ايام الخطوبة

[أمواج البحر]

شخباركم يا أخواني وخواتي انشاء الله بخير
حبيت اطرح سؤال واشوف وجة نظركم فية
إاذاكانت ايام الخطوبة مافيها روحات على مطاعم ولا كفيهات إلا نادره او قليلة جدا هل معناها انه الخطيب مقصر مع البنت هل تعرف اطباع الزوج من أيام الخطوبة؟ أرجو منكم إفادتي بردودكم

....سلام

[سعودي شرقاوي]

اتوقع يعتمد على موافقة الاهل والفتاة ويمكن خجل الزوج ههههه ولو ان الحين هالايام مافيه خجل ههههه

[القلب نادى]

الخطوبة هذي فترة مخصصة عشان التعارف والتقارب بين الخطيبين .. وحلاة فترة الخطوبة يكون فيها الطلعات والزيارات اللي تقربهم من بعض .. خوب اذا تزوجوا بعدين وجابوا اولاد مابصير عندهم وقت مثل قبل ..

وطباع الزوج الوحده ماتعرفها زين الا بعد العشرة الطويلة .. اما هالكم شهر اللي هي فترة الخطوبة اعتقد انها موكافيه انش تعرفين طبع زوجش عدل ..

اني اقول استغلي فترة الخطوبة في الطلعات والكشتات عشان تصير ليش ذكرى ,, اذا مااستانستين اللحين متى عجل ..

[أمواج البحر]

مشكورين على الاراء الحلوه اخوي شرقاوي اشكر ك على الرد وصحيح على قولتك مافي خجل الأيام ذي
بس هل ممكن تكون ظروف ماديه بحكم فترة الزواج قريبه وفي مصاريف زواج وسفر
ومشكورة خيتي القلب نادى على رايج الله يعطيكم العافيه اتمنى مزيد من الردود من الاخوان والاخوات

[سعيده]

على حسب الزوج مسكين وضروفه

بعضهم يضغط على روحه عشان يتزوج بدري وبعضهم يروح ويفسففس افلوسه ولايهتم بالعرس
تسال العروسه واهلها متى الزواج يقول ماادري على حسب الضروف وهو يفسفس ولاهامه اهم شي يستانس

وجه نضري يمسك نفسه ويعرس بدري احسن من يفسفس وينتضر تفرج هههههههه ويقعد خاطب سنتين او اكثر

[جدي الحسين11]

السلام عليكم

شوفي اختي الظروف المادية تلعب دوووور كبييير في فترة الخطوبه

ومش شرط تطلعوون وتصرفون ذااك المبلغ!!!! لأ طبعاا

يعني طلعه خفبفه للتعارف فقط يعني مثلا تشترون شي بارد تشربونه وتسولفون عن حياتكم المستقبلية

واكييييد هذا مايدل انه مقصر أبد

وانا انصحك من ألحين خلي اشوي صراحه بينكم يعني عادي اذا قال بأسلوب محترم انه متضايق هالفترة وانتي تردين عليه ماعليه فترة وتعدي بكرا تصير هالايام ذكرى مافي احلى منها

ومافيها شي اذا كل شهر مثلا تقضون شي حق تجهيز الزواج

والله بوفقك

سلام

[شوق عيوني]

اللهم صل على محمد وعلى آله وصحبه أجمعين

احلى مافى الخطوبة الطلعات
بس اذا الرجال مايحب يطلع واجد الله يعينش علية

الله يوفق الجميع يارب