ابو زينب-علي
08-15-2009, 10:06 PM
سكتش " يوميات صائم "
** الشخصيات حسب ظهورها على المسرح :
1- أبو حسين – 2 – البائع – 3 – أم حسين – 4 – أبو علي – 5 – أبو حسن – 6 – حسين .
** الديكور : صالون أو غرفة جلوس فيها نافذة وباب.
أبو حسين نائم ، حيث يعلو صوت البائع من الخارج :
صفوف ، نمـّورة ، معمول قشطة ، قرّب يا بو العيلة شلك شيلة .... (يكررها ) .. يللا يا أخوان اوقفوا بالدور...
ينهض أبو حسين منزعجاً ويتجه صوب النافذة :
العمى بقـلبك عمى...شو ما بتقول إنـّو في غيرك بالحارة!!! وإنـّو في عالم نايمة!!! يللا افرقنا وروح بيع غير هون.
يجيب البائع :
طيـّب رايح .... بس شو رأيك بكيلو قطايف.
يغضب أبو حسين ويرميه بحذائه ثمّ يصيح :
قطايف !! واللـ.. أغبى منـّك مش شايف ، عارفني صايم وعم تحكي قدّامي بالأكل !
تدخل أمّ حسين مسرعة حاملة ضمـّة فجل ، لابسة الوزرة :
خير !! شوباك يازلمي طالع صوتك !!!
أبو حسين ( بانفعال) :
كيف بدّوش يطلع صوتي بهالحارة !... ولك عشر دقايق مش عارف نام... ساعة الولاد بيلعبو بالبيت ، وساعة الجيران بيعلقوا مع بعضون ، ساعة جارنا بعـلـّلي صوت الراديو ، ساعة البيـّاع بيوقف تحت شبـّاكنا وبيصير يصرخ بصوت عالي...... لا واللي بيقهرني فيه إنـّو بيقول يللا يا أخوان بالدور!! يعني اللي بيسمعوا بيفتكر الزباين مقتلة بعضها البعض .... أوووف...
أمّ حسين ( تحاول تهدأته) :
ولك ، طوّل بالك يا بو حسين ، مش بس أنت صايم بهالحارة...وما في غير صوتك طالع.
أبو حسين (يبدو منزعجاً) :
كيف مش عم يطلع صوتـُن وهنـّي اللي عم يعملوا الفوضى!!
أمّ حسين (باستغراب) :
طيـب هللأ شو المطلوب ؟؟!!
أبو حسين (بنبرة حادة) :
شو بعرّفـني...ضايق خلقي...ما بعرف ليش طوّل هاليوم...مش عارف يجي موعد الأفطار!!
أمّ حسين (تبتسم) :
طيـّب اتسلـّى بشي شغلة...افتح التلفيزيون أو الراديو..أو اقرالك بشي كتاب..
أبو حسين(يبتسم بسخرية) :
إذا فتحنا التلفزيون لنحضر شي برنامج حلو ، بحطـّوا : شو ناوية تطبخي اليوم – الصحن اليوم - الطبق الفاخر....والواحد فينا مش عارف كيف بدّوا ينسى أنـّو صايم.....
أمّ حسين ( تنفعل ) :
طيب ضرورة تحضر هيك برامج !!! احضرلك شي مسلسل...
أبو حسين ( بسخرية) :
ها...وحتى إذا حضرت شي مسلسل إلا ما يحطـّوا شي مشهد أكل...ولك حتى بمتـش الفوتبول بيقعد المذيع يقول : أعزّائي المشاهدين نحيـّكم من قناة الـART الرياضية ، ونبارك لكم حلول شهر رمضان المبارك.... وبس تنتهي المباراة بيعلـّق نتمنى لكم إفطارا ً شهيا ً....وحتى على جانب الملعب بيحطـّوا يافطات و آرمات داعايات للأكل ... فكيف الواحد ما بدّو يفكـّر بالأكل؟؟!!
أمّ حسين ( ببرودة ) :
طيب...شو حابب تاكول عالأفطار ؟! شو رأيك بجاط فتوش ، مع صحن بطاطا مقليـّة ، وصحن دجاج مسحـّب ؟؟!!!!
أبو حسين ( يـبلع بريقه ، ثمّ يصرخ بوجهها ) :
دجاج مسحـّب!!! اللـ.. يسحب لسانك سحب..العمى بقلبـِك عمى..شو جاية تحكي قدّامي عن الأكل.. روحي اعملي اللي بدك اياه..
تخرج أم حسين ، فيـُقرع الجرس في هذه الأثناء ، يفتح أبو حسين :
أهلا ً بالشباب... تفضـّلوا
يجلس الجميع فيرحـّب بهم أبو حسين :
هلا بالشباب... اتفضلوا ارتاحوا...( يجلسوا )....شو بتحبـّوا تشربوا شاي أو قهوة ؟
أبو علي ( يضحك ) :
شو ناسي أنـّّو نحنا بشهر رمضان!!
أبو حسين (يـبتسم ) :
الله يلعن ابليس ، كنت صايم....شو أخبار هالبلدة؟!
أبو علي :
ما سمعت الأخبار الجديدة ؟!!
أبو حسين ( باستغراب ) :
أية أخبار !!!
أبو حسن :
أخبار صاحبك عبدو..
أبو حسين ( باستغراب ) :
عبدو !!! شو باه ؟؟!!
أبو حسن :
غلق هوّي ومرتو وطلـّقها..
أبو حسين :
طلـّقها !! ياحرام مع أنـّو مرتو كتير مليحة !!
أبو علي ( بصوت خافت) :
اللـ.. يسامحك يا بو حسين وين في مرا مليحة!!
أبو حسين ( يضحك) :
على رأيك ...
أبو حسن :
شو رأيكم نتسلـّى بلعبة الأونو ؟؟
أبو علي :
واللـ.. فكرة حلوة هيك بنضيـّع الوقت وما بنحسّ بالصوم..
أبو حسين(يحضر الورق):
يللا تفضـّلوا
يلعبون قليلا ً فيصرخ أبو حسين :
معاش بدي ألعب .... بطـّلت ... (يرمي الوق ويقوم)
أبو علي ( بدهشة ) :
خير شو في ؟؟!!!
أبو حسين ( بعصبية ) :
ما شايف كيف أبو حسن عم بـيـزعبـِر !!
أبو حسن ( يحتدّ ):
وحياة صيامي ما زعبرت..
أبو حسين ( بعصبية ) :
مبلا زعبرت..
يدخل حسين لابسا ً زي المبرة الرياضي فيسلـّم :
السلام عليكم.
الجميع :
وعليكم السلام.
أبو حسن :
شو وين كاين ؟؟!! معقولة بعدك بالمدرسة لهللأ !!!
أبو حسين :
لا .... كان بالنادي المدرسي
أبو علي ( باستغراب )
النادي المدرسي !!!
حسين ( يـبتسم ) :
أيه ياعمـّو بالنادي المدرسي ...
أبو حسن :
عظيم شو بيعطوكم بهالنادي ؟؟؟
حسين :
النوادي المدرسية كتيرة منها النادي القرآني ، نادي إقرأ ، النادي الفنّي ، نادي البيئة ، النادي الرياضي ، نادي اللغات الأجنبية...
أبو حسين :
طيب يا حسين شو كان نشاطكم اليوم ؟
حسين :
نشاطنا اليوم كان ممير ولافت لأنو كان عن شهر رمضان...
أبو حسن :
عن شهر رمضان !!!..... متل شو ؟
حسين :
أنشطة ترفيهية من وحي شهر رمضان ، والدرس الديني كان عن مستحبات شهر رمضان...
أبو حسين ( بلهفة ) :
عال عال .. احكيلنا شوية عن هالدرس..
حسين :
على الرحب والسعة .... كان عنوان درسنا "كيف بتقضـّي وقتك بشهر الرحمة" يعني كيف بتستفيد من أوقات الفراغ ، وبتكسب أكبر عدد ممكن من الحسنات...فشهر رمضان بيجي مرّة وحدة بالسنة وهوّي هدية من اللـ... أو بالأحرى هوّي وعاء مملوء بالحسنات بقدرتنا ناخود منـّو قد ما بدنا...فحرام ما نستفيد من هالشهر..
أبو علي ( يهز رأسه ) :
واللـ.. معك حق ، بس كيف فينا نستفيد ؟!!
أبو حسن :
يعني كيف فينا نغرف الحسنات من هالوعاء ؟؟
حسين :
الأمر بسيط جدّا ً ، بنطبـّق القول اللي بيقول : إذا صمت فليصم لسانك وسمعك وبصرك وجميع جوارحك...فلصوم مش الامتناع عن الاكل والشرب بس.... ولكن يجب علينا عدم الغيبة ولا نتفوّه بالكلام البذيء ، ولا نكذب على اللـ..ورسولو وعدم النظر إلى ما حرّم اللـ..وصون الأذن عن سماع المحرمات ... وعلينا الاكثار من الأستغفار ، وصلة الارحام والتواجد بالمسجد يوميا ً عبر أداء صلاة الجماعة والحلقات القرآنية والأستماع لدعاء الافتـتاح وما ننسة إحياء مناسبات هالشهر كولادة الإمام الحسن(ع) ، واستشهاد الإمام علي(ع) و إحياء ليالي القدر المباركة وأخيرا ً المشاركة في مراسم يوم القدس العالمي ...
أبو حسين ( بفخر ) :
ما شاء اللـ.. عليك يا حسين ، واللـ.. يبارك فيك ، إنت طلعت أحسن من بيـّك اللي قعد بالبيت وعم يلعن الوقت حتى يجي موعد الأفطار ، ومن كلامك بنعرف إنـّو لازم ندعي اللـ.. عشان يطوّل هاليوم حتى نستفيد بأكبر عدد ممكن من الحسنات..
أبو علي( يهزرأسه ) :
للأسف ، روّحنا علينا هاليوم باللعب والكلام الفاضي..
أبو حسن ( يستنكر ) :
بسيطة ، بعد عنـّا أمور كتيرة فينا نعملها لليوم... مش هيك يا حسين ؟؟
حسين ( يوافق ) :
بالتأكيد ، خلـّونا نشارك بالحلقات القرآنية بالمسجد ، وبنصلـّي المغرب والعشا جماعة..
أبو علي( مقاطعا ً ) :
وبعد الأفطار بنحضر دعء الأفتتاح بالمسجد..
أبو حسن ( يعقــّب ) :
وبعد الدعا بنزور القرايب والأصدقاء..
أبو حسين :
يللا نروح عالجامع ( يحضن ولده ويخرجون جميعا ً )
انتهى
علي مروّة
** الشخصيات حسب ظهورها على المسرح :
1- أبو حسين – 2 – البائع – 3 – أم حسين – 4 – أبو علي – 5 – أبو حسن – 6 – حسين .
** الديكور : صالون أو غرفة جلوس فيها نافذة وباب.
أبو حسين نائم ، حيث يعلو صوت البائع من الخارج :
صفوف ، نمـّورة ، معمول قشطة ، قرّب يا بو العيلة شلك شيلة .... (يكررها ) .. يللا يا أخوان اوقفوا بالدور...
ينهض أبو حسين منزعجاً ويتجه صوب النافذة :
العمى بقـلبك عمى...شو ما بتقول إنـّو في غيرك بالحارة!!! وإنـّو في عالم نايمة!!! يللا افرقنا وروح بيع غير هون.
يجيب البائع :
طيـّب رايح .... بس شو رأيك بكيلو قطايف.
يغضب أبو حسين ويرميه بحذائه ثمّ يصيح :
قطايف !! واللـ.. أغبى منـّك مش شايف ، عارفني صايم وعم تحكي قدّامي بالأكل !
تدخل أمّ حسين مسرعة حاملة ضمـّة فجل ، لابسة الوزرة :
خير !! شوباك يازلمي طالع صوتك !!!
أبو حسين ( بانفعال) :
كيف بدّوش يطلع صوتي بهالحارة !... ولك عشر دقايق مش عارف نام... ساعة الولاد بيلعبو بالبيت ، وساعة الجيران بيعلقوا مع بعضون ، ساعة جارنا بعـلـّلي صوت الراديو ، ساعة البيـّاع بيوقف تحت شبـّاكنا وبيصير يصرخ بصوت عالي...... لا واللي بيقهرني فيه إنـّو بيقول يللا يا أخوان بالدور!! يعني اللي بيسمعوا بيفتكر الزباين مقتلة بعضها البعض .... أوووف...
أمّ حسين ( تحاول تهدأته) :
ولك ، طوّل بالك يا بو حسين ، مش بس أنت صايم بهالحارة...وما في غير صوتك طالع.
أبو حسين (يبدو منزعجاً) :
كيف مش عم يطلع صوتـُن وهنـّي اللي عم يعملوا الفوضى!!
أمّ حسين (باستغراب) :
طيـب هللأ شو المطلوب ؟؟!!
أبو حسين (بنبرة حادة) :
شو بعرّفـني...ضايق خلقي...ما بعرف ليش طوّل هاليوم...مش عارف يجي موعد الأفطار!!
أمّ حسين (تبتسم) :
طيـّب اتسلـّى بشي شغلة...افتح التلفيزيون أو الراديو..أو اقرالك بشي كتاب..
أبو حسين(يبتسم بسخرية) :
إذا فتحنا التلفزيون لنحضر شي برنامج حلو ، بحطـّوا : شو ناوية تطبخي اليوم – الصحن اليوم - الطبق الفاخر....والواحد فينا مش عارف كيف بدّوا ينسى أنـّو صايم.....
أمّ حسين ( تنفعل ) :
طيب ضرورة تحضر هيك برامج !!! احضرلك شي مسلسل...
أبو حسين ( بسخرية) :
ها...وحتى إذا حضرت شي مسلسل إلا ما يحطـّوا شي مشهد أكل...ولك حتى بمتـش الفوتبول بيقعد المذيع يقول : أعزّائي المشاهدين نحيـّكم من قناة الـART الرياضية ، ونبارك لكم حلول شهر رمضان المبارك.... وبس تنتهي المباراة بيعلـّق نتمنى لكم إفطارا ً شهيا ً....وحتى على جانب الملعب بيحطـّوا يافطات و آرمات داعايات للأكل ... فكيف الواحد ما بدّو يفكـّر بالأكل؟؟!!
أمّ حسين ( ببرودة ) :
طيب...شو حابب تاكول عالأفطار ؟! شو رأيك بجاط فتوش ، مع صحن بطاطا مقليـّة ، وصحن دجاج مسحـّب ؟؟!!!!
أبو حسين ( يـبلع بريقه ، ثمّ يصرخ بوجهها ) :
دجاج مسحـّب!!! اللـ.. يسحب لسانك سحب..العمى بقلبـِك عمى..شو جاية تحكي قدّامي عن الأكل.. روحي اعملي اللي بدك اياه..
تخرج أم حسين ، فيـُقرع الجرس في هذه الأثناء ، يفتح أبو حسين :
أهلا ً بالشباب... تفضـّلوا
يجلس الجميع فيرحـّب بهم أبو حسين :
هلا بالشباب... اتفضلوا ارتاحوا...( يجلسوا )....شو بتحبـّوا تشربوا شاي أو قهوة ؟
أبو علي ( يضحك ) :
شو ناسي أنـّّو نحنا بشهر رمضان!!
أبو حسين (يـبتسم ) :
الله يلعن ابليس ، كنت صايم....شو أخبار هالبلدة؟!
أبو علي :
ما سمعت الأخبار الجديدة ؟!!
أبو حسين ( باستغراب ) :
أية أخبار !!!
أبو حسن :
أخبار صاحبك عبدو..
أبو حسين ( باستغراب ) :
عبدو !!! شو باه ؟؟!!
أبو حسن :
غلق هوّي ومرتو وطلـّقها..
أبو حسين :
طلـّقها !! ياحرام مع أنـّو مرتو كتير مليحة !!
أبو علي ( بصوت خافت) :
اللـ.. يسامحك يا بو حسين وين في مرا مليحة!!
أبو حسين ( يضحك) :
على رأيك ...
أبو حسن :
شو رأيكم نتسلـّى بلعبة الأونو ؟؟
أبو علي :
واللـ.. فكرة حلوة هيك بنضيـّع الوقت وما بنحسّ بالصوم..
أبو حسين(يحضر الورق):
يللا تفضـّلوا
يلعبون قليلا ً فيصرخ أبو حسين :
معاش بدي ألعب .... بطـّلت ... (يرمي الوق ويقوم)
أبو علي ( بدهشة ) :
خير شو في ؟؟!!!
أبو حسين ( بعصبية ) :
ما شايف كيف أبو حسن عم بـيـزعبـِر !!
أبو حسن ( يحتدّ ):
وحياة صيامي ما زعبرت..
أبو حسين ( بعصبية ) :
مبلا زعبرت..
يدخل حسين لابسا ً زي المبرة الرياضي فيسلـّم :
السلام عليكم.
الجميع :
وعليكم السلام.
أبو حسن :
شو وين كاين ؟؟!! معقولة بعدك بالمدرسة لهللأ !!!
أبو حسين :
لا .... كان بالنادي المدرسي
أبو علي ( باستغراب )
النادي المدرسي !!!
حسين ( يـبتسم ) :
أيه ياعمـّو بالنادي المدرسي ...
أبو حسن :
عظيم شو بيعطوكم بهالنادي ؟؟؟
حسين :
النوادي المدرسية كتيرة منها النادي القرآني ، نادي إقرأ ، النادي الفنّي ، نادي البيئة ، النادي الرياضي ، نادي اللغات الأجنبية...
أبو حسين :
طيب يا حسين شو كان نشاطكم اليوم ؟
حسين :
نشاطنا اليوم كان ممير ولافت لأنو كان عن شهر رمضان...
أبو حسن :
عن شهر رمضان !!!..... متل شو ؟
حسين :
أنشطة ترفيهية من وحي شهر رمضان ، والدرس الديني كان عن مستحبات شهر رمضان...
أبو حسين ( بلهفة ) :
عال عال .. احكيلنا شوية عن هالدرس..
حسين :
على الرحب والسعة .... كان عنوان درسنا "كيف بتقضـّي وقتك بشهر الرحمة" يعني كيف بتستفيد من أوقات الفراغ ، وبتكسب أكبر عدد ممكن من الحسنات...فشهر رمضان بيجي مرّة وحدة بالسنة وهوّي هدية من اللـ... أو بالأحرى هوّي وعاء مملوء بالحسنات بقدرتنا ناخود منـّو قد ما بدنا...فحرام ما نستفيد من هالشهر..
أبو علي ( يهز رأسه ) :
واللـ.. معك حق ، بس كيف فينا نستفيد ؟!!
أبو حسن :
يعني كيف فينا نغرف الحسنات من هالوعاء ؟؟
حسين :
الأمر بسيط جدّا ً ، بنطبـّق القول اللي بيقول : إذا صمت فليصم لسانك وسمعك وبصرك وجميع جوارحك...فلصوم مش الامتناع عن الاكل والشرب بس.... ولكن يجب علينا عدم الغيبة ولا نتفوّه بالكلام البذيء ، ولا نكذب على اللـ..ورسولو وعدم النظر إلى ما حرّم اللـ..وصون الأذن عن سماع المحرمات ... وعلينا الاكثار من الأستغفار ، وصلة الارحام والتواجد بالمسجد يوميا ً عبر أداء صلاة الجماعة والحلقات القرآنية والأستماع لدعاء الافتـتاح وما ننسة إحياء مناسبات هالشهر كولادة الإمام الحسن(ع) ، واستشهاد الإمام علي(ع) و إحياء ليالي القدر المباركة وأخيرا ً المشاركة في مراسم يوم القدس العالمي ...
أبو حسين ( بفخر ) :
ما شاء اللـ.. عليك يا حسين ، واللـ.. يبارك فيك ، إنت طلعت أحسن من بيـّك اللي قعد بالبيت وعم يلعن الوقت حتى يجي موعد الأفطار ، ومن كلامك بنعرف إنـّو لازم ندعي اللـ.. عشان يطوّل هاليوم حتى نستفيد بأكبر عدد ممكن من الحسنات..
أبو علي( يهزرأسه ) :
للأسف ، روّحنا علينا هاليوم باللعب والكلام الفاضي..
أبو حسن ( يستنكر ) :
بسيطة ، بعد عنـّا أمور كتيرة فينا نعملها لليوم... مش هيك يا حسين ؟؟
حسين ( يوافق ) :
بالتأكيد ، خلـّونا نشارك بالحلقات القرآنية بالمسجد ، وبنصلـّي المغرب والعشا جماعة..
أبو علي( مقاطعا ً ) :
وبعد الأفطار بنحضر دعء الأفتتاح بالمسجد..
أبو حسن ( يعقــّب ) :
وبعد الدعا بنزور القرايب والأصدقاء..
أبو حسين :
يللا نروح عالجامع ( يحضن ولده ويخرجون جميعا ً )
انتهى
علي مروّة