جريمة سويتها وانت صغير !

[m!sS ToOoTa]

الموضوع مثل ماانتوا شايفين

جريمه سويتها وانت صغير

لا احد يقول ماسويت شي وخصوصاً أنتوا يالشباب
عارف أن حياتكم كلها جرايم >>

فتعال هنا واكتب لنا وش الجريمه اللي سويتها وانت صغير

تهاوشت مع ولد جيرانكم
طقيته
سرقت عيديته
نتفت شعر أختك
فلعت راس أخوك بالكاس
المهم اي نوع من الجرايم أنتوا فاهمين قصدي طبعاً


دعوه مني لجميع الأعضاء والمشرفين والإداره للمشاركه في هذه الجرائم

واللي مش كاتب جريمته أنه بفضحه خخخخخخخخخخ

يمكن اللي تهاوشت معه يكون عضو هنا ويسامحك عاللي سويته

يلا بسرعه تعالوا
خلونا نشوف مين أكبر مجرم في المنتدى

أبغى حماس

[أبو حيدر]

بسم الله الرحمن الرحيم

ههههههههه بالصراحه يوم أنا صغير مجرم بجد...

ما ظل شي بالكون وما عملته أمشي وأحرق كلشي قدامي سيكل , نخله , كوارتين, أحب النار والحرايق:smoking: وحتى الجقارة شربت وأنا في الصف الثاني :chris: ..., لا وأن طاف صوبي هندي ...راح فيها المسكين من تظل سبه ولا حجر إلا على راسه :worried2:...

واللي أكثر من جدي السهر ويه الشباب في المزارع...هههههه ..., أتذكر أيام الغزو للكويت كان عندنا أحنا الشباب سراديب تحت الأرض ما أدري نفكر نفسنا بنعيش إذا ضربنا الكيماوي :birgits_giggle:...

ما أبي أطول عليكم بس يوم أنا صغير ((عبسي)) أو أكثر واذا في واحد من الربع أهني أتمنى يشهد على كلامي...

الحمد لله كبرنا وعقلنا :wub: لكن للحين فينه شويه شطانه ولكل عمر خصوصياته وظروفه...

تسلمي خيوه على الموضوع بالصراحه عجبني ولو ما كنت مستعيل كتبت هني 20 صفحه لأن الماضي وااااااااايد حلوووو وخصوصاً أيام الطفوله...

[ع ـبق ذكرى.!]

أنا أول الشاهدين على شطانتك يا ابو حيدر ..

،،

ليّ عودة لكتابة شطانتيّ ..! وجريمتي ..

[نبراس الحياة]

مس توتا لا تقولي جريمة وحدة الا قولي جرايم ..

صحيح ما كنت شيطووونة واني صغير بس كنت كلا اكلها مقالب..

واحد منهم وعمري 3 سنوات دخلت اني وبت عمي في الفرن من البهامه..
والسالفة ان جدتي كانت تطبخ الغدا واحنا رايحين المطبخ الا هي فتحت الفرن والحمد الله ان ماكان داخلة شي هي فتحت باب الفرن اني وبت عمي قعدنا عليه<<<فاكرينة كرسي او كنبه..
كلها لحزات بس ما لقينا حالنا الا واحنا داخل الفرن والله نجانا ان الغدا كان صالونه((مرق)) وان ما انجبت علينا..
عمي سمع صوتنا جا وطلعني وبنت عمي المسكينة يدورها ما لقوها تغصغصت داخل الفرن ما طلعت الا بطلعه الروح وطبعا كل وحدة ركبت الى امها وهي تصيح احترقنا احترقنا..

كاني طولت عليكم السالفة..
الىى رجعه ثانيه بمقلب ثاني..

مشكووورة غناتو مس ع الموضوع الارجع دكريات الماضي..

[m!sS ToOoTa]

ابو حيدر
عبق ذكرى
نبراس الحياة
مشكورين على الرد الجميل وجرائم الي سويتونها ضحك هههههههه
يسلمو غناتي

[ع ـبق ذكرى.!]

يوم انا جهالة وأيام النكبة والوصخ ،،

من الصبح أطلع اداور في الفريق ، مو بنية صبيّ ،، وتالي نروح نلعب في الرمل ، نخلط وياه ماي وايّ شي ما نبيه ،،

وقبل في اسكريم شكله كاس مثلثي ( للحين يبيعون) عموماً نقعد ونحطّ الخلطة العجيبة داخله ،،

ولوّع الله جبدّ بعضاَ من الناس تشرب بس اشوووي منّه ;)



،

[شيعي وافتخر]

ان بالنسبة ليي مو جرايم واجد

بقت قطاوة صغار عن امهم اقتل اقطاوة اشيل شواربهم الي احسون بهم الخ...

فلعت بيض على بيت واحد هم واجد جرايم بس ذكرت بعضهم




بس اخوي اكبر مجرم بجد مو عن جدب قلع منقار متوة يوم هو صغير وهذي السالفة قالها لي عمي

وقتل سمك الزينة اواواو .... ما تخلص مشاكله


بس مرة هو وربعه حرقو وزار هندي وهو عليه بس اف ركضو ركيض طار وراهم


والف شكر اختي على الموضوع

[الحسين عطاء يتجدد]

خخخخخخخخ
مجرمين، أبو حيدر الهنود مساكين روح اتعلف
في باكستاني له،

أختي نبراس
خخخخخخخخ كبري الخط شوي خيو انعمينا
في الفرن عاد هههه

أختي ع ـبق ما أدري مين إلي يشرب؟؟

لكن بقول شي أنا أنتظر الكل يعلق لإني سويت شي
ما أعتقد سويتونا بلوة صراحة.

[ع ـبق ذكرى.!]

هه اني وتوتة شربناه ..ههه:blushing:



الله يسلمكم من تحولنا ببيتنا الجديد وانا كلّه نافخه وجهي ما ادري على شنو ،، عموماً ..
كنت أكبر وحده في البنات فكانت السلطة في ايدي ..!
مرة من المرات عملنا لينا عشّة ورى بيت وحده منّا ..
وكنّا نشترك بالاكل وجذي ،
المهم كلّ وحده راحت باقت الليف (الي يغسلون ابّه المواعين) و الجباريت .. << ورثة أبو حيدر ،،

ويلا يا بنات ،،
سمعت يحطون في الليف نار ويداورون ابه ويطلع العاب ناريّة
وكل وحده يو صدق الاي ..
وصدق جربنه وكان فنّ ،،
والحليو انّه ردينا رحنا بقنا من بيوتنا ،،
لكن للأسفّ صادنا جارنا ،، وجهّ وصرخ علينا وقال انتون مو بنات وانا الحين رايح لأبوهتكم ..

وكنّا خايفين مرة ان يفتّن علينا ..

لكن الحمدلله هو ما يعرفنا ..
ونجينا

[الحسين عطاء يتجدد]

بل شيعي وافتخر قتل قطاوة
أنا ما قتلت سنانير بس سويت
شي ليهم اممم قلت أنا مجرم
طلعوا ناس سفاحين سنانير هني

wanted

أنا بقول ليكم قضية سويتها
وأنتون أحكموا.

مرة طالع ويا ولد خالتي من بيت
جدتي في المنامة عاد في ناس
كل مرة ما ينتهون من شي يفلتونه صوب
الحاوية طلعنا وإلا نشوف مرقد
مفلوت وسنور منسدح عليه ومريح
على غفلة رحنا حاوطناه كان المرقد
مسند على الطوف قام السنور الغبي
راح تحته وأنا جيت وأنط على المرقد
وأشاقح ما أسمع إلا السنور يطلع
أصوات وأنا قمت ما أشوف إلا السنور
طافر ووجه نوع إلا مسحوك يقول لي
ولد خالت دست في وجه مسكين
لكن تندمت ومن داك اليوم ما أضرب
قطاوة أخاف على عمري يطلع في واحد
منهم جني ويدخل فيني.

[نبراس الحياة]

هههههههههههه والله انكم خووش مجرمييين..

كل قصة اضحك من الثانيه..

وسوري اخوي ادا الخط كان صغير بالغلط طلع..


جريمتي الثانيه هم ويا بت عمي<<<ثنائي الجرايم:cool314::cool314:

كان رجال جايي الى عمي في مجلس بيت جدتي قومو انتون يالبنات وسو نفسك عضلات ونروح الى صندوق البيبسي وكل وحدة شالت لها خمس اغراش من الصندوق واحنا بعمر 3 سنوات<<<يعني حاملين وزن اثقل منا..:O_o3:
مامدانا نعدي مترين بس الا الاغراش تطيح من ايادينا والقزاز في كل محل والاصابه العضممة كانت فيي:O_o3::O_o3:
بت عمي انجرح صبع رجولها بس
بس المسكينة اني دخل القزاز برجولي اليسار وودوني حزتها المستشفى وخيطوني وما ضنتي اان ظل احد بالفريق ما سمع صراخي لان طلعت روحي واني اصرخ وما ضلت ضربة ما جت عمي المسكين<<<<وداها المستشفى وابتلش الرجال...:biglaugh::biglaugh:
وللحين اثر الخياط في رجلي واضح من فووووق..

سوري ع اللهجة العاميه القح<<<ادا فيكم احد ما فهم ايي كلمة يسالني بس..:biglaugh:

(( ابو حيدر كم كان عمرك بالغزو عشان كان عندكم سراديب بالارض<<ماظنتي كنت اكبر من 6 سنين)):eek::eek:

[ع ـبق ذكرى.!]

ههههههههههههههه ،،،

مساكين هالسنانير .،

الا يبوقهم والا يناطط على السنانير ..ههه / بس لا يدخل فيك جنّي يا ولد العلوي هاها

انا أحسن منكم ،،

[ كنتْ افتح في بيتنا جمعيه الرفق بالسنانير ، اربيّ قطاوة الشارع .. تالي فلتّهم أخوي لأنه ما يرضى :( ]


،،

خيّو ،،
الله يغربل بليساتكم ،،هه شرشبيلات ..

[شيعي وافتخر]

ههههههههههههههههههههههههههههه


ويش اسوي بعد لكن تبت الحين

[أبو حيدر]

أممممممم وأنا أقول السنانير ليش منقرضين عندنا....

ما قصرتوا فيهم والله...

[m!sS ToOoTa]

ههههههههههههههههه
مواقفكم واجد حلووووووووووة
يسلمو اخواني واخواتي على الجرائم
نتظر جديدكم
اما اني وما عبق ذكرى من صغرنا كل مع بعض بعدين هم راحوا بيتهم الجديد وضاعت الذكريات الجميله

[سماء الوجد]

مرحبــــــــــــــــــــــــــــا
شخباااااااااااركم يالمجرمين

أما اني تفوقت على الجميع
من أول أمس وأني أفكر شنو الموقف اللي أحطه لكم
وأرجع أقول لا فشلة بقولون هذي شاقة الأرض وطالعة

بس بقول لكم موقف واحد ويمكن أكتب لكم مواقف اخرى في المرات الجاية

أيام لمعلم (أظن الكل يعرف شنو المقصود بالمعلم = مكان اللي نروح نتعلم قران)
كانت معلمتي الله يذكرها بالخير تخلينا نشتغل وياها
وأني كل يوم تقول لي روحي ودي ماي للغنم خخخخخ
آخذ سطل الماي وأحطه عند باب حضيرة الغنم واشرد
لين اكتشفتني وقالت لي نظفي عند الباب ((خمي))
أخذ المخمة وأرميها على باب البيت وأشرد
واخر شي عصبت علي وقالت لي أنتي شيطانة
عاد مرة من المرات كنا نلعب سكونة أو البعض يسميها سكينه
على باب بيتهم وأحنا ننتظر باقي المجموعة يطلعون
جات بنتهم اللي قدنا تبي تلعب معانا قلت لها اليوم لو شيصير ما تلعبين بس احنا ننظف ونتعب وانتو مقعدين مرتاحين وأخر شي تبون تلعبون بعد روحي لأمش
قالت عجل تباعدوا عن بيتنا << جنت على نفسها بهالكلمة بعد تطردنا !!!
ضربتها ضرب لين قالت تووووووووووبة وقلت ليها بعد لا تقولين بتلعبين وتيسري الى امش


المجرمة
سماء الوجد

[أبو حيدر]

ههههههههه...

الله يغربل أبليسج سماء الوجد...

موتيني من الضحك...

[m!sS ToOoTa]

ههههههههههههههههههههه
سلمت اناملك اختي
الله يغربل ابليسك ذبحتين البنت ما يسوى عليها ههههه

[سماء الوجد]

مرحبــــــــــــــــــــا

ههههههههههههههههههههه

وما خفي كان أعظم

سماء الوجد

[فدائية عباسية]

هههههههههههههههههه
موضوع جد روعة
جرايمي وايد وايد

ساعات أنا و أختي الصغيرة نتهاوش
نضرب بعض و اختي ما توقف عن
ضربي جان أعزم إني أبجيها
ما في ضربه ما ضربتها لمن بجت

.................................................. ..


أنا و أخوي و إحنا يهال كنت أضربه
هو أكبر مني بس كان مسكين
ما يضرب بعدين قلت لازم أخلي مجرم
و بس صار مجرم

معلومة: محد يقدر يبجينة

[فدائية عباسية]

اعوذ بالله من الشيطان الرجيم
انا اجرم وحدة بعايلتنا
خليت بعض الناس مجرمين

عندي وايد أشياء مجرمة
ما عندي وقت للاسف إني اذكرها

[عاسقة رقية]

اما اني واختي يوم كنه في المدرسة كنت اني دائما اتهاوش مع بنت في الفصل والبنت مسوي شى ولا بسالجي الفسحة اروح الى اختي واشتكي على البنت واساس البنت ماهي مسويه شى بس ابي اختي تضربها بس احين انا ندمانه واجد

[shahad2010a]

سلام
سويت جريمه عظيمه من جنت صغيره انا واخويه كتله خلي نشمر على جارنا حجاره طلع الرجال ابو البيت (جارنا)قال لابي اطفالك رموا الحجاره انا شردت و اخويه كتله ابويه و صار يبجي و ابويه دور عليه لبدت ورى البيت هههههههههههههههههههه
انا بصراحه حجيت باللهجه العراقيه اتمنى افتهمتوا............

[الحوزويه]

والله الجر ائم وايد بس انا ما كنت اجرم وايد لاني وايد هادئه يعني اسوي جرائم بهدوء

بس اتذكر يوم كنت صغيره اخوي الاكبر مني كان حاقد على جارنه لان ما كان يخلينه نلعب كله يقول دوختوني

فاقررنا انا واخوي ان ننتقم منه جيبنا من المطبخ معجون طماطم من دون لا تعرف امي ورحنا فوق السطح

و صبينا المعجون فوق الملابس جارنه وكانوا كلهم ملابس بيضة وتدرون المعجون ما يروح من الملابس

واكيد جارنه اول ما وجه اتهماته لنا وقال حق اهلي انا ادري عيالكم حاقدين علي ويسون فيني جرائم

اكيد اخوي اخذ كف معتبر وبما اني بنت وابوي ما يضرب بنات ابدا اخذتلي كلمتين من امي
هذه وحده من جرائمي مع اخوي الطويله

شكرا على الموضوع تسلمين
عيل وين جرايمك ما قلتي لنا

[فاطمة ام ابيها]

السلاام عليكم

آنآآ مجرمهـ حدي
يوم عمري 3
عندي صندوق فووشي احط فيه اي شي يعجبني وكاان بعد فيه صندوووق كبيييييييييير قمت دخلت داخله وامي تناادي زينب زينب ماكوو رد ورااحوو واتصلوو بالشرطه و تالي راحت امي قعدت يم الصندوق في الغرفه وهي تصيح وسمعت صوت شي نفس احد يبطل الحلاوه وكان الصندووق الفووشي كله حلاوه واكلته نصه خخ وهناااااك يدوروني ونمت داخل الصندوق اشووه فيه فتح يدخل لي اكسجين خخ وشي يتحرك وامي صرخت و بطل ابي الصندوق وطلعت اقوول (بابا هبيبي اني دحلت داحل الثندوق لانه الثنور تلعب الثيده وياي )الترجمه
((بابا حبيبي اني دخلت داخل الصندوق لانه السنور تلعب الصيده وياي ))
يوم عمري 4
يوم كنت بالحضانه كاان في ياااهل قلت ببوسه وقمت وعضيته بخدهـ
يوم عمري 5
يوم كنت صغيره في بيت ابوي العود قطوو وكاان ناايم قمت و نطيت على ذيله <مسكين

يوم عمري 7
كنت اول يوم بالمدرسة حملت مكياج ماما و مشط و قلت لبنت بخليج عروووس وحطيت ليها مكياج اشبااح وتالي سويت شعرها جريته خخ وصرخت وصااحت

[$فروحـهـ$]

السلاام عليكم

آنآآ مجرمهـ حدي
يوم عمري 3
عندي صندوق فووشي احط فيه اي شي يعجبني وكاان بعد فيه صندوووق كبيييييييييير قمت دخلت داخله وامي تناادي زينب زينب ماكوو رد ورااحوو واتصلوو بالشرطه و تالي راحت امي قعدت يم الصندوق في الغرفه وهي تصيح وسمعت صوت شي نفس احد يبطل الحلاوه وكان الصندووق الفووشي كله حلاوه واكلته نصه خخ وهناااااك يدوروني ونمت داخل الصندوق اشووه فيه فتح يدخل لي اكسجين خخ وشي يتحرك وامي صرخت و بطل ابي الصندوق وطلعت اقوول (بابا هبيبي اني دحلت داحل الثندوق لانه الثنور تلعب الثيده وياي )الترجمه
((بابا حبيبي اني دخلت داخل الصندوق لانه السنور تلعب الصيده وياي ))
يوم عمري 4
يوم كنت بالحضانه كاان في ياااهل قلت ببوسه وقمت وعضيته بخدهـ
يوم عمري 5
يوم كنت صغيره في بيت ابوي العود قطوو وكاان ناايم قمت و نطيت على ذيله <مسكين

يوم عمري 7
كنت اول يوم بالمدرسة حملت مكياج ماما و مشط و قلت لبنت بخليج عروووس وحطيت ليها مكياج اشبااح وتالي سويت شعرها جريته خخ وصرخت وصااحت


هههههههههههههه أهنيج

برافو كفو والله :015:

و كلكم بعد و خاصة ابو حيدر

عفية عليك حيلك بهالهنود و الباكستانيين ... كاااك

و ربي كلكم جرايمكم تحف خطيييييييييرة كلكم

انا ادورلي جريمة حلوة من ماضيي الأليم >> الجميل << و أقولكم

مع تحياتي ،،،

[زينب مولآتي فخري وحيآتي]

اني عندي جرايم ههههههههههههههع بقول بواحد منهم ....مره بالروضه الأبله تخلي كل يوم واحد ينظف الصف قبل لا نرجع عالبيت
طبعا جا دوري اني اقوم وانظف اخت المخمه ولست انظف ههه جى صبي وكلما نظفت رمى الوسخ على الأرض اخذت المخمه وطحت فيه طيح من الضرب على جبهته ليما صارت بنفسجيه ونتفخت هههههههه
.........................
تحياتي لكم.,,,,,,,,,,,,,,,,