|
الأم
(( الأم )) الج يا يمه حيل اشتاكت الـروح ولج يا يمه دمعه أبوســـط عيني الج يا يمه نار أبكلبي محروك مـــن اون اعليچ ما بطل ونيني كلمن باس امــه بجفهه بالعيد بس انه ابجي من شـوكي وحنيني مكابل صورتج ودموعي بالعين وابجي أبصوت يـــا يمه أسمعيني ابووس بالصور بلكت يخف النوح بلكت طيف مــن عندچ يجيني شكد حسره أبدليلي وقهر والاااااه اذا اصرخ اهز الكون من كثره انيني عله الدمعــه غفيت بلا دللووول ولا صــــوت الحزين اليناغيني دللووو للــولد يمه الـولد نام وتبجي أعيـــونهه ومــا تبجيني حنت روحي يمه ألشجن هالصوت اسمعه وكـــون اضحي بكل سنيني اشوفج مره كــون وتفرح العين مـــا شفت الفــرح من تركتيني دمع عيني نشد كلبي ون امي يذوب الصخر من يسمع ون امي تعيش الناس مرتاحه ون امي ما شافت فرح بس هم واذيه |
رد: الأم
كلمات حنينه ادمعت العيون من قرأتها
تسلمين اختي الغاليه نور المنتدى تحياتي نورتينه |
رد: الأم
شكرا على الرد الجميل ولا ابكة الله عينك
تحياتي لكم |
| جميع الأوقات بتوقيت GMT +3. الساعة الآن 04:48 PM. |
منتديات أبو الفضل العباس
جميع الحقوق محفوظة لمنتديات أبو الفضل العباس عليه السلام