اريد مناقشه جاده

[ام جواد]

بسم الله الرحمن الرحيم
ايش رايكم في قعدة الخطيب مع خطيبته اربعه وعشرين ساعه حتى الدوام مايعرفه من خطب لين مايدخل وفوق هدا كله ماكل شارب نايم على ضهر عمه ولو الغرفه مستوحد مع خطيبته ولا جايب خبر الى الباقي الا ينتظروه لين مايطلع حتى ينامو قالق راحتهم ما عندهم ماحل ينامو فيه مااليهم الى الصاله وناسي ان البيت اله حرمه قلنا خطيبتك ومالك عليها بس بالمعقول والله تباها خدها والله افتح الك غرفه في بيتكم ولا اضيق على الباقي اتمنى مناقشة الموضوع حتى انوعي الشباب على الغلط الا مو حاسين اله

[محبة الاطهار]

يسلموا على الطرح
وهذا الموضوع يحمل اراء متعدده وقناعات كثيره بالنسبه لي لاداعي لنوم الخاطب مع مخطوبته فهم في فتره تختلف عن باقي الحياه التي سيعيشونها معا وذلك ستكون حياتهم نفس الوتيره ولن يكون لفتره الخطوبه ذلك الاحساس الجميل ولن يشعروا بلذه الترقب والانتظار
لرؤيه بعضهما :طالما الاخ قاعد اربع وعشرين ساعه:

[حيدر الكربلائي]

بسم الله الرحمن الرحيم
في الحقيقة يجوز للخطيب ان يزور بيت خطيبتة ويجوز ياكل معاهم ويشرب
ولكن باوقات محددة يحددها والد البنت ..ولكن ان ينام معاهم وساكن البيت اربعة وعشرين ساعه هذا شي مخالف اخلاقيا وشرعيا

[خادمة كفيل الهواشم]

السلام عليكم ورحمة الله وبركاته
بصراحه المفرض زوجته تقوله

[12 نورالحسين14]

موضوع رائع وجميل من يدك اختي (ام جواد) عاشت ايدج حقيقة

و تسلمين على هالطرح

لكن هذاا اللي منتشر ان الخطيب من يشوف ان اهل الزوجه ايدللونه ينسا حاله , فيعجبه حالة هالوضع

ماكل شارب نايم 24 ساعه وكثيريين من نوعية هالخطيب , لكن بماذا يفكر الخطيب من زود الحب , ولو ان يجب على خطيبته اتنبهه ان للبيت حرمه واصحاب البيت
لهم احترامهم ذوقيا واخلاقيا , ومن دافع ان الخطيبه تجي لخطيبها من باب الملاطفه

وتوضح له و تبين له ان يجب ان يكون لها مملكه لتاخذ راحتها معه بهالمملكه

ولو ان الخطيبات يستحن من خطيبهم لكن الرجل يأخذ الامر عادي لكن ذوقيا يجب ان يحس الخطيب من نفسه انه عيب عليه اهل الزوجه مكرمينه وشايلينه يدهينه لا تنكتين وموكلينه ومشربينه يجب عليه ان يكون سخيا بعض الشيئ ويحترم الوضع اشويه ,

ولو ان في هالزمن غلاء المعيشه ,الله يهدي الزوجه والزوج ولو ان عوائق هالزمن

يعيق الزواج + تعقيدات البعض من طلبات وغيرها وربي يعين الزوج اللي الزمن والناس عليه .

[دلع الديره]

بسم الله الرحمن الرحيم
والله ان الموضوع رائع وجميل
وبالنسبة لمسالة نوم الخطيب مع خطيبته تختلف من شخصى الى اخر
وبعدين شي يعتمد على الظروف بالنسبه الى الاثنين
ام ادا كان المكانه ضيق والخطيب جالس ومريح ومستريح ولاماخذ في باله
انه مضيق على الاهل فدور الخطيبه في هالحظه انها تفهم اللي جالس وياها ان المكان ضيق مايسعي انك تتاخر الى هالوقت
وتحاول انها تكثرمن الطلعات بدل هالقاعدات الطويله
لكن اذا ليها مكان مختصرالامر مثلا والاهل ماعندهم مشكله في الامر راجع الى الاثنين لكن يحاولو انهم مايسبقوا الوقت
ومشكوووره على الموضوع الحلوه

[احلى جنات]

الحين صار موضه جدي يسوون

ولكن البنت هي الغلطانه لو موب راضيه البيت

جان مالعب عليها ولااهلها ..


الشاب موب مهتم لهذي انقطه

[ام جواد]

يسلمو حبابي على المرور وماانحرمت من طلتكم البهيه اتمني من المخطوبين التفهم بدل هالديكور الا حاطينه حواجز اليهم والمصارحه بين الاثنين الافضل على الاطلاق ولكم مني جزيل الشكر

[البستوقه]

السلام عليكم

أني وحده مخطوبه و عقد قرآني تم من ستة أشهر وعادي عندنه بنات البحرين الزوجه تنام في بيت زوجها ,, لأن بينهم ( الزوج والزوجه ) عقد ,, و أوردي بينام الزوجين مع بعض ,, بس العادات والتقاليد في البحرين تخلي الزوجه كأنها مسويه جريمه وتعتقد هالشيء فضيحه .. اني شخصياً أنام في بيت خطيبي وهو ما ينام في بيتنه .. فالمسأله كلش عاديه ..


اتمنى ما أكون ثقلت عليكم