سؤال محرج للبنات....؟ ممنوع دخول المتزوجات..!

[الزهراء (ع)]

سؤال محرج للبنات....؟ ممنوع دخول المتزوجات..!
لو مثلا انتي كنتي طفشااااانه ونايمه الظهر ويوم صحيتي لقيتي اهلك صاحين وجالسين يتغدوون قمتي جلستي

معهم وانتي واصلة معك الا امك تطالع فيكي وتضحك وانتي كل شوي تعدلين بشكلك تحسين فيكي شي غلط ويوم خلص

ابوك من الغداء وقام هو واخوانك

التفتت عليكي امك وقالت لك :مبرووووك يابنتي

انتي : مبروووك على ايش (طفشانه ومالك خلق )

امك : اليوم كلمتني حرمه تبيك

طبعا راح تتغير ملامح وجهك ويروح الطفش ويصير وجهك مايحتاج بشوش بس بتستحين من امك

وبتخلين وجهك خجول

انتي : وش تبي الحرمة (انواع الاستهبال)

امك : تبيك تكنسي حوشهم وش تبي يعني

انتي : يعني تبي تخطبني (بريئة مرة )

امك : ايه اش قلتي

انتي : ماابغى اعرس (مسوية قوية وماهمك)

امك : طيب برسله لبنت خالك ( حشا صاااار ايميل مو ولد )

انتي : ياحليلك يمه تراني امزح على طول تصدقي

المهم بعد يومين دقت ام المعرس

ام المعرس : الووووو (متحمسة) وولدها جنبها

امك : الوووووو

ام المعرس : وشلونكم

امك : طيبين

شكلي بطولها المهم بوصلكم للزبدة

ام المعرس : شقلتوا !!!!!!

امك : موافقين

ام المعرس : اجل ترى يوم الخميس بيجي ولدنا يشوووف بنتكم

امك : اوكي ( عادي امك متطورة ) http://www.5fayaa.com/vb/misc/150.gif

المهم خلصوووووو وانتي بدا قلبك يقول طربق طربق طربق اليوم الاثنين ويوم الخميس قريب

والسؤال المهم :


0

0

0

0

0

0

0
0

0
0

من يوم الاثنين الى الخميس اوصفي مشاعرك ؟ يالله ؟؟؟

يلا يا بنات المنتدى شنو ردكم؟http://www.5fayaa.com/vb/misc/734.gif

[كلفوومة]

بـمــــوووت من الخووف !! ،، يعني ،، أبي اليوم يجي ،، و أبي ما يجي ،، يمكن أقوول جاان زيين ما وافقت ،، خخخخخخخ ،، بعد بسأل اللي جربوا الموقف ،، وش سووا ،، وش ما سووا ،، بتصيدني ربكة ،، مو عارفة وش أسوي ،، ما أنااام يمكن !! ،، ما باكل ،، ما بطلع من البيت ،، و بتضااايق "~ << أحس هذا اللي بصيدني :)

حليــو الموضوع ،، بس ما أجووف أحد رد !! ">

[يتيمة الزهراء]

اعرف ها الشعور يعور البطن ويلوع الجبد وتصير الوحده لاتكل ولاتنام عدل

[فدوه لعيونك أني ياعمي]

يسلمو ولكن تو الصغيره


اشكرك اختي

[falla]

هههههه


اف ملل ملل ملل



اني عن روحي احس روحي بسوي شي كبير ولاظزم استعد اليه


اف خووف ارتباك وكله خايفه تتسالني في كلشي


امم يعني مثلا لو قال اليي جديه اني ويش برد عليه ووحجي من هالقبيل كله في كوم


والاهل في كوم ثاني توصيات لا تسوين وسوي وومادري شنو والله ماحب هاللحظات وماتمناه تتكرر

والله والله والشااهد الله رفيقتي عندها خبره في هالسوالف دشت مايقارب العشرين وله وافقت على وله احد


ههههههههههههههههه بخليها اتتقول لي شنو شعورها وبكتبه اليكم


يسلموا حببتي على الموضوع الحلو


يالله نبي نشوف مشاركاتكم

[الزهراء (ع)]

يسلموووووووووووووو على ردودكم
بس انا بقول شغله ل فدوة لعيونك يا عمي
ترا شوفي انتي اكبر مني
لأني انا ب 3_3_1993
بس مو معناته اني ما احط مواضيع لأن إلااااااااااااااا ما نجرب الموقف والموضوع عادي ما فيه شي
بس لازم يكون في مناقشه
ومشكوووووووووووووووووورة :)

[$*الباسلة*$]

يسلمووووو حبيبتي
بس الموقف جدا صعب لا نوم ولا أكل وكلة مبوزة وأخلاقك في خشمك وتحسي بشي كاتم عليكي والله يعين بصراحة
وعقبال يارب بنات المنتدى نفرح بكم
تقبلي مروري
أختك البااااااسلة

[!!ملاكـ البحرين!!]

ههههههههههه

انــي بـدور راســي وبحــس بـخووف

يــسلموو

[عبير الاحلام]

يسلمووووو حبيبتي
بس الموقف جدا صعب لا نوم ولا أكل وكلة مبوزة وأخلاقك في خشمك وتحسي بشي كاتم عليكي والله يعين بصراحة
وعقبال يارب بنات المنتدى نفرح بكم
تقبلي مروري

[أني شعيه وافتخر]

ربي يعطيج مليون عافيه

[!! الحيدرية !!]

بسم الله تعالى
شكرا لكِ اختي الموآليه
موضوعك الطيب والعطر
دوم مو يوم
عساك على القوه
وشعوري راح اكون اول
شىء متوتره .. وبعدين بحس روحي
شوي كبرت بعين الوآلدين ...
بحس شوي بخوف هذا ترى كله دلع بنات
يستنانسون عقب يخبرون ربعهم ومادري شنو
وبعدين بحس الوضع عادي اذا ما تزوج الحين
متى اتزوج لين شيبة استغل شبابي
؟!

[رقيه6]

§¤°~®~°¤§اللهم صلي على محمد وآل محمد §¤°~®~°¤§

هههههههههههههههههههههههههههههههههههههههههههههههههه هههههههههههههههه


اي والله موقف لانحسد عليــــــــــــــــه خوف وربكه وحياااااا ينقط كل ماامشي نقط هالحيا وكلما أحد سألني سؤال يمكن اجاوبه واني ماادري شنووو أقول هههههههههههههههههههه أتوقع أكثر من كذا ماادري ههههههههههههههههه


يسلمو عالموضوووووع الحلوووو .. الله يعطيش العافيه خيتووووو ..

[ღஜ’M!$s Fo$hEiaღஜ]

يمآآآآآآآآ حآلهـ خووف طبعآآآآ

بسم الله على قلبي المسكين كل شوي يهز ويرقع هع هع

ولا حالتي حاله وأخلاقي عدم

لا ليلي ليل ولا نهاري نهار هع


ودووووم افكر بهالموضوع لين ماينبط راسي اااااااخ


الله المعين بس


يسلموو غلاتو عالطرح الرائع

[عاشقة طفل الرضيع]

بصراحه اخجل انظر امي وابوي احس كبرت بعينهم
وارتبك والخوووووووووووف يمه ههههههههههههه
ولانوم ولااكل لاحد مايجي اليوم ولارتباك موارتباك والخوووووف ياولي
خخخخخخخخخخخخخخخخ
مشكورة

[شمعة الحب الكبير]

بحس ابخوف أو جع بطن مابنام بقعد افكر ويش بصير

[بنت الحب]

ماراح اسوي شيء

بجلس افكر واكون دايما خاااااااايفه ونفسي في خشمي خخخخخخخخخ

بس تونا صغار

الله يعطيك الف الف الف الف الف الف الف الف الف الف الف الف الف الف عافيه

مشكوووووووورة خيتو على السؤال الصريح وتسلم الايادي


تحياتي لك

بنوته

[براءة طفله]

والله رح أدور لي فستان وبحجز عند الكوفيره <<<<< هذا الي فالحين فيه البنات

ويالله رح يكفي الوقت


وشعوري أكيد بخوف ورح أكون متحمسه


ويســـــــلمو على الموضوع

[مشاعر شاعر]

هههههههههههههههههــ
مسكين عريس الغفله كل هاالتعصيب عليهـ....بس والله بكون متحمسه اشوف وجهه وهو متفشل هههههههههــ .......

يسلموااا عالموضوعـ....

[احساس شاعره]

ربكه وتوتر
شكرا

[دمعة غلآ]

بصراحه قلق موطبيعي نوم قليل أكل قليل ماتدري وين الله حاطك هههههههههههههه

يسلموو على الموضوع الرآئع

[قلي ياحبي شسوي لوتصادفنا]

انا عن نفسي بمووووووووووت من الخووووف وبجلس افكرر لين يجي الشيخ

ويملك وبضرب عن الطعام عشان اضعف هع هع

[رملة]

يوووووووووووووووووووه حد الرعب
جربتها الاسبوع اللي طاف
دقوا الناس يوم الجمعه وقالو بيون الاربعا
وانا على اعصابي من يوم الجمعه لي يوم الاربعا
لا انام مثل الناس ولا آكل عدل وافكر شنو بيسالني وشنو لازم اجاوب وشنو البس كل يوم افتح الكبت واطالع فيه وارد اسكره :)
المهم جا يوم الاربعا وانا انتظر مع امي وخواتي واذا بجرس الباب يضرب
انا بعد لا تشوفوني قمت ارجف وبطني يذبحني :(
الحمدلله مر الموضوع على خير وقعدت معاه بس كاني طرمه ما سمع مني غير مساء النور وباجي الكلام اقوله لخالتي باذنها واهي تجاوب عني :)
وصارله الموضوع 3 ايام للحين ما اتصلوا ولا قالوا رايهم :(
الله كريم كل هالخوف والرجف راح جذي

[يمتى الفرج]

يسلمووووووووووو

[م. المياحي]

أسئل هداية بناتنه يا الله

[يتيمة الزهراء]

عاد اخت رمله ادا صار نصيب لاتنسين تخبرينا ترى قاعدين على اعصابنا ننتظر نبي نفرح فيش
ولا تنسين تعزمينا على الحفله
عندي احساس بعد يومين بيجون يخطبونش رسمي
يالله عا البركه مقدما

[حيدرية الهوى]

][`~*¤!||!¤*~`][السلام عليكم ورحمة الله وبركاته

انا جديده في المنتدى وبالنسبه لشعوري دايما اتلافت واحس ان الكل جالس يتكلم علي في البيت وقلة اكل والتمثيل بشعور الامبالاه مع اني بصير متحمسه شوي وخايفه وووووووووووووووووووووووووووووووووو وسوري علصراحه][`~*¤!||!¤*~`][

[الزهراء (ع)]

مشكووووووووووورين على ردودكم
واطلب من رملة انها طعطينا الجواب وانشاالله خير
واتمنى يكووون من نصيبك

[صمت الليل]

بيغمه علييي بمووووووووت من الخوف بنام وما بقعد الا يوم الخميس وما باكل شى الى يوم العرس هههههههههه مصختها مو يسلمو

[أسيرة الشوق]

والله اني ما جربت هالشعور للحين
بس شكلي بمووووت خوف والتوتر ماكلني
وبسوي شي اكييييد غبي
هههههههه
مشكورة اختي الزهراء عالموضوع الحلو
تحياتي

[رملة]

هلا اختي يتيمه الزهراء
للأسف ماصار نصيب :(
الام تقول بنتكم ما تتكلم الظاهر عبالها طرمه :)
ولا الظاهر يبون وحده ملسونه :)
بصراحه اذا بتعرفين شعوري زعلت وايد وتضايقت وبجيت بعد لكن بالاخير قلت خيره من الله سبحانه والله يعوضني باللي احسن ان شاء الله
والفال حق كل البنات بالزوج الصالح ياااااااااااااااااارب

[رملة]

هلا اختي يتيمه الزهراء
للأسف ماصار نصيب :(
الام تقول بنتكم ما تتكلم الظاهر عبالها طرمه :)
ولا الظاهر يبون وحده ملسونه :) ما يبون بنت خجوله مثلي P:
بصراحه اذا بتعرفين شعوري زعلت وايد وتضايقت وبجيت بعد لكن بالاخير قلت خيره من الله سبحانه والله يعوضني باللي احسن ان شاء الله
والفال حق كل البنات بالزوج الصالح ياااااااااااااااااارب

[يتيمة الزهراء]

هلا حبيبتي رمله
لاتزعلين ولا تحطين في خاطرش وها انتي قلتيها خيرة من رب العالمين
الله يجبر بخاطرش ويرزقش احسن منه بمليون مرره
ويارب العلمين بحق محمد واله نفرح فيش في ربيع ادا مو الاول الثاني ماتفرق يعني قريبا ان شاء الله
وعلى قولت مامتي ادا راح واحد الله يجيب احسن منه

ترى امي مجربه مع خواتي هاالشئ كانت
ادا جاء احد خطبهم وما صار نصيب كانت تقولهم هاالكلام وصج فتره قصيره والله يرزقهم وينخطبون والله يرزقهم بااحسن الرجال

اسفه قرقت على راسش واايد


الله يوفقش ويوفقنا

[رملة]

تسلمين حبيبتي يتيمه الزهراء
كلامج وايد حلو ويريح القلب
والله يخليلج امج ويطول بعمرها يا رب