منتديات أبو الفضل العباس عليه السلام - مواقف طريفة واقعية ..... متجدد

مساكم الله بالخير ,

اليوم جت في بالي فكرة حلوة إن كل عضو يدخل هالموضوع يحط موقف طريف صار له أو لأحد قدامه بس المهم يكون الموقف حقيقي وترى ( نرحـــّب بالفضائح ) يعني لو تعرف موقف صار لأحد الأعضاء وحاب تفضحه http://asdkaa.net/vb/images/smilies/3rbe5.gif وين المشكله ؟ http://asdkaa.net/vb/images/smilies/019.gif 100%

أنا راح أبدا علشان تفهمون أكثر المغزى من الموضوع

ياطويلين العمر والسلامه لما كنت أنا وأم مهدي (الظل الطويل ) عايشين في الجبيل كنت متعود أسألها عن نواقص البيت لما أطلع من الدوام علشان أجيب النواقص على طريقي وأنا راجع البيت , لما أوصل أنزّل كل الأغراض اللي في إيدي علشان أطلـّع مفتاحي من جيبي وأفتح الباب وأرجع أحمل الأغراض من على الأرض وأدخل البيت حلو !!

مررررة من المراريت كنت نايم بالصالة وأم مهدي الله يهداها طلبت من المطعم ولا علـّمتني ! لما وصل الطلب والعامل دق الجرس أنا تخرّعت قمت وفتحت الباب وأنا نص نايم وأخذت الطلب نزلته عالأرض وحاسبته ولما جيت أحمل الطلب علشان أسكر الباب شفت قدامي أم مهدي ميته من الضحك وما هي قادرة حتى تتنفس وأنا مستغرب ليش تضحك لقيت نفسي شايل الطلب بيدي اليمين وشايل المحفظه في حلقي وشايل جزمتها في يدي اليسار بدون ما أنتبه !!!! لإنها صارت عاده أشيل كل اللي عالأرض وأدخل فيها البيت http://asdkaa.net/vb/images/smilies/msn-wink.gif

يالله همتكم تجيبوا لنا المواقف الي مثل هالموقف .