ما زعلت الا بعد ماتماديت بخطاك ..

[روعةالخالق]

/

اللي تحبه يارفيقي وتغليه ..
لو غاب عنك من تحط بمكانه
لو كل واحد نسى جرح غاليه ..
ماكان به غالي تذكر زمانه
خله عشان الوقت لابد يربيه ..
عشان يعرف قيمتك مو عشانه
الكون واسع لاتجاري خطاويه ..
يلقي بدالك وانت تلقى مكانه

/


الا بخطي ثم بخطي وبخطي ..
انا بشر ماني عن الذنب معصوم
ماهو صحيح اخذ معك دوم واعطي ..
واليا حصل شي بيننا صارت علوم
واااجد عيوبك لكن استر واغطي ..
اخاف لانخسر بعضنا على يوم

/


متى ماجتلك على الكيف اتصلت !!
ومتى ماودك كذا ماتتصل !!
ومتى ماطقت براسك زعلت !!
حتى لو مابه داعي للزعل !!
واثر يوم انك تتعمد ما سألت !!
اثر لك احباب عن حبي بدل !!

/


لاعاد تسأل عن مصيري وتشتاق ..
فكر بنفسك لايهمك ضياعي
يمكن نعاتب بعضنا يوم الفراق ..
لكن عتاب ما وراه انتفاعي
مايستمر حب الرسايل والاوراق ..
صعب يجي بعد الفراق اجتماعي

/


لاعاد ترجاني ولاني براجيك ..
والكل منا جعل دربه سلامه
لاعاد اسولف بك ولاجيب طاريك ..
وانشهد ان بعض المعرفه ندامه
قلبي من اول يودك ويغليك ..
وعن خلق الله ترفعت هامه
واليوم عذال الهوى شرعوا فيك ..
حطوا على عينك سواد الغمامه
لا تحسبي في قصيدي انا اجيك ..
عن حبنا اللي راح واقفى غرامه
حبك تحطم وانتهى بين اياديك ..
قصر الغرام اللي بنيته هدامه

/

ما زعلت الا بعد ماتماديت بخطاك ..
تحسبيني كل مره اقبل لك عذر
لوتقول اللي المفارق هذا دربه وجاك ..
بس انا بنصحك ياصاحبي خلك حذر
النظيف لامن عطيته يبين به عطاك ..
والقذر مهما عطيته يبقى لك قذر

/

[~.. سَكــ الْلَّيْل ــوَن..~]

مشكوره اختي الكريمه

كثير روعة بروعة

حضورك الراقي
وعلى جهودك المبذولة في رقي المنتدي

يسلموااااااا

دمتي بود

[روعةالخالق]

مشكوره سكون الليل على الطله الرائعه

[m!sS ToOoTa]

يسلموووووووووووووووو
واجد حلوين

[روعةالخالق]

مشكووووووووووووووره اختي على مرورك الأكثر من جميل