السيد خضير عباس الحسني/قصيده(عتب الفرات)

[القلم الولائي]

بسم الله الرحمن الرحيم
السلام عليكم ورحمة الله وبركاته
يشرفني أن أكون بينكم خادما لرمزالتضحيه والاباء
ولهذا الاسم العظيم ابو الفضل العباس ع داعيا الى الله
أن تتلقفني قلوبكم بالود والترحاب
أخوكم خادم الحسين الشاعر خضير عباس الحسني
القلم الولائي أن شاء الله وهذا عربون محبتي...
عتاب الفرات ...

مرات الدمع لليبجي ذله ايصير
بس لجلك شفاعه وبيه رفعه راس
يامضرب مثل للغيره ماله حدود
صار أبكل زمن للخوه بيه مقياس
من آدم أنشدك هم قره التــاريخ
واحد بيه صفات الجانت أبعباس
من ذل الفرات وعكبه ضل يصيح
العار ادخيل منه اهناه يبو النوماس
اخاف الناس تنشدني وأضل محتار
شكلهم ماشرب شتعذر من الناس
رد اشرب ولو كطرات بل الريج
حتى افتخر بيهه وأكطع الوهواس
لو بيدي لعطشكم ماتكضني اسدود
أشك الكاع بالطف وابلع الارجاس
يعباس وانشدك بالرضيع اشلون
من حر الضهيره اشصابه من احساس
يكله انذبح ضامي ابحجر ابوه حسين
يضن الماي دمه وبالمصاب احتاس
أشنوافيكم دمع لو نبجي ليل انهار
يالبدمكم ثبت للدين أول ساس