الله يخليكم ساعدوني

[أم حسن 23]

انا إمرأة من الكويت عمري 25 سنه لدى ولد واحد
ادش بالموضوع
اول ما خلصت من فنرة النفاس وانا كله مضايقه ومخنوقه وزادت العصبية وما ادري من شنو؟؟
جريب من المغرب جذي يصير فيني ما اقدر انا يس ابجي لمن انام والحمدلله عمري ما ترك صلاتي ولا قرآني وادعيتي دايماً اقول لا اله الا الله والحمدلله على كل حال
رحت لأمرأة عجوزه قالت لي عطيني قطعه من ملابسج عشان تبيته تحت راسها
وثاني يوم قالت لي انتي يبيلج ملاه قوي او واحد يفتح بالقرآن يقولج انتي شنو فيج
وانا المشكله ما اعرف احد
ساعدوني والله ما راح انساكم بالدعاء
والله لا يبلي احد مثل الي قاعد يصير فيني لان شي ما يتجمل طبعا صالي 5 اشهر

[أم حسن 23]

اذا ما تعرفون احد بس ابي منكم الدعاء ان الله يشفيني
ما ادري شنو هالشي هل اهو مرض او عين او سحر والله ما ادري شنو بس ادعولي

[$فروحـهـ$]

لا حول ولا قوة الا بالله

والله بحاول قد ما اقدر اساعدج خيه

اذا حصلت رقم اطرشلج اياه رسالة خاصة ان شاء الله

الله يشفيج بحق مريض كربلاء

مع تحياتي ،،،

[الغروب الاخير}{...]

الله يساعدج ويصبرج ويشفيج لاتخافين الفرج قريب بذن الله انتي أهم شي لاتتركين الصلاة و القران
والله يكون بالعون

[أم حسن 23]

الله يخليج حبيبتي ويبرد على قلبج

[واحد ملثم]

اذا انتي من البحرين فيه بورري واااااحد نسيت اسمه بس اساليهم العلاج النفس بارونش اياه

وفيه شيخ من سترة يعرف وش فيش يسمونه ستراوي

وفيه مراة يسمونها الحجيه من كرانه

تودين ليهم فانيله يقولون لش ويش فيش
اسالي عنهم وجوفي
وانا امي العوده اتدرع من كرزكان سمها ام علوي اسالي عنهاا وجوفي

[$فروحـهـ$]

بسم الله الرحمن الرحيم

السلام عليكم ورحمة الله وبركاته

خيه امي تقولج ان اللي فيج هو مرض ( الاكتئاب بعد الولادة ) ولا تحاتين انتي مو الوحيدة اللي تعاني منه في غيرج واااااايد حريم

اللي عليج هو انج تحافظين على قراءة القرآن و روحي لدكتور نفسي

لان هذا المرض نفسي يحتاج علاج طبيب نفساني مو اي واحد

مع تحياتي ،،،

[أم حسن 23]

الاكتئاب تحسين فيه بس انا الي فيني شي ما ينوصف والله تعبانه بمووووووت يا ناس والمشكله ما في احد بالكويت يفتح القرآن ويقولي شنو فيني
ساعدوني والله العظيم تعبانه

[أم حسن 23]

الله يخليكم لا تنسوني

[$فروحـهـ$]

الاكتئاب تحسين فيه بس انا الي فيني شي ما ينوصف والله تعبانه بمووووووت يا ناس والمشكله ما في احد بالكويت يفتح القرآن ويقولي شنو فيني
ساعدوني والله العظيم تعبانه



نصيحتي انج تراجعين طبيب نفسي ، و انتي واللي يريحج خيتي

مع تحياتي ،،،

[أم حسن 23]

مشكورين ما تقصرون

[أم حسن 23]

ان الله مع الصابرين

[أم حسن 23]

لا اله الا الله

[بحر وفاء العباس]

ربي يكون في عونش ..
فرج الله كربك ِ و همك ِ ..
اقرأي أدعية لرفع الهم و الغم و الآيات التي ترفع البلاء ..
توسلي بالمعصومين الإثنى عشر ..
و بما يكون إكتئاب ما بعد الولادة ..
و ان شااء الله كل خير بوجهك ِ ..