المساعد الشخصي الرقمي

مشاهدة النسخة كاملة : قصيدتي بعنوان (الحقيقه والمصير)


سفير الولايه
05-14-2010, 09:07 PM
خل نفتح باب الشعر لحسين نطرقه بشموخ وكول يتقيم
ونكتبله بحجينه الدارج ابمعناها بلكت تكعد الجلمات تتعلم
ابو الاكبر بحر ماينوصف بكتاب ولانكدر نخلصه بملحمه ونفهم
اذا عجاز النبي الصار بالقرآن ابو السجاد معجزته اصبحت بالدم
الثوره ابتدت من كطعوا الشريان وسال بكربله البرهان وتوسم
تشابج وي تراب الغاضريه وصار جالسان الشعر كاليوم يتكلم
تعجل من رفع راسه الرمح ليفوك تجبر بالسياده وراد يتشيم
اثارية الرمح اصبح عرش بالقيس وحسين الملك وشايله توهم
مواطن من كطعه ,ثارة قضية هنا كل دار ومدينه الزاره اتكلم
اعرج جالنبي يتلفظ القرآن وجند كل شعور وياها يتحزم
شعل مصباح مايكطع ضياءه بيوم جالماي الاله الوجده بزمزم
نهج احسين ديمومة جمع جارقام شما مر الطرح بحسابه هم يلتم
صنع بيده البدايه وخطط الميثاق وعلن ثورة نضال مأرخه بكل فم
اخذ عبره ودرس يالماشي زاير ليه واخذا ايظن هواجز منه وتعلم



نسألكم الدعاء