معها



تقول بتسافر وغير كذالو نسوي تفتيش على الشنطه تدري وش تلقى



جوال-محفظه(هذي أساسيه)-مراية الدولاب-كريم أساس-عطر-كحل-روج-نظارتيين


-نص جالكسي-قرطاس توكس-



علك-وماخفي كان أعظم



الاحذية (وانتو بكرااامة )


أكثر شي يقهرك أن كل الناس تدري أن هالبنت قصيره بس غصب تصير طويله تلقى



الكعب أطول من يوم السبت(أطول يوم بالحياة)


اللي تلبس أحذيةالشباب العرابجة:-هذي الظاهره كثير نشوفها خصوصا اللي تصيدها



بقسم الأحذيه الرجالية جالسة تختار ولا بعد لابسه كنادر(جزمة تستخدم للعب الكوره



وأحيانا لشوت بعض العلب بالشارع)





المكيـــــــــاج:-


لطخي وجهك وكثري بالعيون .ولا يفوتك المشاغل



طايحين بعرض جديد اسمه مكياج سوق



وشوفي الشباب كيف يلاحقون..




(ابي امي .. ابي ابوي..ليش الشباب يلاحقوني)..



عرفتووو اي نوعية الي يلحقووونها الشباب و يغازلونها ؟؟



ترى البنت المحتشمة الي ما تتبرج ولا تلفت الانظار محد يقدر يتجرأ و يقرب منها ...




ولا أنسى انو في بنات والله اذا شفتها بالسوق او غيره والله انك تناظر بالأرض من الحياء


حشمه وهيبه وما احد يقدر يقول لها ثلث الثلاثه كم؟؟؟


الله يهدي جميع البنات الي يسون مثل هالحركات ويدلهم على الطريق المستقيم

تحياتي
اليــــــــــــــــــــــــــــــــــــــاس

[غرامي ابو الفضل]

صح السانك الياس
بس نسيت العطر الي تشمه من كيلو
الموظوع حلو معن اني بنت بس ما كدرت ما ارد
مشكووووووووووووور تحياتي غرامي ابو الفضل

[أبو حيدر]

والله تقول بتغض النظر وما بتطالع...

ما تقدر :Smiles (23):

تدري ليش؟

تغمص عينك توصلك ريحه العطر اللي تخدر عقلك...

وصوت الكعب بس يا خوك يرن من مسافه 30 متر...

وإذا من نوعيه البنات الجرئيات واللي تلبس لها خلخال في رجلها تسمع الحنه والزنه وكأنك في زفه...

وفي الليل تطلع تتمشي على الكورنيش أشياء تلمع في البالطو وزخرفات غريبة عجيبة...

وكل يوم موديل يوم موديل الخفاش ويوم موديل الضفدع ويوم الفراشة ويوم الجراده ويوم النحلة ومدري شنو بعد....!!!

ما أقول إلا الله يعين معشر العزاب :Smiles (64): ويستر على المؤمنين والمؤمنات...

تسلم غناتي على الموضوع وجزاك الله ألف خير...

[ام حسين]

صدقت والله اخوي اليياس على هالكلام
صحيح 100% وهاذي اللي صاير الحين هالايام واااجد زايدين هالبنات اللي جدي بس الغلط الكبير يرجع الى اهلهم يعني مايشوفونهم جدي قبل مايطلعون الا اذا كانت الودة اهلها مايدرون عنها واذا ماعندها اهل بعد هاي شيء ثاني وماعتقد احد ماعنده اهل يعني ...
بس شنقول بعد الله يهدي الجميع انشاءا لله

[عشووق]

اول شي الله يعطيك العافية على الموضوع
اني بقول شي السبب الاساسية وهو الاهل
وبدات الابو والاخوان
اني بقول لك شي صار واني اشوفه
عندي صديقة سوت عبايتها ملون بس اخوها قال لها ما تطلعي بها قدم الناس
بس هي طلعت تدرو ليش لان امها مشجعتنها تقول امها عادي كل البنات كذا
مع انها ما كانت كذا ( خسرت صديقتي )
لا حول ولا قوة الا بالله العلي العظيم
تحياااااااتي

[ام حيدر]

اولاً

مشكور اخي الياس ع الطرح
الله يعطيك العافيه
لا حرمناا منك
عسااك ع القوه اخوووي

ثانيا ً :
في الكثير من البنات من اللي ويصفتهم
الله يستر علينا وعليهم بس
العتب عليهم وعلى اهاليهم واخوانهم
يعني ذي اللي مسويه ليهاا عباايه جدي ولا تلبس شيلتها جدي
ولا تطلع وفل مكيااج اهلهاا ما يشوفونه
يعني راضيني عليهااا
اذا كانواا اهلهاا راضيين (( مبروك عليهم قعر جهنم ))
مشكور اخي مره ثانيه



السموــوــوــحه

[نبراس الحياة]

وحده عبايتها تقول وزرة يماني..

صارت الطرحه دفتر كشكوووووول أنواع..

يعني لاأحد يفكر يسرق الشنطه بيموت من الريحه.. <<<<<< بصراحة صادق عليهم..

اني صحيح بنيه بس مااقدر على البنات الا شدي..

بس اخووي تدري ان في صبيان حتى لو لابسة دفة ومتحجبة وبكل ادب واحترام الاولاد ما يقصرو يلاحقو البنت..

واني صارت وياي مرة..

اني البس دفة واتغطى<<< سعودية البنيه..

بس يعني لما اروح بيج الظهران وشدي ما اتغطى ع الاقل عشان نشوف الدنيا..<<<<صحيح الاهل ما يقصرو من الهدرة بس ما اقدر..

طبعا كنت اني وبنات خالي واختي..
دخلنا الكافتيرا وكان فيي اثنين على طوووول فرت عواينهم 180 درجة اني حقرت
لما مرينا بنقعد وكنا بعدي عنهم عيونهم بتطفر من مكانها بصراحه حزتها اني ولعت يعني مو لهدرجة ترا في بنات واجد في المكان واشكال والوان وش معنى احنا يعني..
خلصنا الكافتيرا وطلعنا نمتمشى ع البحر ورحنا الكوفي شوب وفرينا عن السينما تدري اني كل شوب القاهم واقفين بمكان الا نمر احنا فيه..

اخرتها من القهر خزيتهم بنظرات ومشيت وقلت صحيح قليل ادب وما تستحي ومن المفروض اني ما اقول ليه شي بس من بطة شبدي ..

وهدا غير لما حاوطونا واحنا متغطييين وبعبينا الراس وابوي ويانا وهم وقفوا كل واحد بزاويه <<< فاكرين الهم مدرعات حماية..


اني ما اقول كل الاولاد شدي بالعكس في بعضهم من كثر حياهم وادبهم البنت هي الا تستحي منهم..

بس يظل الغلط من الاولاد والبنات بدون استثناء..

اسمحوو ليي هع الهدرة الطويلة الا بدون داعي..

[bhshahad]

صح السناك اخوي الياس

لو كل وحده من البنات تتخذ الزهراء عليه السلام سيدة نساء العالمين

قدوه لها في كل شيء ما نشوف الدنيا بهذي الخراب الي نشوفه هذي الايام

ونفس الشيء بنسبه لشباب لو كل واحد يتخذ الامام علي عليه السلام

والحسنين سيدا شباب الجنه قدوه ما شفنه قصت الخيمه و البانطلون لمشقق

والحاله لله .... الله كريم ان شاء الله



تسلم عزيزي على هذا الطرح الجميل


تحياتي

أبوشهد

[ELYAS]

يسلمو المرور خواتي \ اخواني
تسلم يمناك ولا عدمناك
الياس

[نوارة]

شكرا للطرح المفيد

أعرف فتيات كن ملتزمات ثم ما لبثت ان رأيتهن بلبس استحييت منه وانا أعلم ان أمهن متشددة في مثل هذه الأمور لكن على ما يبدو أن الوالد لا يمانعلأنه كان برفقتهن حين رأيتهن بهذا المنظر..

الخطأ يقع على عاتق الجميع من الأم والأب والأخوة والأهل ... وحتى المجتمع المحيط بها فالكثير من فتياتنا يفعلن ما يفعلنه لمجرد التقليد نسميها بالعامية(تيس تبع) الله يكرمكم..

وحتى الصديقات لهن تأثيرهن ..لذلك لانخلي أحدا من هذه المسؤولية..

تقبل مروري...

[صرخة ضمير]

شكرا لكم على الكلام الجميل والصريح...

هالأيام البنات يقولون يقولون يتبعون الموضة واللي مايتبعها متخلف , معقد,,,,
حتى لو كانت الموضة زفت ,, قالوا والله كل واحد يمشي على زمنه مايدرون إن هذا التخلف بعينه..
أتمنى لهم من كل قلبي تمام العقل..