المساعد الشخصي الرقمي

مشاهدة النسخة كاملة : أي الاطفال كنتِ أنتِ؟؟؟


كتكوته
08-21-2009, 09:11 PM
أي الاطفال كنتِ ؟؟؟

يختلف الاطفال في سلوكهم وتصرفاتهم ونفسيتهم ..
لذلك .. هناك نماذج مختلفه من الأطفال كنا في يوم من الأيام مثلهم ..
.................................................


الطفل العنيد
يطبق نظام البيت بالعكس .. يسوي اللي براسه ..


مايخاف من الأب أو الأم .. لو قلت له هذا خطر لاتقربه .. عناد فيك يسويه ..


يُــضرب كثيراً في طفولته .. ومع ذلك عنيد مايغير رايه ..
.............................. ..................
الطفل المادي


هذا الطفل مايرد السلام الا ( بفلوس ) ..


تعامله مع اهل المنزل .. مادي بحت ..


يستخدمونه لتوصيل طلبات المنزل .. ونقل السوالف.. وكل شي بحسابه ..
.............................. ...................
الطفل الفتّــان

تجد عند هذا النوع جميع اخبار المنزل ..


يجد المتعه في اذلال غيره بالفتنه عليه .. ماله خاتمه ..


هذا الطفل حتى لو شريت سكوته بفلوس ..


توقع تلقى اخبارك ثاني يوم في الصفحه الرئيسية .. في الجريدة الرسمية ..
.............................. .................... ...
الطفل الدلوع


هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..


تلبى رغباته قبل ليطلبها .. شخصيته اتكاليه جداً ..
.................................................. ......



الطفل العله


يزعجك بأسئلته الي ماتنتهي .. يستفسر من كل شي .. حتى لو عطست ..


قالك شلون عطست .. وليش عطست .. وشلون تكونت العطسه ..


يحرجك احياناً .. ويمكن دائماً بأسئلته .. مره تجاوب عليه ومره تسفهه ..


واكثر الاوقات ماتلقى اجابه لاسئلته .. لانك في الحقيقه تجهلها ..
..................................................


الطفل الداج

هذا الطفل مستحيل يجلس في المنزل ..


يعيش في الشارع اكثر من بيته .. خبره ودليل في كل ممر وطريق ..


يعرف طول الشارع بالسنتيمتر .. من الممكن ان يصبح اذا كبر مهندس طرق ..
.............................. ....................


الطفل الملسون


يستانسون اهله على سوالفه .. فصيح جداً ..


ويلقط العبارات والمفردات بسرعة مذهله ..


يسبب احراج دائم لأهله .. من الممكن ان يقول كلمة بالغلط للضيوف او الاقارب ..


يتميز احياناً بقلة الذووق والوقاحة اذا انفعل ..


لاينصح بأستفزازه ابداً ..


.................................................




الطفل اللزقه


تلقاه مسنتر عند باب البيت .. محد يطلع الا وهو لازق معاه ..


حتى الضيوف من الممكن تلقاه يلزق فيهم ويطلع معاهم ..


يـُـضرب كثيراً .. وخاصه من اخوانه اللي اكبر منه .. او خواته ..


لانه عباره عن رادار على طلعاتهم ..


احياناً يضطرون يطلعون من نافذة المنزل للهروب منه ..


ولكن للأسف يجدونه بانتظارهم في السيارة ..ويسألهم ليش تأخرتوا عليّ ..
.............................. ....................


الطفل الهادي

هذا الطفل ماله صوت ابد .. وين ماتحطه تلقاه ..


احياناً يهملونه اهله .. لانهم ناسينه ..


واحياناً يلقى اهتمام زائد من اهله ..


لو يموت من الجوع ماتكلم ..


في كثير من الاحيان تلقى اهله ناسينه بالسوق او عند الاقارب اثناء الزيارات


:015: كتكوته

اميرة الشوق
08-22-2009, 01:18 AM
مشكوووووور والله يعطيك الف عافيه

حفيدة الرسول الأعظم
08-22-2009, 05:21 AM
بِسْمِ اللّهِ الرَّحْمـَنِ الرَّحِيمِ
اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُمْ وسَهِّلْ مَخْرَجَهُمْ والعَنْ أعدائهم


موضوع كيووت مررة

أنا كنت الطفل الشقي جداً

و يدخل أيضا ً الطفل العنيد

انتي كتكوتة أي طفل كنتِ ؟؟

موفقة

الورده المحمديه
08-22-2009, 08:38 PM
يسلمووووووووووووو ع الموضوع المفيد
ههههه انا وعوذ من كلمة انا كثر في
الشارع يعطيش العافيه

نجمة الحياة
08-22-2009, 09:31 PM
انا الطفلة الهادية مشكورة

كتكوته
08-22-2009, 09:33 PM
يسلموووووووووووو ,,, على المرور
احب اقول لاختي... حفيدة الرسول ......
اني كنت من الاطفال الدلوعين ,,,, بس هذا مايعني اني مغروره خلاص

كبيرنا ...هههههههههههه

حفيدة الرسول الأعظم
08-23-2009, 01:08 AM
بِسْمِ اللّهِ الرَّحْمـَنِ الرَّحِيمِ
اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُمْ وسَهِّلْ مَخْرَجَهُمْ والعَنْ أعدائهم

ياحلو الأطفال بكل الأوقات
حتى شقاوتهم المزعجة حلوة

كتكوته
08-23-2009, 09:28 PM
مشكوووووور والله يعطيك الف عافيه

It's me
08-24-2009, 08:50 AM
مشكورة اختي

سمآ
08-24-2009, 02:28 PM
الطفل الدلوع


هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..


تلبى رغباته قبل ليطلبها .. شخصيته اتكاليه جداً ..


ـآلمـآإمـآإ تقـول ـآنه من هذا ـآلنـوع ^_^
شكــراً لك على المـوزع ـآلرآئع

لجين مهدي
08-24-2009, 09:19 PM
http://www.jannatalhusain.info/2009//uploads/images/JannatAlhusain-1f773dad47.gif (http://www.jannatalhusain.info/2009//uploads/images/JannatAlhusain-1f773dad47.gif)