ليهـٍ تقـول لأهلكـٍ ,,{ لآحـٍد يفتح جوآإّلي ~’

[تُِِّْـِِّـعًٍـِّبٌَِ قٌٍـِِّلبٌَِيَ]

الملاحظ هذه الأيام إن الفئة العمرية من سن الـ 18 إلى 25 ويمكن تتعدي ..

يرفضون أي شخص يمد يده ويمسك جواله

ودايماََ مايقولون

( لحد يلعب في جوالي )!!



هالجمله البسيطه تحوي معاني كثيره (ممكن تفسرونها )


ليش مانرضى أحد يفتش أو (يلعب) في الجوال



هل هو الحرص عليه !!



ولا من زوود المحبه !!



ولا فيه شي خطير ماودك احد يشوفه أبد !!


هل لهالدرجه جوالك خطير ماتخلي حد يقرا رسااايلك

ويشوف قائمة الأسماء اللي بجوالك !!


ولا يسمع النغمات اللي منزلها
ولا يشوف كم فيديو إستعراض ولا فيديو كليب فيه...




الأسئله كثيره والتساؤلات أكثر حول هالموضوع...


ماودي أطول عليكم أخليكم تفكرون
وتجاوبــــــــــــــــــــــــ ــون

[أمواج الحياة]

مشكورة أختي على ترك الفرصة لإبداء الرأي
أنا بصراحة ما أحب أحد يحوس في جوالي
لأنه أحس إنه تدخل في خصوصياتي
ممكن يقول لي إنه يبي شيء نغمات
أو رسائل حلوة أعطيه فأفتح له الجوال
وأنا بصحبته وأمامه وأخليه يشوف ويسمع
ما يريد لكن لحاله وأنا ما ادري لالالالالالالا مستحيل

[$فروحـهـ$]

انا عن نفسي عادي عندي بس ما اخلي اليهال الصغار يلعبون عشان ما يخربونه لكن الباقي عااااااادي يقروون و يسمعون

واحيانا بنات خالاتي يدزون مسجات من رصيدي

عشان جذي ما أأمن التلفون عندهم

و بس هذي اسبابي

مع تحياتي ،،،:keda:

[ع ـبق ذكرى.!]

أنا بالنسبَة لِي مَا فِي شِي اسمه خُصوصياتْ فِي حياتِي غير دفتر مُذكراتي

يعني فِي نقالي و المِسنْجَر وحتّى المنتديات

أخواني أنا احب أعطيهم باسورداتِي كلها ..وأخليهم يتجولون يشوفو إلاّ ودهم

و عندي أمر طبيعي لو فتحوا نقالي وقرأو وطالعوا وحتّى الصغار لو لعبُوا

هالجذي أنا أبني الثقة في نفسهم وأكسبهم ..

[!!ح ـيدرية وردة!!]

مافي اشكال عندي تلفوني كلهـ مقطوط اخواني الي يشيلونهـ
بكل صراحهـ ماحسهم يتدخلون في خصوصياتي لان ماعندي شي اخبيهـ عنهم
حياتي مثل الدفتر المفتوح كل شي يعرفونهـ والحمدللهـ الوضع عاجبني

يسلمووووو خيوه ع فتح باب النقاش

[ابو زينب-علي]

بالنسبة لي ما عندي مشكلة يتفرجون أو يستعملون جوّال ولكن بأذن مني طبعا ً ....
يعني لو أخذ احد التليفون دون أذن أنزعج أعتبره يتجسس على خصوصياتي ولو طلب مني التليفون اعطيه اياه حتى يوم كامل وممكن يخرج والنقال معه....
المهم يستأذن!!!!
مشكورة أختي على الموضوع الجيد الرائع

[فدوه لعيونك أني ياعمي]

شـكرا غنـاتي

عن نفسي عادي بس الجهال لالالا وبالخص اخوج عبود
لابسوي يقروا روايات وبالخص انتي عادي انك تخدي جوالي معاج بيتكم

جوالي الكل يخده اخواتي واخواني

كوني كذا مميزه خيتو

[حنينو]

انا عن نفسي بس في فترة الخطوبة ماكنت احب احد يفتح جوالي لان كانو ا خواتي من باب المزح يفتحون الرسايل ويقرونها بس بعد الزواج احس ان عادي واي احد ياخذه منهم ماكنت امانع لان ماعندي شي اخبيه لكن حبذا لو فيه استئذان مو فجأة اشوف الجوال مختفي بس الصغار اللي يحبون يدخلون عشان الالعاب فهذا مرفوض دائما ولو ودي احذف الالعاب عشان مايترجوني واردهم اقول لهم ماعندي مرة وحدة
مشكورة على فكرة الموضوع

[تُِِّْـِِّـعًٍـِّبٌَِ قٌٍـِِّلبٌَِيَ]

شكرا على ردودكم

[دنيا الغموض]

لأنه من الخصوصيات << مع إني أغلب الوقت ما أدري عنه هع

و أنا أعصب لمن أشوف الصغار يلعبون بجوالي لأنهم يتصلون و بس على الأرقام اللي في الجوال << فشيلة حيل


تحيآتي ّّ