مجنون العباس
07-20-2009, 01:26 PM
اللهم عجّل لولیک الفرج
وينه وينه الماسمع بيه ودره
من تنخه احسين سبع الگنطره
...............................
گله ياعباس حل وكت الزنود
تنفتل عالزان وبروجك تجود
گوم يافزاع يمخوف الاسود
زم المذهب ورمحك سامره
.............................
صاح انا الها ونبط عرجه وطفر
والرمح هزه وغمد سيفه انكسر
گله انا الها يبن فارس مضر
هسه تحله ورمحه هزه وكّسره
..............................
كسّره وهّوس وهز چفه ورجف
للمرادم اطرب بسيفه وعزف
باس چفه وهبط الجدمه وحلف
لطبگ اليمنه اعله مگفه الميسره
................................
الميسره اطبگها واشيللها الرواح
والجناح ابردني اذبه اعله الجناح
انت بس اوگف وخذ بس الصياح
اصياح نسوان الهوت عالمگبره
..............................
مكبره وطرها وشبخ فوك الاصيل
والدموع من الفرح تجري وتسيل
اليوم يومه وين عايلها اليعيل
وسم الارگط على محدب گطّره
.............................
گطرّه واطرب ودفه بكل درع
يشلع ابچفه الذي ماينشلع
واليشوفه ايموت موتت مخترع
چنه عزراييل لفها بخنصره
..............................
بخنصره وصاح وجفل من صيحته
المدرع المجبل الطاح ابشفرته
ترتعد مثل السعف من هفته
التيهت مشرادها وردت وره
.................
التيهت مشرادها اتصيح المفر
چنه صعصع فوگ كل هامه استقر
يبرج ابسيفه ويزخ زخ المطر
ودرعه يطحنها ويلمها مطشره
.................
مطشره ايلمها وبعد تفتر رحاه
يطحن بسيف ويذريهم وراه
صار فكره المعركه ايفرها ابهواه
ويگلب التاريخ ويرّده الوره
..................
يگلب التاريخ وبرمحه الاشد
من گفا تنين والمگبل اسد
لوعلى امحجل تربعها وگعد
ينخ تحته وينكسر من مدوره
..............
مدوره يكسره ويطفها بلايه غوج
بس يصيح بخيلها ايوكع السروج
روج من دم طافح وبالدم تفوج
وين وين اليوصل الحد معبره
.......................
معبره ابعيد ونفخ صدره السبع
صاح واشرگ مبسمه وذب الدرع
اتحنطوچنهم تماثيل الشمع
ومن وصل للماي راهي ابختره
...................
بختره ومغضب وحمگان وعبوس
يشمر الفارس على الخيل التدوس
مثل عزراييل يخطف بالنفوس
هيه بس لحظه وتصير الاخره
.................
الاخره اتكوم ويفر بيها ويطوف
غازله الموت وبرم طرف الزلوف
سيفه عصة موسى تبلع للسيوف
ورمحه الاستاذ وعليهم مسطره
..........................
مسطره ومن والده الهزبر ورث
مايرد الا الجثث فوك الجثث
هذا حال البايع ورد ونكث
الا تبگه ارگابهم متكسره
....................
مكسره تظل ويسم بيها العناد
والطراد يلوگ بس لهل الطراد
لا چن الحر والعطش يرخي الشداد
وبالغدر سبع الكناطر مادره
....................
مادره وذب لامته وللموح فات
صفّه خابطها وخبط صافي الحياة
يبس ريج الماي بشفاف الفرات
وناره من حر العطش متوجره
.......................
اموجره وبچفوفه جس ذاك البرد
يغرف الماي ويشت عنه ويصد
راد يشرب بس ذكر ظل چم چبد
يلهب ابحر العطش يتنطره
..........................
ينطر ابحسره ويهيدها الونين
ذبه من چفه وصفگ چفه الامين
هوني يانفسي بعد نفس الحسين
اشلون اشرب گبل ابن طه وبره
.......................
گام زم الجربه والماي انترس
ضهضب امعّبس وهنجل عالفرس
مثل حوت الشايط وطر الحرس
واحتده اعله الگوم مثل القسوره
.....................
قسوره ولمهم ابليس وليه لفوا
بين يمنه ويسره وجناح التگوا
بعد ما خنزر وصاح اترادموا
راس طك راس وسره يطك ابسره
.....................
راس طك راس الاجت ليه مشرعه
چنها نسوان بعبيها امكبعه
طار مثل الحوم من المشرعه
ودفر بالماي وعلى اليابس جره
......................
بس جره وشد ركوته وطر اللكوه
شدها بزنوده ويهم لاطفال اخوه
لاكن اولاد الخنه مسرع چفوه
اتحشمتله ودارت عليه دايره
..............
اسرع وجته السهام مخالفه
مثل رشك الغيث مكفه العاصفه
وسفه لن الجربه كلها مزرفه
وانهدم عزمه وتكسسر خاطره
الشاعر کاظم آل جابر السماوي
وينه وينه الماسمع بيه ودره
من تنخه احسين سبع الگنطره
...............................
گله ياعباس حل وكت الزنود
تنفتل عالزان وبروجك تجود
گوم يافزاع يمخوف الاسود
زم المذهب ورمحك سامره
.............................
صاح انا الها ونبط عرجه وطفر
والرمح هزه وغمد سيفه انكسر
گله انا الها يبن فارس مضر
هسه تحله ورمحه هزه وكّسره
..............................
كسّره وهّوس وهز چفه ورجف
للمرادم اطرب بسيفه وعزف
باس چفه وهبط الجدمه وحلف
لطبگ اليمنه اعله مگفه الميسره
................................
الميسره اطبگها واشيللها الرواح
والجناح ابردني اذبه اعله الجناح
انت بس اوگف وخذ بس الصياح
اصياح نسوان الهوت عالمگبره
..............................
مكبره وطرها وشبخ فوك الاصيل
والدموع من الفرح تجري وتسيل
اليوم يومه وين عايلها اليعيل
وسم الارگط على محدب گطّره
.............................
گطرّه واطرب ودفه بكل درع
يشلع ابچفه الذي ماينشلع
واليشوفه ايموت موتت مخترع
چنه عزراييل لفها بخنصره
..............................
بخنصره وصاح وجفل من صيحته
المدرع المجبل الطاح ابشفرته
ترتعد مثل السعف من هفته
التيهت مشرادها وردت وره
.................
التيهت مشرادها اتصيح المفر
چنه صعصع فوگ كل هامه استقر
يبرج ابسيفه ويزخ زخ المطر
ودرعه يطحنها ويلمها مطشره
.................
مطشره ايلمها وبعد تفتر رحاه
يطحن بسيف ويذريهم وراه
صار فكره المعركه ايفرها ابهواه
ويگلب التاريخ ويرّده الوره
..................
يگلب التاريخ وبرمحه الاشد
من گفا تنين والمگبل اسد
لوعلى امحجل تربعها وگعد
ينخ تحته وينكسر من مدوره
..............
مدوره يكسره ويطفها بلايه غوج
بس يصيح بخيلها ايوكع السروج
روج من دم طافح وبالدم تفوج
وين وين اليوصل الحد معبره
.......................
معبره ابعيد ونفخ صدره السبع
صاح واشرگ مبسمه وذب الدرع
اتحنطوچنهم تماثيل الشمع
ومن وصل للماي راهي ابختره
...................
بختره ومغضب وحمگان وعبوس
يشمر الفارس على الخيل التدوس
مثل عزراييل يخطف بالنفوس
هيه بس لحظه وتصير الاخره
.................
الاخره اتكوم ويفر بيها ويطوف
غازله الموت وبرم طرف الزلوف
سيفه عصة موسى تبلع للسيوف
ورمحه الاستاذ وعليهم مسطره
..........................
مسطره ومن والده الهزبر ورث
مايرد الا الجثث فوك الجثث
هذا حال البايع ورد ونكث
الا تبگه ارگابهم متكسره
....................
مكسره تظل ويسم بيها العناد
والطراد يلوگ بس لهل الطراد
لا چن الحر والعطش يرخي الشداد
وبالغدر سبع الكناطر مادره
....................
مادره وذب لامته وللموح فات
صفّه خابطها وخبط صافي الحياة
يبس ريج الماي بشفاف الفرات
وناره من حر العطش متوجره
.......................
اموجره وبچفوفه جس ذاك البرد
يغرف الماي ويشت عنه ويصد
راد يشرب بس ذكر ظل چم چبد
يلهب ابحر العطش يتنطره
..........................
ينطر ابحسره ويهيدها الونين
ذبه من چفه وصفگ چفه الامين
هوني يانفسي بعد نفس الحسين
اشلون اشرب گبل ابن طه وبره
.......................
گام زم الجربه والماي انترس
ضهضب امعّبس وهنجل عالفرس
مثل حوت الشايط وطر الحرس
واحتده اعله الگوم مثل القسوره
.....................
قسوره ولمهم ابليس وليه لفوا
بين يمنه ويسره وجناح التگوا
بعد ما خنزر وصاح اترادموا
راس طك راس وسره يطك ابسره
.....................
راس طك راس الاجت ليه مشرعه
چنها نسوان بعبيها امكبعه
طار مثل الحوم من المشرعه
ودفر بالماي وعلى اليابس جره
......................
بس جره وشد ركوته وطر اللكوه
شدها بزنوده ويهم لاطفال اخوه
لاكن اولاد الخنه مسرع چفوه
اتحشمتله ودارت عليه دايره
..............
اسرع وجته السهام مخالفه
مثل رشك الغيث مكفه العاصفه
وسفه لن الجربه كلها مزرفه
وانهدم عزمه وتكسسر خاطره
الشاعر کاظم آل جابر السماوي