اجيتك يا ضوه عيوني

[رحيم الحسناوي]

اجيتك يا ضوه عيوني .. اجيتك تايهه ضعوني
جبتلك هالحرم واطفال .. يتاماكم فزعهه الحال
وين حسين نشدوني .. اجيتك يا ضوه عيوني
ـــــــــــــــــــــــــ ـــــــــــــــــــــــــ ــــــــــــــــــ

على كبرك لهيل دموع .. واصيحن اه يبن امي

اريد اكعد وزيد النوح .. وابجي الكاع من همي

اريد انشد ترب هالكاع .. صدك جسره وتشيل سباع

ويه حسين واروني .. اجيتك يا ضوه عيوني

على ترابك واعلي الصوت .. صدك ياخوي مو يمي

منو اليكصد عليه اليوم .. يخي لو مال بي همي

يريت مكطعه جفوفي .. ويسيل من النحر دمي

اناشد من يا حيلي الراح .. يالبحيله الخدر محمي

صدك عني تروح بعيد .. بعد هيهات روحي تهيد

وبعد ماشوف بعيوني .. اجيتك يا ضوه عيوني

حسبت وما صدكني حساب .. يخويه وخابت ضنوني

منو البعدك يا ليث الغاب .. يواسي دمعه عيوني

بعدكم للعمر ماريد .. يخويه وياكم خذوني

يمن عزو عليك الماي .. بمكانك ريت نحروني

نهدم بالغاضريه الحيل .. على ابن امي تدوس الخيل

والكفار يولوني .. اجيتك يا ضوه عيوني

يدفان الشباب ارجاك .. على هونك مو ينطروني

تريض لا تهيل تراب .. لوداع حسين تانوني

اريد اشتم ترب كبره .. واساجي حسين بجفوني

النوايب دولبتني وياك .. شلون تروح من دوني

يا روح الزهره اريد وياك .. ماريد العمر بجفاك

صحت وياكم اخذوني .. اجيتك يا ضوه عيوني

يعباس امن اجيت وياك .. كلتلي الضيم ما يدناج

وكلت محد يصل يمج .. يخيتي وروحي تتفداج

سيفي ورايتي وعمري .. يزينب يختي عد عيناج

وهذه انه الفحل عباس .. اهز الكون لجل حماج

خويه وغربت لبعيد .. شضل يا بن علي يالحيد

اختكم ليش تنسوني .. اجيتك يا ضوه عيوني .

القصيده على وزن يحسين بضمايرنه .رحيم الحسناوي

[ام باقر]

يعطيك الف عافيه على الطرح الحلو

تحيااااااااااااااااااااااااااتي

[خادم الأطهار]

شكرا وبارك الله فيكم
قصيدة رائعة

[بحر الجود]

http://blueroseaqua.jeeran.com/جزاك-الله-خيرا.gif




http://kokay5.jeeran.com/qa2.jpg

[أبو رباب]

اللهم صل على محمد وال محمد واعجل فرجهم الشريف واحفظنا بهم
شكرا للطرح الرائع
بانتظار الجديد دائما
لك خالص الاحترام ...