قصائد اصدارات ’’ بني هـاشـم ’’ آيـة الصبـر ’’ اعذريـنـي [الأرشيف]

لوحة عشق1

03-03-2009, 04:49 PM

عظم الله اجوركم باستشهاد سيد الشهداء عليه السلام

باسم الكربلائي

قصائد اصدار بني هـاشـم

بني هاشم

عاشت بنو هاشمَ بالحسينِ
نفديهمُ بالروحِ واليدينِ
لعينه تكرمُ الفًُ عين

الله خلق ادم وجد منه البشر
صارت معادنهم عدد قطر المطر
ولف انت بالدنيا تأمل بالامم
تعبر على عيونك عيونك حكايات وصور
تلقى الذي قلبه احاسيس ودمع
وتلقى الذي قلبه وسط صدره حجر
تلقى بني هاشم مصابيح الدجى
يتمنى لو منهم يحسبونه القمر
ابلوا بلاءً يوم كربلاء
يستعبدون الموت في العلا
منا اليهم خالص الولا

من فطرتي وانه احب الهاشمي
واتمنى افديهم انا بروحي ودمي
واعشق رسول الله في اولاد وهله
نبع الصفا لقلبي لقطراته ظمي
وكل ما يمر سيد على عيوني بجت
اذكر علي واله ويظل دمعي همي
عبد انه للزهراء وعبد انه لعلي
لعيون غاليهم عيون تنعمي
يذوب قلبي في هوى النبي
فالطيب يهوى كل طيبِ
حب بني هاشم مذهبي

يا سادة الدنيا ويا اشراف الامم
منكم علي الاكبر وعباس الشهم
والطفل عبد الله الي يقماطه كتب
ملمحمة ما مرت على نوح وقلم
ومنكم تعلمنا الاباء بكربلا
والبشر لولاكم يا ال الله عدم
ومنكم صبر زينب با عيني على الصبر
لولاه ما رفرف لدين الله علم
صرح العلا بصبرها انبنى
وانتصر الرأس على القنا
منها بلغنا غاية المنى

كلمن يدور له في عمره عن حسب
وحبكم بني هاشم اعز واعلى الرتب
سل ما في حبه ودما للمصطفى
نوح ابنه مو ابنه ولا منه انحسب
ولو حكمة اقداري وسيد ما صرت
اخذ رسول الله تعاليم وادب
لحسين نسبوني انه خادم اله
ويكفيني لحشري هذا النسب
لباه قلبي يوم ان دعى
هل ناصر لنصرتي سعى
دمي جرى في كربلا معا

يتبع...

لوحة عشق1

03-03-2009, 04:51 PM

قصائد اصدار بني هـاشـم

الوداع

الوداع حسين يبن امي الوداع
باجر ابقى محيره والخيم متوجره
الوداع حسين يبن امي الوداع

وياك بالعز والكرم متوسده
شلون بمصابك لون باجر سده
باجر عليك العدا متحشده
وانت وحدك بالمعارة ويه العدا
والنشامه على الثرى والخيم متوجره
الوداع حسين يبن امي الوداع

خلي خويه اليوم وقليبي استعر
جن وصية خل ابوسه من النحر
كلي بيه شلون لو غاب الكمر
والعلم مطروح يم شاطي النهر
كمر هاشم عالثرى والخيم متوجره
الوداع حسين يبن امي الوداع

هاك لقليبي لعد قلبك درع
خله خويه النوح ليه والدمع
كله شوف شلون باجر تنصرع
كلي خويه الخيل تكسر جم ضلع
هامتك متطبره والخيم متوجره
الوداع حسين يبن امي الوداع

ارد اناشد هالمسية الملك
وين مثل مصابك بهاي الفلك
ياهو خوته على الثرى محد الك
فيض دم النحر ياهو الغسلك
فوك هاي المجزرة والخيم متوجره
الوداع حسين يبن امي الوداع

خويه يالبيك العوالم تغتدي
ياهو عكبك يظل ليه مسندي
باجر ويه الهم يخويه موعدي
على الغبرة الجسم منك سيدي
وانخى عودي حيدرة والخيم متوجره
الوداع حسين يبن امي الوداع

يتبع...

لوحة عشق1

03-03-2009, 04:53 PM

قصائد اصدار بني هـاشـم

سافر

سافر عزيز الزهراء للغاضرية
وياه بنيني الطيبين هاي المسية
من ودعوني تمنيت ساعة مماتي

انه ام البنين وهاج بقليبي حنينه
لمن شاهدت والله هالسور الحزينة
سافر للطفوف حسين عن ارض المدينة
بيها راية التوحيد خفاقه بيمينه
ولدي الاربعة وياه يحرسون الضعينة
انظر فاجعة عاشور مرسومه بجبينه
عني مشوا واويلاه كلهم سويه
ادري بسفرهم يردون درب المنيه
لحظة سفرهم حسيت ساعة مماتي

احداث الوداع اليوم بعيوني شفتها
كلها بصفحة الاحزان بدموعي كتبتها
بسمة عمري والفرحة وياهم ودعتها
صعبة فركة الاحباب وشلون حملتها
بس عني ظعنهم غاب غربتهم عشتها
بيوت الناح بالاهات اقسم شيدتها
عيني فلا مرها النوم من ودعوني
بعمري عشت افجع يوم بيه فاركوني
ختمت حياتي ياريت ساعة مماتي

ادري عني لارض الموت ناوين بسفرهم
على عيوني بقت يا ناس مطبوعه صورهم
روحي فارقتني تريد تتبع اثرهم
ولدي بكل شي من دنياي اتنفس عطرهم
انسى جروحي والالام من اسمع اسمهم
راح ابقى على جمر الشوق يوميه انتظرهم
دمعي على فراق حسين ما نشف دمعي
بعده ولتني الحسبات واختلف وضعي
وافتني بعده ووافيت ساعة مماتي

حين السافروا عني صورت المصيبة
شلون الغاضرية تصير والحالة الرهيبة
صورت الحسين يطيح خدينه تريبه
عالغبرة يظل مطروح وثيابه سليبه
زينب من بعد عينه عكبه تظل غريبه
قلبي على المصايب هاي ما يقطع نحيبه
هذي الصور والاحداث صارت كبالي
حكي لون احتاريت وانشغل بالي
انحب واتاني ظليت ساعة مماتي

جن اتصور العباس نايم عالشريعة
عينه وهامته مصيوب وجفوفه كطيعه
عندي من علي اخبار تروي لي الفجيعة
اولادي فدى يرحون دون ابن الشفيعة
دم دموم جفني تسيل لحسين ورضيعه
يالتسمع مصابي كوم للاجيال ذيعه
ذبحوا بنيني العدوان وشظل اليه
ظلوا جثث عالتربان اهل الحمية
ياريت تقرب ياريت ساعة مماتي

يتبع...

لوحة عشق1

03-03-2009, 04:55 PM

قصائد اصدار بني هـاشـم

وحرامٌ تستريح

وحرامٌ تستريح ايها الجفن الجريح ان بي قلبٌ يصيح
يا حبيبي يا حبيبي يا حبيبي يا حسين

حدثت عنك الدماء يا معين الانبياء انت للحقِ سماء
يا حبيبي يا حبيبي يا حبيبي يا حسين

انت برءٌ للسقيم وسراط مستقيم انت ناداك الكليم
يا حبيبي يا حبيبي يا حبيبي يا حسين

انت كهف اللائذين وامان الخائفين انت درب السالكين
يا حبيبي يا حبيبي يا حبيبي يا حسين

ايها السبع الشداد رفعت فوق العباد انت اطقت الجماد
يا حبيبي يا حبيبي يا حبيبي يا حسين

فطرسٌ باسمك صاح فشفت منه الجراح وله عاد الجناح
يا حبيبي يا حبيبي يا حبيبي يا حسين

تعب الفكر وتاه فيك يا ثار الاله انت مصباح هداه
يا حبيبي يا حبيبي يا حبيبي يا حسين

طيب الله التراب بك يا فصل الخطاب يا شفيعي في الحساب
يا حبيبي يا حبيبي يا حبيبي يا حسين

انت للنفس انيس ولها خير جليس ايها الجرح النفيس
يا حبيبي يا حبيبي يا حبيبي يا حسين

انت مصباح الطريق بعيوني يستفيق ايها الحق الحقيق
يا حبيبي يا حبيبي يا حبيبي يا حسين

انت سر الله فيك يا وريثاً لأبيك اي سِفرٍ يحتويك
يا حبيبي يا حبيبي يا حبيبي يا حسين

انت تسبيح الشفاه ومن العرش علاه انت قرآن تلاه
يا حبيبي يا حبيبي يا حبيبي يا حسين

انت معنى الحسنات بك تُمحى السيئات لك تسعى المكرمات
يا حبيبي يا حبيبي يا حبيبي يا حسين

رأسك القرآن سار فوق رمحٍ يا منار فهوت شمس النهار
يا حبيبي يا حبيبي يا حبيبي يا حسين

سجدت كي تستنير فيك يا شمس الضمير تبكي في قلبي الهجير
يا حبيبي يا حبيبي يا حبيبي يا حسين

انت يا بدر الطفوف لم ينل منك الخسوف وعلى الرمح تطوف
يا حبيبي يا حبيبي يا حبيبي يا حسين

انت امسي في الحياة انت ذخري في الممات انت للقلب صلاة
يا حبيبي يا حبيبي يا حبيبي يا حسين

انت يعقوب بكاك قائلاً لما دعاك ضع على عيني رداك
يا حبيبي يا حبيبي يا حبيبي يا حسين

كعبةً جرحك صار ولمن اسرى نهار حوله جبريلُ دار
يا حبيبي يا حبيبي يا حبيبي يا حسين

يتبع...

لوحة عشق1

03-03-2009, 04:57 PM

قصائد اصدار بني هـاشـم

اسد فوق النهر

نزلت غيوم الفاجعة عالمشرعة راعي العلم
جف النهر من منبعه هل مدمعه حسرة وندم

اسد فوق النهر نايم بلايه جفوف هذا المايعرف الخوف
شما يكثر عددها صفوف تلوي صفوف ينحرها بصدر مكشوف
لو زينب تحشمه يصيح عد عيناج يركض عالمنايا بسرعة الملهوف
لو كل المسافة سيوف يابحر الماتلزمه جروف
من يزعل تلوذ الكاع بآخر كاع ويصير الخطر زاخوخ
هذا رباة داحي الباب سبع القنطرة المعروف
واذا صارت كلافة ونادى بو السجاد عباس وتعال وشوف ليش على النهر مطروح
وزينب عالشريعة تنوح هاي السوح
تنده وين ابو النوماس وانت تروح
صدك نايم يصقر الموت وبجفك عذر مذبوح ليش تروح

معذوره زينب نادتك من شافته بعينه السهم
مجروح وتخف لوعته من عذرته يروح الالم

تعيش بكل جرح روحي ولكيتك باب
ينسد من تهب الاه وجفوف الامام تراب
الوذ بشاربك واسمع عاصف غيرتك سيف ويكص ركاب
بعدك يا خدر ينهاب انه زينب يراعي الباس شخبرك من اجا السلاب
اخت عباس يعرفني وابدا ما حسب لي حساب
يليث عداك اليه عتاب جفني من المصايب ذاب
بعد عيناك اروحن وين عندك للسؤال جواب
اشوف الدنيا غابة وليل واشوف الناس كلها نياب
بعدك يا خدر ينهاب
عجيبة تشاهد سكينة يليث الغاب مكيوده
ولا سيفك اخذ جفك ولا رمحك كسر عوده
جانت بيك محسوده ولو عينك سهم بيها
والاخرى بدمها مسدوده
يخويه الفزعة مريوده

صواب المصاب اكبر سهم بسوط العدا يأذي الحرم
من ظل اليه واكصده خصمك بدا بحرق الخيم

وين الكاك مجتوف الوفا وغيم الصبر ينعاك
بعيونك الف سياف لو مر الزعل بيهن واشوفك غمضت عيناك
معقولة الجبال تطيح وتراب السفح غطاك
افرك مهجتي براحي واكلك هاك
يا خزرة اسد مجروح تفرغ له المساحة ومنهو يتلكاك
اصيح بحيرة السفان وشراع السفينة وياك
على جفوفك يذل الموت حتى الموت راد حماك
يا سيف المنية انخاك المدامع لو مسحها العيد
تنزل عالجروح شموع وملفوف الفرح بلواك
بعدك عالهزيل نروح والتحدي الظعون عداك
اصافح جفك المكطوع انشف دمعتي بزندك
واكلك هاك لو من فوك نوك الضيم اودعك وانتظر يمناك
ما انساك انه اختك واظل برجاك

آن العتب يا كافلي راحوا هلي وحيلي انهدم
بعد حرايم تنولي وبلا ولي تصيح الرحم

يتبع...

لوحة عشق1

03-03-2009, 04:59 PM

قصائد اصدار بني هـاشـم

من مكة سار

ليلاً ونهار من مكةَ سار
حسين ذو اللواءِ ومصباح السماءِ

سرى ظعن المعالي للطفوف حسينٌ فيه سارا
لاحرار الخليقة راح يفني بوادي الطف دارا
وقال لكربلاء كوني فكانت للدنيا منارا
وتطلع كلما دجت الليالي شموسا للحيارى
والطف يصير للناس ضمير
وعرشا للسناءِ ومصباح السماءِ

حسينٌ كان يدري ما يلاقي في ارض العراقِ
ويدري انه المقتول غدرا باسياف النفاقِ
جراح الدين يحملها بصدرٍِ لعرش الله راقِ
دم التوحيد يجري من وريدٍ به الاسلام باقِ
بدم التوحيد ينهار يزيد
بسيف الكبرياءِ ومصباح السماءِ

لقد اعطيت للرحمن نفسا واعطاك الخلودا
واذ كثرت جراحك رحت تدعو وكنت المستزيدا
ونحرك تستزيد الارض منه لتصنعه نشيدا
بعين الله كنت وانت ملقا على الرمضا وحيدا
والخد تريب والشيب خضيب
بقرآن الدماءِ ومصباح السماءِ

لقد ناح الربيع على الرضيع وناح المهد قبلا
بمنحره الظما صلى نواحا وسهم فيه صلى
عيون الحور ما ابصرن طفلا لعبد الله مثلا
اتيت القوم كي يسقوه لكن سقاه القوم قتلا
فبكته دماه والعرش بكاه
وعين الانبياءِ ومصباح السماءِ

وعباس على نهر الفرات قد لبى نداكا
وفي اليمنى يزم حسام طه وفي اليسرى لواكا
يخط ملاحما للجيل تبقى معانيها دماكا
ويعطي للمعالي اي كفٍ بها تملي علاكا
قد اعطى العين اعطى الكفين
الى خير النساءِ ومصباح السماءِ

وإنا يا حسين نصيح نبقى على مر العصورِ
ونذرف ادمع العشاق جمرا الى يوم النشورِ
نسير الى الضيح ونحن ندري بعاقبة المسيرِ
ونهتف بالقلوب ونحن نسعى بعرش الله دوري
هذا السلطان في كل زمان
شعار للفداءِ ومصباح السماءِ

وخداما لنا شرف نسمى وعشاق الحسين
رسول الله ناح عليه قبلا وامى المقلتين
فلا عجب اذا نبكيه حتى نلاقي الشافعين
علي والبتول بيوم حشر ونبكي كل عين
يبقى المنحور ناموس النور
وربا للاباءِ ومصباح السماءِ

يتبع...

لوحة عشق1

03-03-2009, 05:01 PM

قصائد اصدار بني هـاشـم

رجعت ضعوني

يا عباس يا ضوا عيوني
يا عباس رجعت ضعوني
يا عباس عاين متوني

وياك اجيت من الوطن يا خويه وانت الوالي
ويا با الفضل طول الدرب صبح ومسى تبرالي
كلسا تنوخ ناكتي تنشدني عن احوالي
وما ترضى طير البالسما لمن يشوف خيالي
يالمعروف صاحب الغيرة
كوم وشوف زينب بحيرة
ياعباس عاين متوني

ياخويه لو قلبي جبل يتهدم من الحسرة
ايوب لو مثلي ابتلى يجزع وينفذ صبره
وياك اجيت بهيبتي لمن رجت متيسره
من ركبوني على الهزل خنقتني خويه العبرة
صحت بصوت من يباريني
ريت الموت خويه يلفيني
ياعباس عاين متوني

شحجيلك بحالي شجرى لمن وصلت الكوفة
انه العقيلة ام الخدر بت حيدر المعروفة
جاراتي ما جانت قبل تكدر خيالي تشوفه
يابا الفضل فرجة اصبحت وعلى الهزل مجتوفه
والانظار ليه مشبوحه
وقلبي احتار نزفت جروحه
ياعباس عاين متوني

وللشام ظعني من كطع هاجت جميع آلآمي
ما طبك جفني ولا هجع قلبي الذبيح الدامي
ياخويه راسك عالرمح طول الدرب جدامي
مثل المطر دمعي نزل لمن ذكرت ايامي
طيف وراح وانتهى خدري
يوم الطاح عالنهر ذخري
ياعباس عاين متوني

المجلس يزيد من دخلت من حقي يكثر همي
ودمعاتي تحفر وجنتي والحسرة تحرق دمي
ويزيد اشوفه بعصته يضرب شفاف ابن امي
لمن شتمني وحشمت حاضر يريتك يمي
لا ما جان خويه يهضمني
وعنده لسان كدر يشتمني
ياعباس عاين متوني

يتبع...

لوحة عشق1

03-03-2009, 05:02 PM

قصائد اصدار بني هـاشـم

طلعة الفجرِ

ماذا غداً يجري يا طلعة الفجرِ
لا تهجعي وابكي معي
يا طلعة الفجرِ

الا يا ليلة فاقت عطاءً ليلة القدر
جفا التأريخ مسراه ليسري اين ما تسري
لآل الله اصواتٌ علت بالحمد والذكرِ
هيام للهدى ابكت عيون الشفع والوترِ
يا مهجتي الحيرى باتي معي جمرا
في مضجعي وابكي معي
يا طلعة الفجرِ

غداً كم مهجةٍ تهوي على وجه الثرى حرا
وكم من طفلة تبكي وطفلي يفجع الدهرا
وحرٍ فيه حيرانُ وكم من حرةٍ حيرى
غداً يا ليت لا يأتي ولا الدنيا ترى الفجرا
يا حسرتي زيدي للفتيةِ صيدي
للرضعِ وابكي معي
يا طلعة الفجرِ

غداً تبقى بلا مأوى واهل زينب الحرة
تنادي امها الزهرا ودمعة عينها جمرة
حسينٌ بالعرى دامي وشمر يعتلي الصدرَ
وراح الشمر يا فاطم يحز بسيفه نحره
يا بضعة النورِ مفجوعة سيري
للمصرعِ وابكي معي
يا طلعة الفجرِ

كفيل الظعن مطروح عليه تنوح كفاهُ
واذاهُ الظما فينا والعامود اذاهُ
وسهمٌ خاب اذ ادمى له عيناً ابى اللهُ
بان يطفى بها نورٌ فعين الله عيناهُ
عباسنا قالا للشمس اذ صالا
لا تطلعي وابكي معي
يا طلعة الفجرِ

هنا قد اعلن الاكبر هنا قد اقسم القاسم
يصولا صولةً كبرى تقظ مضاجع الظالم
يقولا كربلا تبقى والف امية راغم
ووعد الله اذ يأتي يصيح الحجة القائم
ياعمتي زينب نار الخبا تلهب
في اظلعي وابكي معي
يا طلعة الفجرِ

غداً انصارنا تسعى سيوفاً تنصر اللهَ
اذا ما للردى تمشي يخاف الموت ممشاها
اضاحي في الثرى تمسي لترضي المصطفى طه
حسينٌ فيهم فخراً لاملاك السما باها
للهِ انصارٌ من طينة صاروا
من منبعي وابكي معي
يا طلعة الفجرِ

سيبقى الطف مادامت سماء الله والارض
واحزانٌ لنا تبقى ويبقى الندب والفرض
حسينٌ سيفنا فيه على الطاغوت منقض
لنا كم احرقوا داراً وكم من اظلعٍ رضوا
حسينُ يا دنيا قد صدق الرؤيا
حتى نعي وابكي معي
يا طلعة الفجرِ

يتبع...

لوحة عشق1

03-03-2009, 05:05 PM

قصائد اصدار آيـة الصبـر

ان جنّ ليلي

ان جن ليلي مقلتي يجري الاسى فيها جمرا يحاكيها يبكي ويبكيها
للحزن اهفو مرة لمدامعي اخرى اتجرع الصبرا في مهجتي جمرا
وابي محمد لم يزل متوسدا روحي يحصي تضاريحي والنوح تسبيحي
والصحب بعد رحيله بتراثنا سادوا بغيهم عادوا وبغيهم شادوا
نكروا حقيقة نحلتي وسعوا الى داري بالحقد والنار ومدمعي جاري
عاتبت سيف المرتضى والمرتضى حيدر لما سعى الابتر للباب واستكبر
حتى الردى يخشاك ان يوما له تسعى ورأيتني انعى مكسورة ضلعا
يامن تكتف صاهرا بوصية طه اوصاه اياها والصبر معناها
يا صابرا لك كل عين في الملا تبكي وبصبره تحكي لمالك الملك
قم وابن لي بيتا من الاحزان وحدي لأبث ماعندي واموت في وجدي
سأبث حزني للذي اوصى بنا الصحبا فتألبوا حزبا وحاربوا الربا
ارث النبوة ارثنا عبثوا به ظلما وتوثبوا خصما وتقاسموا الحكما
ذا محسن يهوي على وجه الثرى قلبي يشكو الى الرب فداحة الكرب
ام النبي وروحه في جنبه ابقى لجراحه ارقى مغصوبة حقا
ولدي الحسين بكربلا اوداجه تجري بمجهتي تسري لطالب الثأر

يتبع...

لوحة عشق1

03-03-2009, 05:06 PM

قصائد اصدار آيـة الصبـر

كربلا لا تهجعي

كربلا لا تهجعي ها هنا وابكي معي
ها هنا اقتل صبرا بسيوف الالمِ

صرخت زينبٌ بنت خير الورى يا صريعاً بقى فوق وجه الثرى
ساجداً جرحه والابا كبرا ودم المصطفى دمه اذ جرى
اعين الخيل بكت صدره حين اعتلت
هل درت قد سحقت صدر الكتاب المحكمِ

سار في ضعنه قاصداً كربلا والسما عرشها فوقه ضللا
معه فتيةٌ هم نجوم العلا كل نجم صفى للابا منهلا
بنفوس زاكية للمعالي ماضية
قدموها في الوغى قربان فخر الاممِ
هاهنا الاكبر جسمه قطعا وهنا القاسم عانق المصرعا
والضما منهما مهجةً صدعا فاطمٌ قلبها لهما قد سعى

وفؤاد المصطفى لهما قد نزفا
وتدلى اللوح يبكي بعيون القلم
وعلى العلقمي طودنا قد هوى وعلى كفه راح يبكي اللوا
ظاميءٌ والثرى من دماه ارتوى كل ماء السما جوده قد حوى
وابو الفضل ابا قلبه ان يشربا
وقلوب تتلظى عطشا في الخيمِ
والرضيع اكتسى حلةً من دم والسما فوقه نجمها يرتمي
فبكته دمـاً اعين الانجمِ غار في نحره الأم الاسهمِ

وحسينٌ قد رمى دمه نحو السما
وعليه سجد العرش وصلى بالدمِ
بخيامي العدا نارهم اوقدوا وبصدر الهدى سيفهم اغمدوا
ويتامى لنا بالفلا شردوا بحبال السبا معصمي قيدوا
شمرهم سار بنا ممعناً في سبنا
وعليلٌ معنا سار بقيد السقمِ

يتبع...

لوحة عشق1

03-03-2009, 05:11 PM

قصائد اصدار آيـة الصبـر

آية الصبر

حسينٌ للبقيع اتى يحييها فأبصرها دموعَ العين تجريها

الى ام البنين وآية الصبر حسينٌ جاءها من كربلا يسري
رآها ما تزال دموعها تجري وحزنا تملأ الدنيا وما فيها

ومنها نالت الايام ما نالت وعيناها تصبُ الدمعَ ما زالت
واذ فوق الثرى احزانه سالت نمت في الارض اشجاراً مآسيها

بها الزهراءُ لما اودعت سرا ومن احزانها اجرت بها نهرا
لها قد شيدت في قلبها قبرا واضلاعا عليها الطهر تحنيها

لقد اذهلتِ اجيالاً واجيالا واذ وقف الزمان اليك اجلالا
فلا عجبٌ لو ان وقوفه طالا وعنكِ ملاحمَ الايثارِ يرويها

واغنيتِ الطفوف بشبلكِ الساقي عطاشا كربلاءَ ودرعها الواقي
رقى ظهرَ الخطوبِ وقيلَ من راقي وللزهراءِ كفاً راح يهديها

واشبالُ العلا اولادك الاربع قضوا دون الحسينِ بكربلا اجمع
هم وفوا ومنكِ وفاءهم ينبع والعليا لهم دانت مراقيها

لقد ابكيتِ احداقَ النبيينا كما ادميتِ احداقاً لمهدينا
وللتأريخ قولٌ فيكِ ينبينا يقولُ نواحها ابكى اعاديها

لقد صرنا لأنيابِ الاسى مرعى وقد ضاقت بنا ارواحنا ذرعا
لكِ الايامُ في حاجاتنا تسعى يا امَ البنين فأنتِ تقضيها

يتبع...

لوحة عشق1

03-03-2009, 05:13 PM

قصائد اصدار آيـة الصبـر

زينب هالمسية

زينب هالمسية تصيح وين المرتضى وينه
عدنا ما بقت وليان ماتنهض تحامينا

انت البضنك مندوه وانت التحضر الشدات
وانت تأمن الخايف من الوادم يبو الحملات
ما تسمع عتب زينب تصيح وتسجب العبرات
وينك يا علي وينك انهض واطلب بدينك
ذبحوا ياعلي حسينك وسلبوا حلل نسوانك
وحركوا كل صواوينك

قبرك ياعلي يلمك وعيونك الليلة تنام
بناتك صايره بشدة عليهن دايره الظلام
من جلجل عليها الليل زينب لمت الايتام
فقدت من يتامى حسين طفلة وجرت منها العين
طلعت تصفج الجفين وتدور على الطفلة
بالوادي وميادينه

شافت من بعد فارس لعد صوب الخيم مجبل
قامت زينب تنشده منها القلب متوجر
يفارس ما شفت طفلة منها الدمع قام يهل
قال الها سمعت ونين يزينب بالمعارة الحين
روحي لجسم اخوج حسين اظن هناك تلقيها
والفارس جرت عينه

من سمعت حجي الخيال زينب راحت بهمه
تصيح بصوت وين انتي يا بعد الروح يا عمه
سمعت من بعد ونه وحدة تحاجي ابو اليمه
تكله بعدت خيّمي ولحد هلي يمي
اريد اسدر لعد امي ما تنهض توديني
لعند امي يبو سكينه

يبويه اظلم عليه الليل من خوفي انخطف لوني
واهلي صاروا بعيدين ماظن بعد يلفوني
ركظت زينب وصاحت لتخافين ياعيوني
كامت شبكت عليها تلوذ من الوجل بيها
عمتها وتحاجيها يعمه شوصلج لهنا
وندور تخلينه

تكلها الخيل من هجمت وعودي حركوا خيّمه
على وجهي من الخيم فريت من الخوف يا عمه
اجيت لكيت ابويه حسين نايم وكعدت يمه
يعمه وجنّ عليه الليل ونشدني الوجل والويل
من اسمع صهيل الخيل الوذ بكتر ابويه حسين
واتوسد على يمينه

يويلي زينب بيا حال صارت حين سمعتها
لزمت ايدها بجفها لعند الخيم جابتها
كامت تصرخ العيلة عليها حين شافتها
غدن يتزودن منها ويحبنها ويشمنها
بطل حيلي وينشدنها عمه ليا كتر رحتي
ونبجي عليج ظلينه

يتبع...

لوحة عشق1

03-03-2009, 05:15 PM

قصائد اصدار آيـة الصبـر

هالدنيا عاشت

هالدنيا عاشت كلها بخيالك
من دمك اخذت صورة جمالك

يحسين الك اوصاف محد مثيلك شاف
مقادير وصور تزهي جمال العالم تقسم
بعض من عدها شفافه بعض من لمس تتجسم
بعضها بنغمة مسموعه وتيره وبيها نتنغم
لون ردنا نقسمهن نشوف الكل حسن معلم
شمس وامواج سحرية مفاتن لمعة المبسم
بس حسنك يبو الاكبر تلون من مسيل الدم
بكل صورة تزهي مرسومه ذاتك
ساعة مماتك تبدي حياتك
يالعالمك شفاف محد مثيلك شاف

بعد اكثر اريد ادخل واخوض بعالم القدرة
دخلت بروضة نفاحه واجتني على الورد فكرة
شفت بين الزهور الوان كل لون بوجه زهرة
وحين تمعنت بيهن جذبت ناظري الحمرة
ذكرتك وذكرت دمك التطافح موجه عالغبرة
مثيلك ما شفت مذبوح يلون الزهرة من نحره
كل زهرة حمرة تزهي بغصنها
دمك يلون صورة حسنها
يامصدر الالطاف محد مثيلك شاف

بعد انقل الك صورة جمال الشمس من تطلع
حَمار الافق يرسمها وبعدها بفترة لن تسطع
لون وكت الغروب يصير تجدد حمرة المطلع
سألت اهل الفلك كالوا يهل تنشدنا هاك اسمع
حَمار الشمس دم حسين على افق السما توزع
صبح حلقة وصل دمك بين الشمس والمصرع
هاي العوالم محورها جسمك
شمس المعالم خضبها دمك

وبحكم الاستكشاف محد مثيلك شاف

ضميري بحبك تحرر لساني مطهر باسمك
لون شفت البحر هايج اذكر زودك وعزمك
رمز وبجبهة الافلاك ياحسين انطبع رسمك
اثير وما كدر واحد يشخص عالارض جسمك
لاشك حمرة الياقوت لونها نزف دمك
شمس حكمة واهل بيتك نجوم تصرعت يمك
بعالم شعوري شفت المناحر
من عدها تجري سيول الجواهر
باقي البشر اصداف محد مثيلك شاف

الخالق من لطف ذاته يبو الاكبر فرز لطفك
ولمن خلق هالدنيا بدت تكتسب من وصفك
جمالك للبشر واضح وكل من شافك يعرفك
بحر والشمعة ما تكدر بحرارة نارها تنشفك
لون شفت المطر ينزل اذكر جودك وجفك
لون شفت الغصن محني اذكر طيبك وعطفك
يامن لسانك كنز الفصاحة
راحة يمينك بحر السماحة
يا مجمل الاعراف محد مثيلك شاف

يتبع...

لوحة عشق1

03-03-2009, 05:17 PM

قصائد اصدار آيـة الصبـر

لن ننسى

ابد والله لن ننسى حسينا وذا عهدٌ ومعهودٌ علينا
بايعناه رغم العدا لن ننساه طول المدى

اوحق رب الذي بستة رفع سبعة
وحق اهل الكساء الخمسة والتسعة
سليل الهادي لا شك صوتنا يسمعه
نصيح بصوت يا بن الطاهرة البضعة
اذا تبخل عليك الناس بالدمعة
عهدنا وياك بالدم سيدي نوقعه
حسينٌ حبه يمحو الخطايا
هو النور الذي يهدي البرايا
منه لاح بدر الهدى لن ننساه طول المدى

حسين الماضي هو وهو حاضرنا
وهو الي بمسار الحق يسيرنا
رغم انف اليحاربنا ويكفرنا
رخيصة لحب ابو الاكبر مناحرنا
حسين الدين لو عنه تأخرنا
معناه بكتاب الخالق كفرنا
هو القرآن والذكر المبين
عليه كبر الروح الامين
في الاكوان يعلو الندا لن ننساه طول المدى

عصور الي مضت بيها الامر مكشوف
اليزور حسين منه يكطعون جفوف
الحاضر اصعب من الماضي صرنا نشوف
تفجير وذبح لو قتل لو مخطوف
وحنه نبايع حسين بقلب ملهوف
نسحق عالمنايا وما يهمنا الخوف
حسينٌ نهجنا بل مقتدانا
فخذ يا سيف واشرب من دمانا
للمظلوم نحن الفدا لن ننساه طول المدى

خوارج هالعصر من خرجوا علينه
ماكدروا يزرعون الرعب بينه
على نار الشهادة سحقنا ومشينه
درس بالتضحية للعالم انطينه
وسام اشرف وسام الباري ناطينه
ولاية حيدر وهالفخر يكفينه
عشنا حيدراً بعد الرسولِ
وهذا شبله بين الخيولِ
ابكى اليوم محمدا لن ننساه طول المدى

حسين الماخفض للظالم جناحه
وزال بصبره غيم الظلم واشباحه
هذا الصار جسمه للحرب ساحه
تلقى بصدره بيض الموت ورماحه
هذا الضحك نحره بوجه ذباحه
على سيوف المنايا ضحكت جراحه
فلا والله لن ننسى الغريبا
رأته زينبُ شلواً خضيبا
المسلوب منه الردى لن ننساه طول المدى

بضمايرنا دوت نيران المخيم
نواسي مصاب زينب بالكدر والهم
مثل ما ناح نوح وما نحب ادم
ننوح على التضرج من نجيع الدم
على نحره صلى ديان السما وسلم
وكع وعليه ناح العالم الاعظم
حبيب الله تكسوه الدماءُ
عليه الارض ناحت والسماءُ
في الازمان يبقى الصدى لن ننساه طول المدى

يتبع...

لوحة عشق1

03-03-2009, 05:18 PM

قصائد اصدار آيـة الصبـر

صاحب الامر

صاحب الامر ضاقت الصدور فينا

حليف الثأر يا ذخر الحسين
وحلم الخلاص لكل عيني
اتاك الدهر يا مولاه يسعى
اسير الروح مغلول اليدين

لقد حاطت بنو مروان فينا
وعصبة من اباح القبلتين
تطاردنا الرماح بكل ارض
ونقتل كل يوم مرتين

وتسلبنا الديار وانت ادرى
بما صنعت بنا في الغيبتين
وقبة جدك الهادي جراح
تسيل على ضريح كوكبين

كما هدموا البقيع فنحت قبله
ودمعك شاهد في الحالتين
لقد بكت السماء دما عبيطا
وعرش الله ناح بمقلتين

الينا ايها الثاوي برضوى
بنا قد ضاق صدر الخافقين
فليس هناك من فرج قريب
سواك وحق رب المشرقين

يتبع...

لوحة عشق1

03-03-2009, 05:20 PM

قصائد اصدار آيـة الصبـر

ركضة طويريج

يا حسين مولا

ركضة طويريج من يمحيها والامام المهدي يحضر بيها

ركضة طويريج توجها الفخر للوفا والتضحية شبيها صور

ما يماثلها عزا بكل الدهر ينور حاضرها بشمس ماضيها

منها صرخة ويا حسينا ترتفع صرخة حتى العرش منها ينفجع

مستحيل الركضة هذي تنمنع الله يخذل كلمن يعاديها

الها راية ارتفعت بعلو النجوم ما يهمنا الي يعارضنا ويلوم

يروي هذا الخبر عن بحر العلوم المهدي بيها دمعته يجريها

شافوا المهدي يهل دمعة العين وعلى راسه حيل يلطم بالايدين

مع الركضة يدخل لصحن الحسين وعلى جده صرخته يعليها

يذكر الصار وجرى بطف كربلا والمصيبة كباله تصبح ماثله

ذهنه يتصور فرار العائلة ويذكر شلون العدا توليها

بركضة طويريج يا جدي اجيت طفت شباجك بحسراتي وبجيت

مثل حنوك على العباس انحنيت حين طاح وهامته مهشميها

كعدت عد راسك ارادف حسرتي سهم جبدك جن اهيسه بجبدتي

كمت اتصور لزينب عمتي من عكب عيناك يا واليها

شلون من نوحي عليك اهجع واهيج وانت يا جداه محزوز الوريد

ويمك وليدك علي الاكبر شهيد بالمواضي جثته مخذميها

اه يا سلوة الزهرة الطاهرة موقفك يا جدي جن اتصوره

شفت طفلك حين كطعوا منحره نبلة جانت بالسم مخليها

للخيم جبته وتكفكف دمعتك عمتي زينب بلوعة تلكتك

وين عبد الله بدمعها نشدتك ظنتك سالم ترجعه ليها

اه يا جدي اشفت بالطف محن من البواجي دموعك عليهن صفن

من شفت جاسم الشاب ابن الحسن جفوفه من فيض الدما محنيها

نهار عاشر ما جرى مثله نهار شفت بيها تذبحت كل الانصار

والخيم يا جدي تتلاهب بنار وانت ما تكدر تجي تطفيها

اذكرك بالمصرع تدير النظر عالخيم نوبة ونوبة على النهر

تريد تنخى جنك حزام الظهر عالشريعة جفوفه مكطعيها

جيتك انه اليوم هذي طلبتي بجاهك الباري يعجل طلعتي

راية العباس تصبح رايتي كون كل العادتك افنيها

يتبع ...

لوحة عشق1

03-03-2009, 05:22 PM

قصائد اصدار اعذريـنـي

اعذريني

اعذريني يزينب يختي عذريني
طفت عيني وطاحن يختي جفيني
مارد للخيم جودي بذلت بهاذي مجهودي
وطاحن يختي جفيني
اعذريني

اجيت من المدينة وياج يختي وعهدي ما عفته
لاجن من عضيدي حسين حاير بالخيم شفته
شفت اطفاله تتلوى تلوج وظهره كاسرته
مشيت وكاصد اسكيها وعلى هالحالة فاركته
يوصيني يوصيني ارد ليهم يوصيني

بذلت بهاذي مجهودي وطاحن يختي جفيني

فرت بالراية والبتار بيميني الماضعف باسه
بعدوي اليوكف بدربي وحقج ينخطف راسه
وشاطي العلكمي الملزوم اخوج بلا تعب داسه
يريد الماي ابن حيدر وفنها ترده حراسه
مياديني مياديني خضت بيهم مياديني

واخذت العلكمي بزودي وطاحن يختي جفيني

وصلت المشرعة وجبدي مثل جمر الغظى تشظه
غرفت الماي اريد اشرب يختي وخوتي ترفضه
تراوالي وسط جفي جبد حسين يتلظى
رميته ونهضت الخوة والمروّة فرد مرة
تغريني تغريني ينفسي لا تغريني
وفيه وثابته وعودي وطاحن يختي جفيني

باليمنه انتخى البتار لركاب الخصم حاصد
ملكت المشرعة بسيفي وحقج والعلم شاهد
الفرات بجودي لميته واجيت لخيمتج كاصد
اوصل الماي اريدن ليج يختي وبالعمر زاهد
يناديني يناديني شرف خدرج يناديني
واجاوب يا نفس ذودي وطاحن يختي جفيني

يختي العذر لله وليج يزينب طاحت اليمنه
كمت باليسره حامي الجود كون الماي اوصلنه
لمن طاحت اليسره حنيت الصدره اظمنه
لجن من صوبوا عيني يزينب ما بكت ظنه
على جبيني على جبيني خضاب الدم على جبيني
هويت وماهن زنودي طاحن يختي جفيني

يبواليمه مجاني هنا اظل ومن تعود انته
اذا نشدت عقيلتنا تكلها على النهر عفته
وتنشدك ادري يا خويه وتكلك ليش ما جبته
تجاوب مستحي العباس يرد لمخيمج يخته
تجازيني تجازيني بصبر قلبج تجازيني
عساني وفيت بعهودي وطاحن يختي جفيني

يتبع...

لوحة عشق1

03-03-2009, 05:23 PM

قصائد اصدار اعذريـنـي

نحن خدام الحسين

اعلموا يا ظالمين نحن خدام الحسين
لو قطعتم للرقابِ سوف يأتيكم جوابي
نحن خدام الحسين

خدامك احنا وللأبد لا ما نزل لا ما نمل
عشكي وثبت وسط القلب حبك يبن سيد الرسل
وبلايه حبك لا عمل لا نعرف دروب الفضل
نتوحد احنا لخدمتك واسمك يلملم كل شمل
صرخة للعالمين لابن خيرالمرسلين
من كهولٍ من شبابِ سوف ياتيكم جوابي
نحن خدام الحسين

خلهن براكين الحقد تتفجر وتكطف حمم
خل اليضدونك بعد خلهم يبيعون الذمم
وخل ينسفك لاجلك بعد لاجلك بعد دم على دم
احنا على عهدك للأبد نتحزم بكل الهمم
عند جبارٍ عتيد ليس يظلم للعبيد
حين نجمع للحسابِ سوف يأتيكم جوابي
نحن خدام الحسين

احنا على دربك عالعهد من الولادة من المهد
نتحزم حزام الصبر ونثبت على هذا العهد
بس خدمتك هي الامل بالمحشر بيوم الوعد
صرخة ضمير وتنسمع خل توصل لكل من جحد
سوف يصلّون الجحيم وسيسقون الحميم
وانا الكوثر جوابي سوف يأتيكم جوابي
نحن خدام الحسين

احنا لعلي خير العمل بيعتنا بالدم تنكتب
وندري بغديره المانشف منهل يظل كلش عذب
وندري بعلي يوكت الشدد للكلفة يندب
بلكي بسجل يوم الحشر شيعة بسجلهم ننحسب
حيدرٌ يبقى الامير كيف ما كان المصير
من دمائي من خضابي سوف يأتيكم جوابي
نحن خدام الحسين

والله انتو سادات البشر والله انتم اوتاد الارض
وانتم حجج كل الخلك يالبيكم اتمام الفرض
منهجنا شيعة وللأبد نتفاحر باسم الفرض
جلمتنه هذي ويه اليضد خل ينتبه خل يتعض
ان هدمتم بانتقام قبة الهادي الامام
هل ولائي بالقبابِ سوف يأتيكم جوابي
نحن خدام الحسين

شفنا الظلم عشنا الالم وعانينا الوان الغدر
لا مل عزمنا ولا تعب وحار وجزع حتى الصبر
وفدينا لحسين العمر وشيسوى من عكبه العمر
ومشي بمقابرنا شحوت وشعدنا اسرار شكثر
لا نساوم ثابتين لو دفنا اجمعين
هاتفا تحت الترابِ سوف يأتيكم جوابي
نحن خدام الحسين

يتبع...

لوحة عشق1

03-03-2009, 05:25 PM

قصائد اصدار اعذريـنـي

يسارك ويمينك

دمعة وصوت وجبد حسينك مابين يسارك ويمينك
سيف وغاية جود وراية
ما بين يسارك ويمينك

اسمع بالخيم صوتين من نفس الجروح اسمع
صوت يرد قطرة ماي ذاب بدمعة اليرضع
وصوت يصيح ويه حسين عوف الماي لا تطلع
يبو الغيرة العوض بالله اذا جفين تتكطع
سيفك موتي ويخطف بيها يقلب اولها بتاليها
خل تتذكر صولة حيدر مابين يسارك ويمينك

يعباس العطاشى تصيح خويه وتنظر لجودك
وزينب من تشوف حسين وحده تعاين زنودك
ومحروس النهر بالاف لكن توصل بزودك
عاود للخيم بالماي طبعك توفي بوعودك
من طبع الكافل يحميها واطفال العطشت يرويها
يابو الغيرة صرنا بحيرة مابين يسارك ويمينك

راح على النهر غاضب يحدي وهاج نوماسه
وفاه ومرجلة وغيرة كلهن صاحن براسه
زعل وين الفرات يروح كص ركاب حراسه
وابو الاكبر وقف فرحان يشوف افعال عباسه
وين المذخور لهالساعة يالمن حيدر كل اطباعه
يحكم سيفك وانت بكيفك مابين يسارك ويمينك

قسم لو لا الغدر ما جان يوصل سيفهم يمك
رغم قطع الجفوف السيف هيبة وثابت بصمك
اسأل من اجاك حسين وين بيا جرح شمك
من دم هامتك ياحيف سال بكل كتر دمك
لاحيلة الظلت بمصابك شيصبر زينب بغيابك
حزني ونوحي ونار جروحي مابين يسارك ويمينك

يتبع...

لوحة عشق1

03-03-2009, 05:27 PM

قصائد اصدار اعذريـنـي

الاكبر
درحميني رزايانا درحميني
اخلص وداع من وليدي خليني
ويلي يالاكبر حاجيني

يوليدي يالاكبر يا بعد جبدي
كوم وشوف حالي وانظر لوجدي
يبني خلاف عينك من يظل عندي
بين عداك يبني شلون تجفيني

يوليدي ارد اعاتب والعتب مسموح
لوراد القلب يتعاتب ويه الروح
انت الروح كلي شلون عني تروح
يا سلوة دليلي ويا نظر عيني

يبن الله اكبر يا علي الاكبر
شلون تشوف عيني جسمك موذر
شح صبري عليك وهدني هالمنظر
يبني الاه عليك الاه تجويني

لفاني مصاب فكدك وانحنى ظهري
شبعد عندك مصايب وشيضم دهري
هاي سهام فكدك صوبت صدري
شيريد يجيب دهري وشيراويني

دهري شلون ظالم غيبك عني
من كربت منيتي ياخذك مني
تمنيتك يبني بموتي تحظرني
وبالسكرات يبني تسمع ونيني

تمنيتك يالاكبر من تغسلني
تضمد جروح جسمي لا يجمني
تنزلني وتحبني ومن توسدني
بلسانك يبويه يصير تلقيني

حاجيني يالاكبر جاوب الوالد
امك فاجده الله يساعد الفاجد
شلون تروح منها والجهل واحد
جاوبني يبويه براي دليني

وشتنفع دموعي وشيفيد بجاي
بعد شيفيد يبني من ابث شكواي
شلي بدنياي يالاكبر شلي بدنياي
على الدنيا العفا ولا طالت سنيني

يتبع...

لوحة عشق1

03-03-2009, 05:29 PM

قصائد اصدار اعذريـنـي

اجت زينب

اجت زينب دمعها يسيل وتحشم يجافلها
سمعها وكال عد عيناج كولي وامري يكلها

عد عيناج جاها يصيح وعينه من الزعل حمرة
ويوم الشافته بهالحال مختاض وطرد صبره
سبعة انعام كالت له وضمت راسها بصدره
وكالت يبن ابويه القوم وصلونا شبعد شلها

كالت يبن ابويه القوم وصلونا وهذوله القوم
ولا ناصر بقى ويه حسين غيرك وانسى راية تحوم
يالدكيت صدرك كوم حل وكت الزماط اليوم
هذي الراية هذا الجود هذا السيف كوم الها

تكله انهض يليث عداك واشوفن وصلوا حدودك
اعد سبعين الف عالماي واعد جيشين بزنودك
يخويه اوصيك ما تطلب ماي شبحت عينها لجودك
كال الها اجيب الماي واهتز حد مراجلها

مراجلها وبرز عباس طر قلب الصفوف وراح
لاخرها ورجع مختار ارد اسعى لجناح جناح
طشت من رعيد الصوت انه العباس لمن صاح
رد الها قلبها ردها خلى العالي سافلها

كردسها وحدا الحداي واطرب والدروب دفوف
واليوكع سلم وارتاح لون الماوكع مخطوف
رهب سبعين الف هالسيف ما وكفت بوجهه سيوف
يودي اولها لاخرها ويجيب اخرها لاولها

يجيب اخرها لاولها ويهب ردود عاصف ريح
والزلزال جدحت عين وبصوته الرعيد يصيح
بالطف صار ملج الموت وقلوب التشوفه تطيح
حي حزام ظهر حسين من اختار زلزلها

زلزلها ونوى على الكوم يكضيهم بلا ردة
سمع صوته واجاه حسين مسرع من عرف كصده
حط ايده على متنه وصاح خويه وغايته يهضده
يكله بالشهادة نفوز وبصبرك نحصلها

نحصلها وجموع الكوم من كل صوب اجت ليهم
طحنا بسيفه ابو السجاد والعباس يلهيهم
يفرشهم يرد حسين اخيه يكوم يطويهم
كرت عين داحي الباب بشبوله وفعايلها

مابين اليردها حسين والعباس بيها يجول
كالوا نفرد العباس وجموع السرايا تحول
ساعة ولنه يسمع صوت ادركني يخويه يكول
اجاها يصيح يا عباس هسه فرح عاذلها

محني الظهر يم عباس وبحرقة الدمع صبه
مرة يحبه بزنوده مرة بهامته يحبه
جر سهم الذي بعينه مثل ما جر سهم قلبه
لاوين المفر يا كوم صاح ودمعته يهلها

يتبع...

لوحة عشق1

03-03-2009, 05:30 PM

قصائد اصدار اعذريـنـي

الا حبك

كل شي بالدنيا يبو اليمة يزول الا حبك
يا هوانا يا رجانا يا رجانا ما شفانا الا حبك

افتهمنا الدنيا عبرة والعمر والموته مرة
واحنا عشاق المنايا والقلب نبضاته ثورة
نعرف الحق ونتبعه وعسكر الظالم نقهره
بالعقل شفنا الحقيقة ما هوينا بلايه نظره
منها قررنا ضمن نهج الاصول
الا حبك ما قنعنا ما جمعنا وما جمعنا ما نفعنا الا حبك

خل يلومونا بهوانا احنا نتحدى الملامة
اشترينا بدمنا حبك والوعد يوم القيامة
خل نشوف اليكضي ليلة قائم شيفنع قيامه
لولا حبك ما تنفعه لا صلاته ولا صيامه
بالحشر هذا العمل لامو قبول
الا حبك لا سيادة ولا عبادة ولا عبادة ولا شهادة الا حبك

من تسلح بالعقيدة يوصل الغاية بجهوده
غاية الغايات حبك واليحب يوفي بوعوده
لا يداهن لا يساوم يشتري الموت بخلوده
توصل لكطعة وريده يبتسم يعلن صموده
اخر حجايه على المذبح يكول
الا حبك للتصدي وللتحدي وللتحدي ماكو عندي الا حبك

الفخر من يفدي روحه يثبت بوجه العواصف
صارم الحاكم دليله تحكم الساحة المواقف
لادليل ويه الطوايف والفرض ردع المخالف
بالعمل مو بالاشارة بالفعل مو بالسوالف
والعرفها خاطره لا شي يجول
الا حبك للبداية وللنهاية للنهاية ماكو غاية الا حبك

احنا عاهدنا ومضينا ندري قلة وماكو ناصر
صحنا هيهات بمذلة وتشهد بهاي المقابر
نصنع سيوف بدمانا تصنع الثورة بمنابر
يامن بحبك ربينا اسمع اصوات الضماير
هاك اخذ صوت الضماير والعقول
الا حبك لا تنازل لليحاول لليحاول كله زايل الا حبك

لايزال الحق ينادي لا تزال الغاضرية
لا تزال الفرصة عدنا نثبت الموقف سويه
نلحق بركب العقيدة ما نخاف من المنية
ويه ابن ظاهر نجاهد دون ابن حامي الحمية
نعترف لا حب يجن يبن البتول
الا حبك لا سمعنا و لا رضعنا ولا رضعنا لا دفعنا الا حبك

يتبع...

لوحة عشق1

03-03-2009, 05:52 PM

قصائد اصدار اعذريـنـي

فيض الدما

فيض الدما في كربلا يروي لنا معنى الإبا
ارنا كيف السيف تحطم كيف النحر به يتحكم

ناخذ من الطف مواقف بالغت بيها الرجال
موقف انصار العقيدة بالخطر ثبتوا جبال
من يزل الموت عنهم زعلوا وصاحوا تعال
كشفوا صدور التحدي تنكسر بيها نبال
مسرورة العقيلة تشوف بالميدان رايتكم
ياليوث الوغا ومعروف بالكلفات ساعتكم
صوت الحسين في كربلا يحدوا بهم نحو العلا
فازوا ولهم عقبى الدارِ انصاري خيرُ الانصار

انظر لجاسم والاكبر لوحة ترسمها الشباب
من هتف صوت الرسالة جلمة الصارم جواب
صولة شبول الامامة ساعة من يوم الحساب
صبر ابو اليمة وشموخه وانحنى لذاك المصاب
حملهم للخيم الام وبعينه الدمع كبر
عين تعاين لجسام عين تعاين الاكبر
انظر الى صرح الهدى شبل الامام المجتبى
ماذا يعلن سيفُ الاكبر يخبرنا عن جده حيدر

هاك اخذ بدر الهواشم موقف وسيف وصمود
رفت الراية بيمينه نادى حل يوم الخلود
ثابته الراية بثباته ماهوت ويه الزنود
جم طفل مشبوحه عينه ينظر الكافل يعود
يعباس الحرم برجاك عاود يا اسد ليها
مامونه الخيم بحماك ومحد يكرب عليها
ضرغامها بين الحشود دون السقا لا لن يعود
لحسينِ السبط ليرويهِ لن يشربها قبل اخيهِ

هذا عبد الله ومصابه النهر مات بظماه
نادى من يسقي رضيعي والده ومحد رواه
حرملة بنبلة ظلالة عاين لنحره ورماه
عاود وتنتظره امه لنه مخضوب بدماه
عسن يبني العمر لا طال بعدك يا ضوا عيوني
ما جانت ابد عالبال بمصابك يفجعوني
فرط اسى في قولها يحكي لنا عن هولها
اهٍ لرضيعٍ ذبحوهُ ايَ عظيمٍ كان ابوهُ

ودع حسين العقيلة عالخيم اصبح بعيد
زينب تنادي على هونك تصفج الايد على ايد
تكله خويه اكشف لي صدرك زينب بهاي شتريد
قبلت صدره وتنادي يمه هذا ابنج وحيد
رديت الامانة اليوم يمي وتسجب العبرة
اقبل صدرك المالوم وصية امك الزهرة
من زينبٍ بنت البتول فيض الدما ماذا يقول
ماذا يعلن ماذا يخفي عن موقفها يوم الطفِ

سهم المثلث رسالة للفواطم بالرحيل
راح ابو اليمة يزينب فزعة العسكر دليل
ركضت وتنده يحيدر بويه يا حامي الدخيل
وصلت المصرع تودعه اخر وداع الخليل
صدت للولي وشافت جثته موسده الغبرة
خيل على الصدر داست ويلي وهشمت صدره
هذا ابن بنت المصطفى رأسٌ على رأسِ القنا
فلتبكيهِ سنينُ الدهرِ بات قتيلاً جنب النهرِ