ديوان بكاء الروح للشاعرحيدرموسى الرميثي
 

خدامك يمضلوم خدامك
يحسين وامك فاطمة - نخدم المنبر بالدمه
-----------1---------------------------------------
خدمتك صارت شرفنه ياحسين
احنه بسمك من هتفنه بكل يقين
الخدمه وي حبك هدفنه وهي دين
بيك احنه الحق عرفنه يالامين

نادينه يمحروم نادينه
هاي الصدور موسمه نخدم المنبر بالدمه
***********2*******************
نصيح رغم الحاربونه ياغريب
صحنه لحظة فجرونه ياخضيب
بسوطهم من عذبونه ياسليب
ابدلا ما زلزلونه يالحبيب

مبدئنه يمولاي مبدئنه
نتحدى زمره الظالمه نخدم المنبر بالدمه
**********3*************
زحف نتعناك نفخر ياامام
انت للأ يمان مصدر للسلام
نورك اعله الكون ازهر عالانام
بشمسك المختار اخبر للكرام


ضحينه بالارواح ضحينه
والعاند احنه انكلمه نخدم المنبر بالدمه
**************4*****************
علمتنه اعله الشهادة ياشهيد
ثورة المنحر عباده من الوريد
مانذل عدنه السياده وهالنشيد
حسين عالباطل جهاده انضل نعيد

هلثوره تضل دوم هالثوره
هذا القسم من نقسمه نخدم المنبر بالدمه
*********5**********************
بدربك اهدينه المناحر نازفات
بدمنه يالضامي الشعائر باقيات
حسين عالظلام ثائر عالطغات
منتصر والباري ناصر عالبغات

بالمدمع نعزيك بالمدمع
واقع حزنه انترجمه نخدم المنبر بالدمه
&&&&تمت بعون الله&&&&&&&&&&