قصيدة لعيد الغدير (حيدر الكرار نهجه نتبعة

[عاشق ابو الفضل العباس]

حيدر الكرار نهج نتبعه بالغدير اليوم جينة نبايعه
نبايعك حيدر علي نبايعك نعمه الولي
.................................................. ........
أنبايعك حيدر علي رغم الأنوف شما تمر بينه المصاعب والظروف
ولو تجرعنه الم كاس الحتوف يبقى حبك ساكن بروحي يطـــــوف
ما نزل عنك ابد لا ما نزل يا والي الله يا خير العمل
رغم كلمن ناصبي نبايعك حيدر علي
.................................................. ..........
هذا أمر الله نزل بيك الأمير انته والي يا علي حتمن تصـــير
أنت نبعك صافي وطيب ضمير وكلمن أيعاديك صدكنــــي يحير
كلمن أيعاديك عاداه الجليل انته ياكرار يانعم الخليل
يبقى حتمن مبتلي نبايعك حيدر علي
.................................................. ......
بالغدير هناك نادها الرسول شال جف المعرفة وعلم الأصول
هذا حيدر والي للأمة يكول كلمن أيحبني يحب زوج البتــول
بلغ المختار ما بين الحشود رغم كل حاسد اله وكلمن حقود
نتبع نهج النبي نبايعك حيدر علي
.................................................. .
إنا شيعي وأبقى شيعي وافتخر انأ عندي حب علي كنز وذخر
ذاخرة الكل الشدايد و الحشر وانته كلي باجر شلون المفر
ونت كلي بالقيامة منهو ألك ما ينفعك مال صدكني وهالك
بنار ربه يصطلي نبايعك حيدر علي
........................................
خل يموت بحقدة كلمن باغظك نبقى جيل الجيل نبقى أنبايعك
ونته تسأل بالطفل من علمك حب علي الكرار انته وفهمك
هذا من أمي وبوي الفاهمة فرض حب حيدر علينه من السمة
فدوه له روحي وهلي نبايعك حيدر علي :Smiles (17):

[حفيدة البتول]

ابيــــات رائعـه في حب الامـام علي عليه السلام
جعلك الله من السائرين على نهجه الى يوم الدين

وكـــل عـــام وانت بخير وجزاء الله خير الجــــــزاء

ننتظــر منــك المزيـد من العطـــــــاء

[بنت الكويت]

ما شاء الله أبدعت أخوي

تسلم ايدك ع الكلمات الحلوة