جَنْـــ آلـهُــدَى ـــةَ
08-03-2009, 04:19 PM
السلام عليكم ورحمه الله وبركاته..
اليوم راح أحط لكم رحلتي لسوريا ^_^ ..
إلي سافر معاي لسوريا ..
((أمي وخواتي وأخواني اثنينهم <<وطبعاً آنه اكبر وحده ، وخالتي وزوجها وبنتها وولدها ، وخالتي الثانيه وزوجها وولدها وبنتها <<عيال خالاتي صغار ))
طلعنا من البحرين بالباص لسوريا وأخذنا في الطريق يوم ونص ..
ومن أول ما ركبنا الباص قعدنا نسولف آنه والبنات الي صوبي
تعرفنا ع بعض وسوالف ^_^ ولا سكنا ولا نمنا ..
وفي الطريق لسوريا صورت لكم كم صوره للشارع هع هع ..
http://up4.m5zn.com/9bjndthcm6y53q1w0kvpz47xgs82rf/2009/8/3/05/u0ruhj639.png (http://games.m5zn.com)
http://up4.m5zn.com/9bjndthcm6y53q1w0kvpz47xgs82rf/2009/8/3/05/kch2pzjie.png (http://games.m5zn.com)
http://up4.m5zn.com/9bjndthcm6y53q1w0kvpz47xgs82rf/2009/8/3/05/9v403u4oi.png (http://games.m5zn.com)
وآنه اصور صار لي موقف وما كنت متوقعتنه ابداً ..
الباص يمشي وآنه اصور وأقتربنا عند نقطه تفتيش وآنه مادري
ان ممنوع التصوير ومعني ما صورت الا الشارع بس ولا شفت احد من الشرطه
ولا مخلوق ..
وبعد ما صورت ما شفت إلا الشرطي راكب لنا الباص ويقول منو الي صور
ذيج الحزه آنه خفت ولا تكلمت نزل الشرطي وسألوو من الي صور..
سائق الباص قال الي صورت لا تخاف ما بسوون شي لها ..
خالاتي حسوو إن آنه الي صورت قالوا لي اذا انتي خاله الي صورتي تكلمي ..
بعدها قلت لهم آنه الي صورت بس ما صورت شيء الا الطريق ..
ركب الشرطي ومعاه سائق الباص وقال يبي جوازي وعطيناه الجواز..
وأمي من شافته بياخذ جوازي خافت وقعدت تصيح وآنه ميته من الخوف بس اسوي روحي قويه
عشان لا تزيد أمي في الصياح وأقول لها لا تخافين ما بسوي شيء ..
ووحده معانا في الباص وقفت معاي وقفه بصراحه عمري ما راح أنساها ^_^ ..
وقفت معاي كأني اكثر من بنتها ..
وسائقي الباص يتكلمون مع الشرطي ويهدون فيه وكل ما نزل من الباص نزلوو معاه وكل ما ركب ركبوو معاه ..
قال الشرطي يبي الكاميرا وعطيته اياه وقلت له ان فيها صور خاصه << يعني ما ابيه يشوف الصور كلها >>
وسألني وين أبوي قلت له انه ما جه ويانا وقال لي منو ولي أمرج أمي قالت له انها اهي وليه امري ، وتوه زوج خالتي بقول آنه ولي أمرها إلا سائق الباص اشر عليهم يقول لحد يتكلم ويقول وياها احد قولوا بس حريم ..
قال الشرطي يبي يشوف الصوره إلي صورتها اياه قلت له ما صورت احد اني صورت بس الشارع وراويته الصور ، وقال لي شيلي الميموري وعطيني الكاميرا .. >> هو أصلا لما راويته الصور عجبه تصوير الكاميره شكله وإنها متطوره الكامبرا وباللمس وسوني قال لروحه خلني آخذها وأستفيد منها وإلا شنو يبي فيها من غير الميموري والصور كلها في الميموري .. <<
جذبوو عليه وقالت له امي إن الكاميرا مب مالتي وإلي متسلفتنها وشنو بتقول لأصحابها إذا رجعنا ، وقال له بنعطيك فلوسها وخلها عندنا .. >> هذي الكاميرا هديه من عند ابوي بمناسبه نجاحي وتخرجي من المدرسه وجايبها لي من دبي بـ 140 دينار بحريني ((1400 ريال سعودي)) <<
والمرأه الي ويانا في الباص تقول هذي جاهله وما تدري وسامحها ومادري شنوو وهو يقولها قعدي مكانج حجيه
وهي تقوله وين اقعد مكاني ما بقعد ..
قال الشرطي بروح يشوف الرئيس ونزلوو معاه طبعاً سائقي الباص شوي وركبوو وقال لي هذي آخر مره لج وأحمدي ربج إنج طحتين بيد رجال طيب وإذا مره ثانيه عدتينها بنحبسج .. وعطاني الكاميرا والجواز وجواله ^_^ بعدين انتبه وشال جواله ... >> وأصلا ما عطاني إياهم إلا لما حصل له بخشيش <<
والمرأه إلا ويانا تقوله مشكور ورحم الله والديك وبدعيلك سنه كامله بالصحه والعافيه << عاد هو استانس حده >>
ولما خلاص مشينا تقول أي ادعي عليك سنه كامله ان الله ياخذ روحك ..
وآنه قمت اصيح ع الموقف إلي صار لأن طول الوقت آنه مسويه روحي قويه ومجوده دموعي فبعد ما خلص خلاص ما قدرت أجود دموعي اكثر ..
فجت لي وحده من البنات تهديني وجي وشوي ووقف الباص عشان نصلي ونشتري إذا بغينا من البراده قبل لا ننزل شافني زوج خالتي اصيح يقولي ليش تصيحين هالمواقف تصير عادي ..
صليت وركبت الباص ورجعت اصيح << ماكان فيه احد الباص بس خواتي لأنهم رجعوو الباص معاي >>
شافو امي وخالاتي وأزواجهم راجعين راحو قالوا لهم إني اصيح ..
قالي زوج خالتي وإنتي ليش تصيحين قلت له ما فيني شيء يقولي انسي عادي موقف وصار تقعدين تعورين راسج ؟؟ استانسي بالسفر ^_^
وسألوني خواتي شنو ابغي عشاء قلت لهم مابي شيء وأني بنام .. اشتروا لي معني ما ابغي والكل ركب الباص ومشى ..تغطيت عن يازعم بنام وكل ما أذكر الموقف تدمع عيوني ..
وبعدين البنات يقولون لي خلاص ((جنة الهدى)) ابتسمي مب حلوو عليج جي ولا يناسبج اصلاً تزعلين ..
وحاولت اني اكون عاديه وقدرت ارجع اسولف وأضحك لكن ولا طلعت الكاميرا من الشنطه ..
وبعد كل محطه تفتيش لما نخصلها تقول لنا المرأه
وقالت لنا صلوو على محمد وآل محمد << اللهم صلي على محمد وآل محمد وعجل فرجهم ياكريم >>
ثانيه << اللهم صلي على محمد وآل محمد وعجل فرجهم ياكريم >>
ولعنتين على السعوودي .. << جان كلهم يضحكون >>.. ((أهي قصدها السعودي الي غربلنا مب تاخذونها ع السعوديين كلهم )) ..
وظلينا جي ناخذ لنا غفوه ونرجع نسولف لين ما وصلنا سوريا ..
إنتظروني في الجزء الثاني ^_^
اليوم راح أحط لكم رحلتي لسوريا ^_^ ..
إلي سافر معاي لسوريا ..
((أمي وخواتي وأخواني اثنينهم <<وطبعاً آنه اكبر وحده ، وخالتي وزوجها وبنتها وولدها ، وخالتي الثانيه وزوجها وولدها وبنتها <<عيال خالاتي صغار ))
طلعنا من البحرين بالباص لسوريا وأخذنا في الطريق يوم ونص ..
ومن أول ما ركبنا الباص قعدنا نسولف آنه والبنات الي صوبي
تعرفنا ع بعض وسوالف ^_^ ولا سكنا ولا نمنا ..
وفي الطريق لسوريا صورت لكم كم صوره للشارع هع هع ..
http://up4.m5zn.com/9bjndthcm6y53q1w0kvpz47xgs82rf/2009/8/3/05/u0ruhj639.png (http://games.m5zn.com)
http://up4.m5zn.com/9bjndthcm6y53q1w0kvpz47xgs82rf/2009/8/3/05/kch2pzjie.png (http://games.m5zn.com)
http://up4.m5zn.com/9bjndthcm6y53q1w0kvpz47xgs82rf/2009/8/3/05/9v403u4oi.png (http://games.m5zn.com)
وآنه اصور صار لي موقف وما كنت متوقعتنه ابداً ..
الباص يمشي وآنه اصور وأقتربنا عند نقطه تفتيش وآنه مادري
ان ممنوع التصوير ومعني ما صورت الا الشارع بس ولا شفت احد من الشرطه
ولا مخلوق ..
وبعد ما صورت ما شفت إلا الشرطي راكب لنا الباص ويقول منو الي صور
ذيج الحزه آنه خفت ولا تكلمت نزل الشرطي وسألوو من الي صور..
سائق الباص قال الي صورت لا تخاف ما بسوون شي لها ..
خالاتي حسوو إن آنه الي صورت قالوا لي اذا انتي خاله الي صورتي تكلمي ..
بعدها قلت لهم آنه الي صورت بس ما صورت شيء الا الطريق ..
ركب الشرطي ومعاه سائق الباص وقال يبي جوازي وعطيناه الجواز..
وأمي من شافته بياخذ جوازي خافت وقعدت تصيح وآنه ميته من الخوف بس اسوي روحي قويه
عشان لا تزيد أمي في الصياح وأقول لها لا تخافين ما بسوي شيء ..
ووحده معانا في الباص وقفت معاي وقفه بصراحه عمري ما راح أنساها ^_^ ..
وقفت معاي كأني اكثر من بنتها ..
وسائقي الباص يتكلمون مع الشرطي ويهدون فيه وكل ما نزل من الباص نزلوو معاه وكل ما ركب ركبوو معاه ..
قال الشرطي يبي الكاميرا وعطيته اياه وقلت له ان فيها صور خاصه << يعني ما ابيه يشوف الصور كلها >>
وسألني وين أبوي قلت له انه ما جه ويانا وقال لي منو ولي أمرج أمي قالت له انها اهي وليه امري ، وتوه زوج خالتي بقول آنه ولي أمرها إلا سائق الباص اشر عليهم يقول لحد يتكلم ويقول وياها احد قولوا بس حريم ..
قال الشرطي يبي يشوف الصوره إلي صورتها اياه قلت له ما صورت احد اني صورت بس الشارع وراويته الصور ، وقال لي شيلي الميموري وعطيني الكاميرا .. >> هو أصلا لما راويته الصور عجبه تصوير الكاميره شكله وإنها متطوره الكامبرا وباللمس وسوني قال لروحه خلني آخذها وأستفيد منها وإلا شنو يبي فيها من غير الميموري والصور كلها في الميموري .. <<
جذبوو عليه وقالت له امي إن الكاميرا مب مالتي وإلي متسلفتنها وشنو بتقول لأصحابها إذا رجعنا ، وقال له بنعطيك فلوسها وخلها عندنا .. >> هذي الكاميرا هديه من عند ابوي بمناسبه نجاحي وتخرجي من المدرسه وجايبها لي من دبي بـ 140 دينار بحريني ((1400 ريال سعودي)) <<
والمرأه الي ويانا في الباص تقول هذي جاهله وما تدري وسامحها ومادري شنوو وهو يقولها قعدي مكانج حجيه
وهي تقوله وين اقعد مكاني ما بقعد ..
قال الشرطي بروح يشوف الرئيس ونزلوو معاه طبعاً سائقي الباص شوي وركبوو وقال لي هذي آخر مره لج وأحمدي ربج إنج طحتين بيد رجال طيب وإذا مره ثانيه عدتينها بنحبسج .. وعطاني الكاميرا والجواز وجواله ^_^ بعدين انتبه وشال جواله ... >> وأصلا ما عطاني إياهم إلا لما حصل له بخشيش <<
والمرأه إلا ويانا تقوله مشكور ورحم الله والديك وبدعيلك سنه كامله بالصحه والعافيه << عاد هو استانس حده >>
ولما خلاص مشينا تقول أي ادعي عليك سنه كامله ان الله ياخذ روحك ..
وآنه قمت اصيح ع الموقف إلي صار لأن طول الوقت آنه مسويه روحي قويه ومجوده دموعي فبعد ما خلص خلاص ما قدرت أجود دموعي اكثر ..
فجت لي وحده من البنات تهديني وجي وشوي ووقف الباص عشان نصلي ونشتري إذا بغينا من البراده قبل لا ننزل شافني زوج خالتي اصيح يقولي ليش تصيحين هالمواقف تصير عادي ..
صليت وركبت الباص ورجعت اصيح << ماكان فيه احد الباص بس خواتي لأنهم رجعوو الباص معاي >>
شافو امي وخالاتي وأزواجهم راجعين راحو قالوا لهم إني اصيح ..
قالي زوج خالتي وإنتي ليش تصيحين قلت له ما فيني شيء يقولي انسي عادي موقف وصار تقعدين تعورين راسج ؟؟ استانسي بالسفر ^_^
وسألوني خواتي شنو ابغي عشاء قلت لهم مابي شيء وأني بنام .. اشتروا لي معني ما ابغي والكل ركب الباص ومشى ..تغطيت عن يازعم بنام وكل ما أذكر الموقف تدمع عيوني ..
وبعدين البنات يقولون لي خلاص ((جنة الهدى)) ابتسمي مب حلوو عليج جي ولا يناسبج اصلاً تزعلين ..
وحاولت اني اكون عاديه وقدرت ارجع اسولف وأضحك لكن ولا طلعت الكاميرا من الشنطه ..
وبعد كل محطه تفتيش لما نخصلها تقول لنا المرأه
وقالت لنا صلوو على محمد وآل محمد << اللهم صلي على محمد وآل محمد وعجل فرجهم ياكريم >>
ثانيه << اللهم صلي على محمد وآل محمد وعجل فرجهم ياكريم >>
ولعنتين على السعوودي .. << جان كلهم يضحكون >>.. ((أهي قصدها السعودي الي غربلنا مب تاخذونها ع السعوديين كلهم )) ..
وظلينا جي ناخذ لنا غفوه ونرجع نسولف لين ما وصلنا سوريا ..
إنتظروني في الجزء الثاني ^_^