شنو ردت فعلك عندما (( ادخل واكتب ردت فعلك وسجل موقف .....)

[سعودي شرقاوي]

بسم الله الرحمن الرحيم

المو ضوع عباره عن كتابة ردود افعال على مواقف معينه نتعرض لها جميعا .

انا بذكر موقف واللي بعدي يرد ويكب موقف واللي بعده يرد وهكذا .

الموقف : في اثناء ما كنتي تتجهزين لزواج جات اختك الصغيره او اخوك الصغير ووسخ ملابسك الجديدة بكاكاو مثلا ما ردت فعلك ؟؟؟؟؟

همتكم اللي يدخل يجاوب ويكتب موقف

[♥الحب الأجمل♥]

تكفففففففخ مااااااعندي ..

طيب.: اذا توك متروش.وجا احد ويكب عليك كااس حليب او لبن .. ويش كون ردت فعلك.؟؟

[سعودي شرقاوي]

أتروش ثانيه مافيه مشكل هههههههههه

سؤال : كل البيت قالوا بيسافرون يومين وبيرجعون وقالوا لك (( بنت انتي ) ظلي في البيت لوحدك
شنو ردت فعلك خاصة بنات هالايام ما يعرفون يطبخون هههههه

[فدوه لعيونك أني ياعمي]

اني والله اخايفه بروح اقعد مع اليده حوراء وبيت اخوي مع فطوم "ياعمري فطوم

انت بطلع اوكي وجي لك اخوك الصغير قال لك بروح وياك وانت ماتبغيها وش بسوي

[سعودي شرقاوي]

اوديه بقاله واشتري له آيس كريم ههه وارجعه

طيب ::: امك قالت لك جيبي العشاء وحطيه على السفره وانتي بتجبينه طاح عليك هههههه شتسوين شنو تقولين حق امك

[دنيا الغموض]

عادي ياما صارت اقول لها و انا اضحك و أمي تهزأني هههههههههههه

طيب اممم :


كان عندك اختبار و تأخرت / ي و فاتك الاختبار ؟

[أنثى بملامح قمر]

بصراااحة أصييييييييييييييييييييييييييييييييييح
إنزين إدا أمك (ي) تمبي تقضي اليها حاجة و انت تمبى عندك موعد هاااااااااااااااه جدا ماذا تفعل (ي)

[سعودي شرقاوي]

اصارحها اقول عندي موعد اذا مستعجله على اللي تبين من عيوني اذا مو مستعجله لما ارجع

موقف :::: لو أخطأت اختك في امراً ماء وجاء ابوك او اخوك وظن ان الذي اخطأ انتي وقام يعاتبك عتاباً شديداً وبدون تفاهم وانتي لم تفعلي شيئاً ؟؟؟؟ كيف ستكون ردت فعلك

[♥الحب الأجمل♥]

والله اني بريئه خخ .. لاجد اقول لهم السالفه ..واذا بعدهم عليي انا عاد بكيفهم .."خخخخخ"
انزين.: لو قالوا لك تعالي قدمي العصير للضيوف ..وانتي بتقديمنه طاح عليك .."هههههه" وقتها ايش تسوي ؟؟

ههه

[سعودي شرقاوي]

أصيح ههههه واقول من عيونهم هههههه

موقف ::: اثناء طلبك عشاء من مطعم واثناء جلوسك على الطاوله اتى الجرسون بطلبات ليست لك ولكنك بدأت في تناول بعضها شنو تقول لها بعدها ؟؟؟ علما ان الاكل لم تحبه

[*البتول*]

هههههههههههههـ موقف مضحك جداااً لكن ’’ مدري شسوي ’’
ااممم قالوا لك/ي ان تلقي محاظرة لكن ماحظرت/ي بالأول شنو ردة فعلك ؟

*السيدة العلويـــة*

[♥الحب الأجمل♥]

شلون يعني خيتو

حسب فهمي ..: اقول لهم ظروفي. عاد بغاني ولا يلقون غيري..:p

انزين.: لو سووا معاك لقاء ..وقالوا لك نبيك تنشد ..والمقدم سني وانت شيعي..ايش بتسوي وقتها؟؟ :)

[سعودي شرقاوي]

أنشد النشيد الوطني هههه

لو جابت امك او اختك (توأم بنت وولد )) شنو تسمينهم

[♥الحب الأجمل♥]

ههههههههههههه احسن حل

احمد وفاطمه.. في احلى من هالأسماء

طيب.: اي اسم تفضل بين هذول الأسمين .:( نور-ولاء)

[سعودي شرقاوي]

الاثنين حلوين بصراحه

بس ولاء عندي احلى ههه

لو عطوك فرصه تغيرين اسمك تغيرين لاي اسم ؟؟؟

[♥الحب الأجمل♥]

نرجس

طيب.: نفس السؤال< عيب تعايبين على الناس هع هع

[وردة علي]

أغيره الى فاطمه
اممم لو ضعت بالطريق شنو راح تسوين

[سعودي شرقاوي]

اسال احد

طيب : في الاعياد شنو اكثر شيء تصرف فلوسك عليه

[♥الحب الأجمل♥]

اجمعهم ..هع

طيب.: ياللي بعدي.. تطلعون واجد ؟؟

[دنيا الغموض]

لا << انطوائية شوي هع
هل صديقك / صديقتك يشاركك همومك ؟

[سعودي شرقاوي]

يعني مو كثير

اللي بعدي سؤال :::: احسن مجمع او مركز تجاري تسوقتوا فيه ؟؟؟

[سعودي شرقاوي]

صديقي : بالواقع اخفي همومي عن الكثير الا ما ندر

[سعودي شرقاوي]

سؤالي :::: هل تغار من اخوك ؟؟؟ تغارين من اختك في الدراسه مثلا

[دنيا الغموض]

اممم انا توني اكتشف امس اني اغار من اخوي مو بالدارسة بخبرته في الحاسب هع


طيب امم :


هل تسمع أغاني ؟

[سعودي شرقاوي]

لا ما اسمع

صرت ادخل واكتب اسأله وانا ما ادري هههههه كل من غموض

طيب : لو كنت شمعة لمن تحترق ؟؟؟

[دنيا الغموض]

هههههههه سحرتك هع
طيب : لو كنت شمعة لمن تحترق ؟؟؟

لأبواي العزيزان



إذأ شخص سخر منك ما هي ردة فعلك ؟؟

[سعودي شرقاوي]

(( وأن تسخروا منا فإن نسخر منكم ))


عادي متعودين هههههههههه


سؤالي ::: هل يمكنكم الاستغناء عن النت لمدة اسبوع ؟؟؟؟ ماذا تفعل لو استغنيت ؟؟؟؟ كيف تغضي وقت فراغك

[دنيا الغموض]

سؤالي ::: هل يمكنكم الاستغناء عن النت لمدة اسبوع ؟؟؟؟ ماذا تفعل لو استغنيت ؟؟؟؟ كيف تغضي وقت فراغك

إيوه أقدر لكن بأحس بالملل

لو استغنيت عن النت بأقضي وقتي بمشاهدة التلفاز + نوم هههههه



لو عصبت هل تصارخ ؟ او تكسر أي شيء حولك ؟ أو تكظم غيضك ؟

[سعودي شرقاوي]

اذا عصبت :::: اسكت لا اتكلم .

رادودكم المفضل من ؟؟؟؟ هل تحرصون على تناول الغداء او العشاء مع العائله الكريمه ؟؟؟؟ سؤالين بمجالين مختلفين ههههه

[دنيا الغموض]

رادودكم المفضل من ؟؟؟؟
بالمواليد أباذر

بالعزاء باسم


هل تحرصون على تناول الغداء او العشاء مع العائله الكريمه ؟؟؟؟

أحرص على تناول وجبة الفطور بالعادة لأنها وجبة منعشة و تمدني بالحيوية .


متى آخر مرة أصبت بخيبة أمل ؟

[فدوه لعيونك أني ياعمي]

ديـنا الغموض مادخلـين اكتـب شي" سوري"

[دنيا الغموض]

شنو فدوة ما فهمت ؟

[سعودي شرقاوي]

ولا انا شنو

[%أسيرة الأحزان%]

شنو صار وين راحت الأسئله
يالله مو مشكله أني راح أسأل

ويش اول شي تسويه إذا دخلت النت ؟؟؟؟

[سعودي شرقاوي]

فدوة ما فهمنا قصدك ياريت تو ضحين؟؟؟

[سعودي شرقاوي]

نورتي اسيرة الاحزان

اول شيء بعد التوكل على الله افتح المنتدى

سؤالي : هل تقرأ الصحف اليوميه او تتابعها ؟؟؟

[دنيا الغموض]

سؤالي : هل تقرأ الصحف اليوميه او تتابعها ؟؟؟
نعم أقرأها و أحرص على ذلك


ماذا لو طلب منك شخص قد آذاك يوماً من الأيام خدمة ؟؟!!

[وردة علي]

المسامح كريم
ومدام جى لعندي وطلبني بخدمه
انشالله ماقصر
والي فات مات
السؤال\ من اول شخص مر ببالك من صحيت من النوم؟

[سعودي شرقاوي]

اليوم اول مر : اللي سهر معي بالمنتدى البارح بكل امانة وصراحه اقول ان شاء الله نام زين .
سؤالك حلو دانه .

هل تغديت اليوم شنو غداكم ههههه

[♥الحب الأجمل♥]

لحمم .. :)

شنو تحب تااكل الآن؟

[دنيا الغموض]

شنو تحب تااكل الآن؟

كباب + بيبسي


كنت تعبان / ة و بتنام و إزعاااج عندك وش تسوي ؟ تعصب او شنو ؟

[احزان الماضي]

والله ماادري ماحصل لي هالموفق بس اتوقع اني بنحرج

[احزان الماضي]

نسيت اقول موقف عذرا اذا جهزت لسفر وفي وقت الرحله حصل لك طارئ وماسافرت شنو تسوي

[دنيا الغموض]

نسيت اقول موقف عذرا اذا جهزت لسفر وفي وقت الرحله حصل لك طارئ وماسافرت شنو تسوي

سأصاب بخيبة أمل كبيرة و أحزن .


كنت تسوي بحث علشان تقدمه للجامعة و خلص و باقي اللمسات الأخيرة إلا أخترب الجهاز و راح كل شيء شنو ردة فعلك ؟ << كان أموت قهر ههههه

[سعودي شرقاوي]

بل بل الامر خطير بتضايق حدي بس انا حذر في مثل هالامور اكتب واحفظ على طول هههههه

طيب :::: كيف تتعامل مع منافسك بالدراسه ؟؟؟؟ يعني لو انت من الاوائل وناس تنافسك كيف تتعامل معهم تاخذ مذكرات منهم تعطيهم ولا شو ؟؟

[دنيا الغموض]

طيب :::: كيف تتعامل مع منافسك بالدراسه ؟؟؟؟ يعني لو انت من الاوائل وناس تنافسك كيف تتعامل معهم تاخذ مذكرات منهم تعطيهم ولا شو ؟؟

لا ما آخذ مذكرات من أحد لأن لي طريقتي الخاصة بالمذاكرة و تحديد المهم و الأهم و الغير مهم للمذاكرة .



لو كنت معلم : كيف تتعامل مع طالب ساخر مستهين بالحصة ؟

[سعودي شرقاوي]

بالنصح والتوجيه والارشاد .(( وجادلهم باللتي هي احسن ))
ناس من كلمه تتعدل وناس بدرجات وناس بغيرها .

موقف ::: اثناء رجوعكم من المدرسه او الجامعه (مشى عنكم الباص ) ومفيش احد من اخوانك او اهلك بالبيت : كيف تذهبون الى منزلكم ؟؟؟؟

[دنيا الغموض]

موقف ::: اثناء رجوعكم من المدرسه او الجامعه (مشى عنكم الباص ) ومفيش احد من اخوانك او اهلك بالبيت : كيف تذهبون الى منزلكم ؟؟؟؟

بأعصب << كالعادة في هذا الموقف ههههه

و بأنتظر الباص يرجع في وقت ثاني



كنت تذاكر مادة و تتفاجأ أن الأختبار بمادة ثانية مو اللي ذاكرتها ؟ << قووية هههه

[سعودي شرقاوي]

ههههه لا عاد انا حذر بس لو صارت شسوي امرنا الى الله .

موقف : اثناء الاختبار بالغلط ها بالغلط ههههه شفتي ورقه لها علاقه بالاسئله في جيبك وهي تخص سؤال لاتعرفين اجابته بتغشين منها او لا ههه ؟؟؟

[دنيا الغموض]

موقف : اثناء الاختبار بالغلط ها بالغلط ههههه شفتي ورقه لها علاقه بالاسئله في جيبك وهي تخص سؤال لاتعرفين اجابته بتغشين منها او لا ههه ؟؟؟
هههههههه و الله إذا ما عرفت الإجابة و إذا قدرت أغش من الورقة بأغش هههههه



لو كنت قاطع تذكرة بأنك تسافر مثلاً لإيران و تتفاجأ في المطار إن التذكرة لماليزيا وش تسوي ؟

[سعودي شرقاوي]

عادي عادي نروح ماليزيا وايران مره ثانيه
ماليزيا تجنن ترى
صج ايران زياره بس ماعليه

موقف :::: لو انقطعت جزمتك (( نعلتك )) اثناء ما كنتي تمشين بالسوق او الشارع العام شنو تسوين ؟؟؟؟

[وردة علي]

ادى كنت بالسوق بدور لي اقرب محل بشتري لي اما اادى بالشارع افصخ رجلي انعاله وامشي به هعهع

موقف \ الحين انت نعسان وجتك مكالمه ولازم ترفع الجوال بترفعه بنفس لو بدون نفس

[فدوه لعيونك أني ياعمي]

كل واحد ادا كان الشخيص غالي بنفس ادا كان الشخيص عادي بدون

[سعودي شرقاوي]

طيب موقف ::: طلبت اختك تشترين لها بلوزه معك من السوق مثلك بالضبط مع الاسف حصلتي لك ولها شريتي غير وبثمن اغلى لكن يوم شافتها اختك من نظراتها ما عجبتها وقالت لك ما شريتي مثلك شنو ردت فعلك ؟؟؟

[♥الحب الأجمل♥]

والله بغتها ولا آخذها انا .. هع

طيب ..: رحت السوق .شريت لك عصير .. وعندك بزر (جاهل) .. ويجي مسررررررررررع وانت حطيت العصير في ثمك .. وينكب عليك .. ويش وقتها بتسوي ..!!

<<ماعندك ماعند جدتي ههههه

[بنت دشتي]

أروح الحمام أنظف لبسي وإذا ما فاد بروح البيت بسرررررررررعه علشان لا أتفشل

رحت بيت أحد من أصدقائك من زمان مو شايفهم طبعاً انت تكون متغير لأنهم من زمان ما شافوك وقعدوا يتطنزون عليك وعلى شكلك شنو ردة فعلك ( تطلع - تقعد وتحقرهم - تعطيهم ويه (وجه) )؟؟؟

[♥الحب الأجمل♥]

والله احقرهم ..لأنه اذا بروح بيقولوا ماعندها رد يعني تعرفيهم اللي ماعندهم كرامه

طيب ..: صبروا افكر في موقف وارجع

[سعودي شرقاوي]

لاتفكرين بكتب بدالك كالعاده ههههه

موقف :::: تلفزيون واحد بالبيت ((الباقي خربانيين ههه)) وانتي تريدي مشاهدة مسلسل معين (النبي يوسف ) ومعك خواتكمثلا ولكن اخوك الاكبر ومن بيده السلطه يريد مشاهدة مباراة في كرة السله هههه ماذا تفعلين

[فدوه لعيونك أني ياعمي]

عادي تصير هويه لنا .. نشاهد المباره
طيب
لو اختي تعبانه وانت مع صاحبك من زمان ماشفت تروح الى اختك او تقعد مع صاحبك

[سعودي شرقاوي]

موقف صعب ::: اقعد مع صاحبي ومن ثم اروح لها اذا كان الامر غير مستعجل

موقف :: لو عندك ثلاث ورود حمراء ووردة سوداء لمن تهديها من اعضاء المنتدى ؟؟؟

[فدوه لعيونك أني ياعمي]

ورده حمراء "الى السيده حوراء وعبق "
الورده اسواد"الله يبعدها انكم مو لاحد
طيب
لوكانو ناس جين الكم وبيتكن ماكانفي احد غيرك شاب تقده معاهم وانت قال الى اصاحبيك الحين جاي لكم....؟؟؟

[سعودي شرقاوي]

ما ادري اتصل على احد يجي .

موقف ::: اتصلت على مطعم يأتي اليكم بالعشاء وكان عندك ضيوف وبعد وصوله استقبله جارك واخذ العشاء واعطى صاحب التوصيل فلوس المطعم علما انك تاخرت بالعشاء على اصحابك

[رمش الغلا]

اااممم ادق على نفس المطعم واسئلهم ليه تأخروا في الطلب اواطلب ثاني


موقف: لو انت تمشين في الشارع ومريتي يم مجموعه من الشباب وطحتي شسوين؟؟
والعكس للشباب؟

[♥الحب الأجمل♥]

ههههههههههه عليييييييي لاتعليق الموقف.. مادري ههه

طيب.: رحتي المجمع انزين . وانتي قاعده مر احد من الشباب وهو مايدري وكب عليك عصير .. هههههههاي

ايش تسوي وقتها

[سعودي شرقاوي]

اذا واحد شباب عادي نتصالح هههههههه

بس لو بنت لا لا ما اتنازل هههههه تغسل ثوبي على الاقل هه

موقف ::: اذا ابوك او امك او اخوك اشتروا هديه حق اختك اللي قريبه من سنك وانتي ما شروا لك شلون موقفك ؟؟؟

[فدوه لعيونك أني ياعمي]

كل كويس"الله يرحم"
عادي الله يهنيها فيها

ماكو

[♥الحب الأجمل♥]

بس لو بنت لا لا ما اتنازل هههههه تغسل ثوبي على الاقل هه
<< اي لا هي كل ما بتروح المجمع بتاخذ غسالتها معاها..من وين تغسل ثوبك .. انت حاول تنظفه .. اي والله تغسل ثوبي ..:<<لا حوول الله ..هع

ماكوو لحد الآن ..:p

[سعودي شرقاوي]

موقف ::: طلعت نتائج القبول في الجامعه وسقط اسمك سهواً يعني قالوا لك مو مقبول وبالنهايه تكتشف انك مقبول بس راحت عليك شنو تسوي

[فدوه لعيونك أني ياعمي]

الايام جايه

طيب
لو قالوا لك هل تقبل تكون مشرف قسم كرسي الاعتراف ..

[♥الحب الأجمل♥]

اممم لا لأني ماعرف له هالقسم واجد ...اكثر شي الألعاب

طيب .:حطوك ع كرسي الأعتراف ..مثل ما انا الآن ..ويكون لي الشرف طبعاً ..انزين وسألوك ليه انت مسجل في هذا المنتدىآ بالذآت ..هع ..ايش ترد

[سعودي شرقاوي]

اقول المنتدى رائع بكل مافيه ادارة ( ابوحيدر ونائبه ) مميزة مشرفين يعملون بصمت أعضاء عسل على القلب مواضيع متجدده فكان تسجيلي طبيعي .

موقف : بمناسبة كرسي الاعتراف لو قالوا لك كم عمرك ووزنك وطولك واي سنه دراسيه وهيك شغلات بتجاوبين بصراحه ههههه

[فدوه لعيونك أني ياعمي]

اكييييييييييد
ماكو

[♥الحب الأجمل♥]

انزين ..: رحت مزرعه ..واللي وياك بيسبحون في البركه ..انزين وانت مو مودي هدوم يعني مابتسبح..ويجي احد من وراك وانت ماتدري ..وطااااااااااااااااخ يطبك ..ويش يكون موقفك ..<< سواء بنت او ولد

[فدوه لعيونك أني ياعمي]

ولد..لالا لان احنا في قسم وهم في قسم
بنت عااادي

[♥الحب الأجمل♥]

اقصد انه اللي بيرد بعدي .. يقول ردهـ ..سواء كان بنت او ولد ..فهمتيني خيتو ؟؟

ماكو

[سعودي شرقاوي]

اعوضها مره ثانيه فيه ههههه

طيب : وحده هنا دائما تقول ما عندي ما عند جدتي /// ماكو //
تعرفونها ؟؟؟ اذا تعرف نفسها تقدر ما تقولهم يوم كامل ههههه

[♥الحب الأجمل♥]

هههههههههههههههههههههههههههههههههههههههههههههههههه ههههههههههههههه

ساااااااااااااااااااااااااااااد

[سعودي شرقاوي]

موقف ::: على ذكرى الناصفه ::: تعودتي تروحين بيت عمك مثلا في الناصفه وهم متعودين يوزعون حلويات عليكم اول ما وصلتوا بيتهم قالوا لكم خلص وانتي طول الوقت تقولين حق اللي معك بيت عمي بيعطونا كذا وكذا هههههههه شلون موقفك الحين

[فدوه لعيونك أني ياعمي]

ماكو نصيب
طـيب
لو قـالو لك يوم الناصفه لازم تفخط احسب تناصف .؟؟؟

[سعودي شرقاوي]

افحط لا لا (حسب فهمي)

موقف : بالصدفه وانتي تناصفين ذهبتي بدون معرفه لبيت معلمتك وشاهدتيها كيف يكون موقفك ؟؟؟

[دنيا الغموض]

موقف : بالصدفه وانتي تناصفين ذهبتي بدون معرفه لبيت معلمتك وشاهدتيها كيف يكون موقفك ؟؟؟

اممم عاد تصدقون ما عمري ناصفت هههه
لكن لو صار لي هالموقف باستحي و بانحرج ههههه


طيب اممم:


كان زواج صديقك / صديقتك ليلة الناصفة وش تسوي / تسوين تسوين الأعمال او تروح / ين العرس ؟

[سعودي شرقاوي]

الاعمال بعد المغرب يمدي يمدي

الاعمال وتالي نروح

طيب :: لو اختك الصغيره ناصفت وتعبت روحها وجيتي انتي من غير ما تدرين وكلتي كل اللي جابت وقامت تصيح شالحل ههههه

[سعودي شرقاوي]

بغير السؤال ::: موقف مضحك تعرضتي له في المدرسه .

[دنيا الغموض]

بغير السؤال ::: موقف مضحك تعرضتي له في المدرسه .
موقف في الصف الأول الثانوي كنت أفكر إن عندنا حصة نحو و كانت معلمة النحو غايبة فقلت أطلع من الفصل و قلت لصديقتي و طلعنا و نتمشى و نتمشى ما نشوف بنات من فصلنا إلا نروح الفصل و كانت عندنا حصة تاريخ و كانت معلمة التاريخ تكرهني أنا و صديقتي و نقصتنا درجات و وقفتنا باقي الحصة هع .



اممم طيب :

كان عندك بحث و قال صديقك إنه بيشترك معك لكن دايما هو يشترك معك لكن بالاسم فقط ماذا تفعل و ماذا تقول له ؟؟ << متعرضة لهذا الموقف

[سعودي شرقاوي]

وليش تكرهك معلمة التاريخ هههههه شمسويه

تشترك بالاسم بس مصيبه : لا لا لازم الجهد يتوزع وحده تجيب المراجع تسوي شيء ووحده تكتب يعني لازم مشاركه ما يصير الصعود على اكتاف الاخرين (((( بصراحه انا على حسب الشخص اذا كان الشخص مجتهد وبيتعب اخليه يشارك معي اما اذا كان مو مهتم ما اخليه يسوي شيء ويمكن اقبل يشاركني بالاسم مجاملة فقط ::: الاصل مشاركة الاثنان )

موقف : ما موقفك من صديقك عندما تتصل عليه (جوال ) وتقوله انت في البيت بجيلك ويقولك لا لا انا بعيد وتتفاجأ بالصدفه انه يكذب وهو في البيت ؟؟

[الصرخة العلوية]

انقهر حييل
وما أكون متجهزة له..
بس أطوفها لها موهي صديقتي..
مقبوولة منها

موقف:
إذا كنت تتكلم بموضوع وتتفلسف فيه وآخر شي تطلع متكلم بسالفه غير السالفه اللي هم فيها

هع هع شتسوي

[سعودي شرقاوي]

شسوي بعد وجهي بيصير احمر ههههه بقوم وبرجع لهم

موقف : كنتي مستعجله حدك وانتي طالعه من بيتكم لبستي عباتك مقلوبه مو عدله يعني وانتي بالشارع شنو تسوين

[دنيا الغموض]

هههههههههههه ولا شيء يعني بأعدلها في الشارع ؟ هع


كان صديقك يحتاجك في مساعدة لكن ما قدرت بس هو فهمك غلط بأنك تتهرب من مساعدته ماذا تفعل ؟

[سعودي شرقاوي]

أوضح له الامر اني بالفعل لا استطيع

موقف : اثناء سفرك في باص لاي مكان اثناء توقف الباص منتصف الليل وبعد الاستراحه ركبت / ي باصاً آخر ومشى لدقائق بك ثم انتبهتي كيف تتصرفين ؟؟؟ باصكم الاصلي ايضا مشى

[دنيا الغموض]

موقف : اثناء سفرك في باص لاي مكان اثناء توقف الباص منتصف الليل وبعد الاستراحه ركبت / ي باصاً آخر ومشى لدقائق بك ثم انتبهتي كيف تتصرفين ؟؟؟

أول شيء بأخاف و يمكن أصيح هع ثاني شيء بأقول لأي وحدة موجودة بهذا الباص إني ركبت باص مو باصنا حتى تبلغ الرجال ..

و ثالث شيء بأتصل على أهلي ..



كنت مسافر و ضيعت جوازك وش بتسوي ؟

[سعودي شرقاوي]

الله لايقوله بروح السفاره طبعا

موقف::: أعز الناس على قلبك يقولك يا تفعل كذا او ما اكلمك ؟؟؟ شنو تسوي

[دنيا الغموض]

موقف::: أعز الناس على قلبك يقولك يا تفعل كذا او ما اكلمك ؟؟؟ شنو تسوي

إذا كان اللي يقوله مايكون فيه معصية و أقدر أسويه أسويه و إذا ما أقدر بكيفه هع



طيب امممم :



لو عازمك أعز أصدقائك على عشى و العايلة بعد مسوية عشى و مجتمعة وين بتتعشى ؟

[سعودي شرقاوي]

مع أعز اصدقائي ههههههه العايله لاحق عليها ولاتنسين صديقي ببلاش ههههه

تمنيت دنيا الغموض تدخل للسؤال اللي فوق وزين دخلت هههه

موقف :::: اتصل عليك بالجوال رقم اول مره تشوفه وترفع ( تكلم) ويقول لك انا زميلك في المنتدى ؟؟؟؟ شنو موقفك ؟؟؟

[فدوه لعيونك أني ياعمي]

ماداري .. اني مشتركه في منتديات وايد .. ويمكن مسخيره اني مارد على ارقام اخلي اخوي احسن ..

بحفظ القدوس

[سعودي شرقاوي]

طيب موقف :::: لو تعطل النت بيتكم اسبوع شنو تسوين ؟؟؟؟

[دنيا الغموض]

لو تعطل بأشبك من التلفون هع

طيب : ماذا تفعل لو تعطلت سيارتك و عندك مشاوير ضرورية و السيارة يبغى وقت على ما تتصلح ؟

[سعودي شرقاوي]

آخذ سيارة اخوي او استأجر سياره

موقف : تم قبولك في الكليه وتوجيهك لقسم لا ترقبين الدراسة فيها ما العمل ؟؟؟

[اللهم صل على محمد وآله]

اذا أقدر أنقل أنقل واذا ما أقدر أنتظر أخلص الله يعينني ( عاد متى أوصل الكلية باقي دهر عليي ههههههه)
اذا انت بالطابور الصباحي وأكو اجتماع آباء/أمهات والمدرسة بتوزع جوائز وأكو اسم يطابق اسمك وطلعت/ي وحطيت/ي يدك ع الجائزة الا وصاحب/ة الجائزة تطلع . شنو يكون موقفك؟؟؟

[سعودي شرقاوي]

اوف والله فشيله ههههه بس تدري انا ما بطلع اذا ما كنت استحق الجائزة

موقف : لو زيلك استعار دفترك ايام الاختبارات واضاعه وانت تعبان عليه ولما سالته قال لك ضاع صور غيره شتقول له ؟؟؟؟ شنو موقفك

[دنيا الغموض]

موقف : لو زيلك استعار دفترك ايام الاختبارات واضاعه وانت تعبان عليه ولما سالته قال لك ضاع صور غيره شتقول له ؟؟؟؟ شنو موقفك

طبعاً بأعصب كل شيء و لا هالموقف أيام الأختبارات و بأقول لها دوري لي دفتر مكتوب فيه كل الأشياء المهمة للمذاكرة << يعني مشابه لدفتري .


لو قيل لك تمنى 3 أمنيات و تلبى لك , ما هي ؟

[سعودي شرقاوي]

أوف ياربي يبقى لها تفكير عدل ههه
1/ اتمنى رضا الله ووالدي اولا
2/ ان يقبل كل من يقدم لجامعة اومعهد ويوظف منن يبحث عن وظيفه (لايبقى عاطل )
3/أن يزوج المؤمنين والمؤمنات (من هم في سن الزواج )

موقف :::: أعطتك صديقة لك وردة سوداء بعد موقف او مشكلة بينكم ؟؟؟
أعطتك صديقتك الاخرى وردة حمراء لوقوفك ضد صديقتك الاخرى ؟؟؟؟
اتمنى ان يكون موقفي مفهوماً

[دنيا الغموض]

عذراً لم أفهم الموقف !!!!

[سعودي شرقاوي]

توقعت موقف مخربط هههههههه

نختصر :::: لو تهاوشتي مع صديقه لك ويوم ثاني جابت لك وردة سوداء ؟؟؟؟ كيف تفسرين موقفها

[دنيا الغموض]

نختصر :::: لو تهاوشتي مع صديقه لك ويوم ثاني جابت لك وردة سوداء ؟؟؟؟ كيف تفسرين موقفها
إن كنت قد أخطأت بحقها حق الخطأ , فسأفسره بالكره او الحقد

لو خيروك بين هديتين تقبل إحداهما هدية صديقك , هدية قريبك ؟

[سعودي شرقاوي]

هدية صديقي وان كانت الهدية لاترد

موقف ::: لو قالت لك صديقتك كم عمرك وقلتي لها عشرون عاماً فقالت لك تبدين كوحده عمرها 30 كيف يكون موقفك منها ؟؟؟

[دنيا الغموض]

موقف ::: لو قالت لك صديقتك كم عمرك وقلتي لها عشرون عاماً فقالت لك تبدين كوحده عمرها 30 كيف يكون موقفك منها ؟؟؟

هههههه بأضحك

لو قيل لك أختار أحد مراقد الأطهار لزيارته و نذهب بك إليه ؟

[سعودي شرقاوي]

الامام الرضا عليه السلام

موقف ::: اللي يدخل اطلب منه مساعده في الا لعاب الثانية ( الطياره وخلع الاسنان ) لاتفشلوني
شنو قلتوا هههه

[فدوه لعيونك أني ياعمي]

عــــــــــــــــــــادي
السؤال لو قول لك كم عمرك تجواب بكل صراحه

[سعودي شرقاوي]

التقريبي مكتوب في الملف الشخصي هههههه

موقف :::: كم مرة زعلتي من عضو في المنتدى ؟؟؟

[فدوه لعيونك أني ياعمي]

و لامره والله واتمني ايضا الاعضاء مازعلو مني
السؤال انت تمش في بتكم وجي اختك وفي يدها عصير ويتحط وش تسوي

[سعودي شرقاوي]

ما فهمت ويتحط قصدك شنو تكبه يعني او تدفقه بالحساوي او ترميه على ملابسي ههههه

احاسبها حسابا يسير ا ههههه

موقف :::: لو ذهبتوا للمدينه وقالوا لك انتبهي لاختك الصغيره لاتضيع مسكي يدها وفجأة انتي اللي ضعتي وهي الصغيره ما ضاعت شنو موقفك ههههه

[دنيا الغموض]

موقف :::: لو ذهبتوا للمدينه وقالوا لك انتبهي لاختك الصغيره لاتضيع مسكي يدها وفجأة انتي اللي ضعتي وهي الصغيره ما ضاعت شنو موقفك ههههه
هههههههههه مرة ضعت أنا و أختي الصغيرة في المدينة و بالعكس ما خفت كنت فرحانة جبت الحرم كله و ما وراءه و بعدين دليت الطريق << تحب
المغامرات هع

لو ضعت بسيارتك في بر وش تسوي ؟

[سعودي شرقاوي]

بل الله لايقوله انا اخاف اروح طريق ما اعرفه شلون بر :: اهم شيء فيه شبكة نتصل
ولا شنسوي بعد ننتظر الفرج

موقف :::: تخرجتي من الجامعة وزميلتك التي اقل منك توظفت وانتي الاعلى معدل لم تقبلي علما ان قبولها بواسطه من ابوها مثلا؟؟؟؟

[دنيا الغموض]

موقف :::: تخرجتي من الجامعة وزميلتك التي اقل منك توظفت وانتي الاعلى معدل لم تقبلي علما ان قبولها بواسطه من ابوها مثلا؟؟؟؟
بأنقهر

طيب لو كنت تعبان و كانت بنتك تبغى تطلعها وش تسوي بتطلعها او لا ؟

[سعودي شرقاوي]

اقول لها تعبان اذا ممكن بعد اشوي اقتنعت ولا امرنا الى الله نطلعها .

أثناء تسوقكم لشراء حاجات العيد كم طلعه من البيت تحتاجون لتخلصون اموركم ؟؟؟؟ كم مره تروحون السوق وتخلصون ؟؟ نسيت كتبت سؤال ههههههه

[دنيا الغموض]

أثناء تسوقكم لشراء حاجات العيد كم طلعه من البيت تحتاجون لتخلصون اموركم ؟؟؟؟ كم مره تروحون السوق وتخلصون ؟؟ نسيت كتبت سؤال ههههههه
مرة او مرتين

ما موقفك عندما يتجاهلك عزيزُ عليك ؟

[سعودي شرقاوي]

أتضايق كثير مثل احين ههههههههه

[دنيا الغموض]

ما موقفك عندما يحذف لك موضوع في المنتدى ؟

[سعودي شرقاوي]

أوجد لهم عذراً اذا مكرر مثلاً
بس لو مو مكرر ولا شيء اتضايق بصراحه

موقف :::: من يعجبك من اعضاء المنتدى ؟؟؟؟؟؟ غيري طبعا ههههههههه

[دنيا الغموض]

موقف :::: من يعجبك من اعضاء المنتدى ؟؟؟؟؟؟ غيري طبعا ههههههههه

امممم طبعا اولهم انت ههههههه

و الدرية و حيدر الكربلائي

ذات السؤال لمن بعدي هههه

[سعودي شرقاوي]

يالله مجامله مقبوله هههههههه

كثير يعجبوني بصراحه ويعجبوني حيل

من يعجبك من اعضاء المنتدى ؟؟؟ ولماذا

[زازا]

مدري يعني انا تويه داخله وما بعد اتاقلم معاكم
طيب
وش ردة فعلك لو (ضربت حبيبك وانت ما تدري ان اهو بعدين عرفت انه حبيبك .....<<<<<<<<طولت)
وش راح تكون ردة فعلك..
مشكووورة ع الطرح الحلو

[سعودي شرقاوي]

ما يضربك الا اللي يحبك عادي عادي

موقف ::: لو اشترين بثلاثين ريالا واعطيت البائع خمسين من المفترض انه يرجع عشرين لكنه رجع عشرة ريالات ولم تنتبه الا بعد ربع ساعه هل ترجع له وتحاسبه

[دنيا الغموض]

لا ما أرجع له ...

لو نسيت بطاقة البنك في الصراف ؟

[سعودي شرقاوي]

اطلبها من بنكي الاساسي

موقف ::: تشاركين في المنتدى ولا احد يرد على مواضيعك؟؟؟

[دنيا الغموض]

موقف ::: تشاركين في المنتدى ولا احد يرد على مواضيعك؟؟؟

بأعصب و يمكن ما أنزل مواضيع مرة ثانية


ما موقفك لو تحط رأيك بموضوع في منتدى النقاش و يُفهم رأيك خطأ ؟

[سعودي شرقاوي]

كثير تحصل أقصد شيء ويفهم خطا

أو ضحه مجدداً

موقف : شنو موقفك من بنت تلبس ساعتها على اليد اليمين (اول شيء تقولينه عنها )

[دنيا الغموض]

موقف : شنو موقفك من بنت تلبس ساعتها على اليد اليمين (اول شيء تقولينه عنها ) ؟

بس بأطالع في يدها و لا أقول عنها شيء , لأنه فيه كثير يلبسون الساعة في اليد اليمين . .


ما موقفك عندما تودع أناس غالين عليك لا تعلم هل ستراهم مجدداً أم لا ؟

[سعودي شرقاوي]

صعب صعب الله يكون في العون .

متى متى بتساقرين ؟؟؟

موقف : اثناء السفر نسيتي اهم الاغراض التي تستخدمينها على طول ؟؟؟

[دنيا الغموض]

ههههه قريباً بأسافر << شكلك تبي الفكة مني هع

موقف : اثناء السفر نسيتي اهم الاغراض التي تستخدمينها على طول ؟؟؟

ما بيدي اسوي شيء إلا إذا أقدر أشتريه من مكان السفر


ما موقفك عندما يكون شخص محل ثقتك و لكن !! تكتشف أنه خان الثقة ؟

[سعودي شرقاوي]

ابد ابد ما ودي تسافرين

مصيبه الوم نفسي شلون خليته محل ثقة .

موقف :::: لما تشاهدين صديقتك تضحك في موقف محزن لديك كيف يكون موقفك

[دنيا الغموض]

موقف :::: لما تشاهدين صديقتك تضحك في موقف محزن لديك كيف يكون موقفك

يمكن أكرهها هههه , حالتي حالة و هي تضحك !!



ما موقفك عندما يطرح عليك سؤال لا تود الإجابة عليه ؟

[سعودي شرقاوي]

أغتذر عن الاجابة وطبعا اوضح رأيي

موقف ::: جميع من في بيتكم نجح في المدرسه الا انتي هههههه موقفك

[♥الحب الأجمل♥]

ههههه احبس نفسي .. وين اودي وجهي ..! ههههه

طيب.: في نصـ رمضآن .. ليلة مولد الإمام مثلاً قآعده تنآصفينـ ..وفجأهـ ضعتي ..ولا من اللي تناصفين معاهم وياك

كلهم راحوآ عنك

؟؟؟؟

[سعودي شرقاوي]

للضرورة احكام اقول حق اي ولد او بنت حلال تو صلني هههه اكيد ضايعه انتي هههه

موقف ::: أيهما تفضلون المجاملة ام الصراحه في اعطاء الرأي بالاشخاص ؟؟

[دنيا الغموض]

موقف ::: أيهما تفضلون المجاملة ام الصراحه في اعطاء الرأي بالاشخاص ؟؟

أنا أكره شيء علي لمن أحد يقول لي وش رأيك بهذا او هذه أحياناً أضطر للمجاملة .


ما موقفك عندما يضيفك إميل غريب إلى ماسنجرك ؟

[سعودي شرقاوي]

ما اقبل اي اضافة الا لو عارف ( احذفه )

موقفك لما احد يقول لك هالبيت (( بعدتم وأنتم اقرب الناس في الحشا وغبتم وأنتم في الفؤاد حضور ))

[دنيا الغموض]

موقفك لما احد يقول لك هالبيت (( بعدتم وأنتم اقرب الناس في الحشا وغبتم وأنتم في الفؤاد حضور )) ؟

امم بأفرح هع

ما موقفك عندما يزعجك طفل بهذرته الزايدة ؟ << مثل اللي حاصل لي الحين

[سعودي شرقاوي]

ههههههههههههه أبوسه

موقف :::: شنو موقفك لما صديقه لك تقبل بقسم جامعي ترقب فيه بعد معاناة طويله

[دنيا الغموض]

موقف :::: شنو موقفك لما صديقه لك تقبل بقسم جامعي ترقب فيه بعد معاناة طويله ؟

أفرررح لها و ابتسم << كأنك تدري عن شيء ههه

موقفك عندما تٌسرق محفظتك و فيها كل بطاقاتك المهمة جدا جداً ؟

[سعودي شرقاوي]

ياربي اموووووووووووووووووووووت قهر البطاقات عاد

الله يوفقها هههه

موقف ::: عندما تتصل على صديقك ويقول لك اني غير موجود بالبيت ثم تتفاجأ به بالبيت هل تحس نفسك غير مرغوب فيك ؟؟؟

[دنيا الغموض]

موقف ::: عندما تتصل على صديقك ويقول لك اني غير موجود بالبيت ثم تتفاجأ به بالبيت هل تحس نفسك غير مرغوب فيك ؟؟؟

اكيد و بأكره اليوم اللي كنت فيها صديقتها ..


ما موقفك عندما يسخر منك شخص بعدم قدرتك على فعل شيء ما ؟

[سعودي شرقاوي]

وان تسخروا منا فإنا نسخر منكم

موقف :::: انتي فرحانه وميته من الفرح لقبولك في قسم ما بالجامعه ثم تفاجئين ببرود ردة فعل اهلك ؟؟؟

[♥الحب الأجمل♥]

عادي بسكت ..شسوي بعد ..!

اذا مالي حد يفرحـ ..او يعطي وجه .! :( ..:)

أممممممممممم,.,هذي بتكون ردة فعلي كصغيرهـ ..:)

رواعي الجامعات يعطوك الرد الثآني..:)

[سعودي شرقاوي]

كفيتي ووفيتي فملي انتي كبيرة بعقلك

موقف :::: عندما تشاهد طفل يتيم يبكي مالذي يخطر ببالك ؟؟

[دنيا الغموض]

موقف :::: عندما تشاهد طفل يتيم يبكي مالذي يخطر ببالك ؟؟

إني امسح على راسه و أمسح دمعته .


ما موقفك عندما يأخذ صديقك بخاطره منك بسبب كلمة انت متعود تقولها له بس هالمرة زعل ؟

[سعودي شرقاوي]

ياربي صعبه والله صعبه (( يعني احيانا زيادة الحب بين الاثنين تلغي كل الحواجز ولكن ...... ))

موقف :::: لو قالك صديقك يا تقطع علاقتك بالشخص الفلاني او انا ما اكلمك ؟؟؟؟؟ علما ان الشخص الاخر مميز اخلاقيا

[دنيا الغموض]

موقف :::: لو قالك صديقك يا تقطع علاقتك بالشخص الفلاني او انا ما اكلمك ؟؟؟؟؟ علما ان الشخص الاخر مميز اخلاقيا

اووه و الله صعبة بس بحاول اقنعها .


ما موقفك عندما تقدم على وظيفة و يطلع اسمك و بتروح للمقابلة و تتفاجأ إنه مو انت اسم واحد يشبه لك ؟

[سعودي شرقاوي]

بموت قهر بموت قهر بس بدعو بالتوفيق له وللجميع
ما احد ياخذ الا رزقه

موقف ::: لو طلبت منك زميله عزيزة عليك قلم مثلا وقلتي لها ما عندك وصدفه طلعتي القلم من جيبك وقالت لك هذا عندك ؟؟؟ شنو موقفك

[♥الحب الأجمل♥]

آآآآآهـ إحــــــــرآجـ

بقول لها اووه آسفه توني منتبه له ..تفضلي ..!

:dهههه

[سعودي شرقاوي]

موقف ::: لما تقول حق ابوك جيب لي معك وانت طالع عصير برتقال ويرجع ويجيب عصير عنب ومره ثانيه اذا طلع تقول له جيب عصير برتقال ويرجع ويجيب عصير تفاح ؟؟؟؟ شتقول له

[♥الحب الأجمل♥]

شفيك يبهـ .. ماتعرفـ تفرقـ بين العصيرآتـ هههههههه

[سعودي شرقاوي]

ايه حلو ههههههه لا تقولين له غير هيك .

موقف ::: لو طلبتي من والدك يشتري لك نوعا معيناً من الشوكلاته( غالي الثمن ) فذهب واشتر شوكلاته غير ما تريدين (اشترى رخيص )) شنو موقفك من والدك او ردة فعلك تجاهه

[دنيا الغموض]

موقف ::: لو طلبتي من والدك يشتري لك نوعا معيناً من الشوكلاته( غالي الثمن ) فذهب واشتر شوكلاته غير ما تريدين (اشترى رخيص )) شنو موقفك من والدك او ردة فعلك تجاهه

أقبل رآسه و أقول له الله يعطيك العافية يبى .


ما هو موقفك عندما ترى صديقك حزين ؟

[سعودي شرقاوي]

أحزن لحزنه

موقف :::: لو صديقك دائم الزعل (( يزعل كثيراً وانت تراضيه )) كيف تتعامل معه (( بس تراه حبوب

[دنيا الغموض]

موقف :::: لو صديقك دائم الزعل (( يزعل كثيراً وانت تراضيه )) كيف تتعامل معه (( بس تراه حبوب

هههه نفس صديقتي , اضطر اني اراضيها و هي اصلا ما تقدر ما تكلمني يوم هع .


ما موقفك عندما ترشح لكرسي الإعتراف ؟هع

[سعودي شرقاوي]

بصراحه انا جديد وما بقبل لأني ما بعد اتعرف على الاعضاء عدل

بس معلوماتي اغلبها قلتها في مواضيع ههههههههههه

موقف :::: في موضوع كن جريئا وارنا صورتك (( معلوماتك )) ما موقفك منه

[روح الورد 22]

في موضوع كن جريئا وارنا صورتك (( معلوماتك )) ما موقفك منه

ولله مافهمت عليك ياسعودي ممكن تعيد الموقف

لو سمحت

موقف

لو كنت متصل الى صديقك وقالو لك انا مو موجود وانت تسمع صوته ؟؟؟؟

ايش رح تكون ردت فعلك

تحياتي

[الغروب الاخير}{...]

اووو بزعل وبتضايق حيييييل

وبعدين اعاتبها

[سعودي شرقاوي]

ما حطيتي موقف

طيب ::: لو قالت لك المعلمه (الاستاذ )) انك جبت ممتاز واخذت الثاني على الفصل
وبعد ما طلعت النتايج شفت نفسك العاشر هههههه شنو موقفك من المعلم /ه

[روح الورد 22]

ابعطيه بقص:Smiles (39)::Smiles (39):

لالالالالالالالالالا بس ابزعل وببكي وبقول الى امي تتفاهم وياها لاني
ما اتكلم مع هيك اشكيلات خخخخ

ويمكن بعد ابحقد عليها :Smiles (29)::Smiles (29):

موقف لو
اخوك وعدك انا يعطيك 500ريال
بس لو اتاكل شى حار وكلت وحرقك بس ماعطاك خخ

ايش رح تكووووووون ردت فعلك ياهذا خخخ:Smiles (121):