منتديات أبو الفضل العباس عليه السلام - آه وا ويلاه يا أبا الفضل عباس

آه وا ويلاه يا أبا الفضل عباس
.................................................. ...
عليك يا مولاي نلطم عالصدور
خلهه حمره تصير وي كَطع النحور
ما نعوفك لا وحكَ ذيـﭻ الخدور
الشبت بنيران وأختك بيهه
.................................................
شلون فرن ليك ربات العفاف
ضاميات وسود ذبلانه وتخاف
انوب مسبيه العقيلة عله العجاف
نوكَ سبي العايله مركبيهه
.................................................. ...
كَصدن لحامي الضعن بالحومة وين
لنه جثه عله الأرض دامي الوتين
ويلي حزوا منحره ومدمي الجبين
من حجر ظلم العدة مصوبيهه
.................................................. ....
ويلي رأسه عله الرمح صار العميد
يبره عيله وسايره بكَيد الحديد
ينده العباس دنهض يا شهيد
ﭼفوفك الـﭼانت رجانه عليهه
.................................................. ..
تنذبح ضامي ويكَطعون الجفوف
وانه وحدي وجيش حاطتنه تشوف
وأنته يا ضرغام متهزك حتوف
لا منآيه تحول بيني وبينهه
.................................................. .
خويه للحومه اعتني وشيل اللواء
وأعلن الميدان لحسين الولاء
صير ألنه الزود وأكَلب كربلاء
سكنه عطشانة وتجيهه ضنونهه
................................................
خويه يا عباس عاين عالرضيع
عاين الأطفال من بعدك تضيع
أنته يا عباس سور الله المنيع
عكَبك الظلام تجزي حدودهه
.................................................. .
من سمع شكواه عباس انهظم
كَله أبشر جيت أطحنهه الزلم
وأزرع ﭼفوف عله حبك والعلم
وأرد أخلي بكربله عنوانهه
......................................
صال أبو فاضل وسيطر عالنهر
وأشتعل سيفه وصرح بالأمر
انه عباس البطل بيدي الجمر
نار سيفي ركَابكم تطفيهه
...........................................
لـﭼن أمر الله تقدير الجليل
حال بين العايله وبين الكفيل
صاح وينك ها يحمّاي الدخيل
لا وحكَ حيدر عداي أوليهه
.................................................. .....
منقول
قصيدة حسينية لخادم أهل البيت علي الاسدي الناصري