منتديات أبو الفضل العباس عليه السلام - ( ناري ماتنطفي ) في إستشهاد أبي الحسنيين ع

بسم الله الرحمن الرحيم
اللهم صل على محمد وآل محمد وعجل فرجهم

ناري ماتنطفي ( في إستشهاد ابي الحسنيين عليه السلام )
ــــــــــــــــــــــــــــــــــــــــــــــــــ ــــــــــــــــــــــــــــــــــــ
عَزّي يشيعي المُصطفه بالولي == نال الشهاده المُرتضه حيدر علي
وآلام عِدْ زينب تِحِلْ == وإدموع للزهره تِهِلْ
نال الشهاده المُرتضه حيدر علي
ــــــــــــــــــــــــــــــــــــــــــــــــــ ـــ
ناري على حيدر علي ما تنطفي == نور الأله البي يِشِع ما يختفي
نادى المَلَك هَز السمه == راح الولي حامي الحمه
نال الشهاده المُرتضه حيدر علي
ـــــــــــــــــ
سيف الغدر بيه إنطُبَر راس الأغر == والدنيه صارت مظلمه غاب القمر
دم الشهاده منْ نِبَع == صوت السمه ناح إرتفع
نال الشهاده المُرتضه حيدر علي
ـــــــــــــــ
محرابه ناح إو بالحزن ظل مستحي == آلامه صعبه إو للأبد ما تنمحي
وإدموع من زينب جَرَنْ == مهموم ناداها الحسنْ
نال الشهاده المُرتضه حيدر علي
ــــــــــــــــ
بالباب زينب تنتظُر نوره إليِشِع == شافت أبوها إبهامته دم يرتفع
وإحسين تجري دمعته == صوت السماء السمعته
نال الشهاده المُرتضه حيدر علي
ــــــــــــــــ
هاليوم أيتام إبحزن ما ينتهي == فقدتْ أبوها المُرتضه إو غاب البَهي
غاب العدل وإبطبرته == أيتام ناحت نادته
نال الشهاده المُرتضه حيدر علي
ـــــــــــــــــ
ميزان الاعمال الولي حامي الحمه == يختم حياته المُرتضه إبسيل الدمه
وإبروحته ضاع الأمل == نادوا الأبي خير العمل
نال الشهاده المُرتضه حيدر علي
ــــــــــــــــــــــــــــــــــــــــــــــــــ ــــــــــــــــــــــــــ
مع تحيات شاعر اهل البيت / جابر النجفي
يمكنكم سماع القصيده بصوت الرادود ابو كرار العراقي
على الرابط التالي
http://www.jannatalhusain.info/2010/...8d8b37b94e.mp3