منتديات أبو الفضل العباس عليه السلام - هيَ مو كل مرأة مثلج فاطمه

- منتدى الشعر وهمس القوافي (https://al3abbas.com/vb/forumdisplay.php?f=37)

- - هيَ مو كل مرأة مثلج فاطمه (https://al3abbas.com/vb/showthread.php?t=152558)

هيَ مو كل مرأة مثلج فاطمه

هيَ مو كل مرأة مثلج فاطمه!
http://ahlaliraq.com/vb/images/smilies/0007.gif http://ahlaliraq.com/vb/images/smilies/0007.gifhttp://ahlaliraq.com/vb/images/smilies/0007.gif http://ahlaliraq.com/vb/images/smilies/0007.gif http://ahlaliraq.com/vb/images/smilies/0007.gif

لا وحق حيدر علي حامي الحمه
هي مو كل مرأة مثلج فاطمة

انتي انتي سيدة كل النساء
كلها كلها البلأرض والبسمه

انتي انتي كَوكب الاهل الكساء
إومنج انبزغت فراقد باسمه

صعبه لو اشبهج ابمرأة يابتول
وانتي بسنين القليلة إوعالمه

لو ترد مريم على الدنيا تكول
انتي وحدج على الكل متقدمه

ياهي خير الناس ابوها والرسول
غيرج وياهي ابولدها امكَرُمه

انتي يكفي انجبتي زينب
وهاي بالتاريخ أكبر موزمه

النسه بالحنه ايتحنن يابتول
وانتي بجروح ابو حسن اموسمه

انتي يا نور اااااااااالرساله
انتي يا أم الامامه الدائمه

الما يشوف النور منكم
عمت عينه ويستحق هذا العمه

واليجامل على امصابج!
ما ينفعه الدلس مهما لازمه

اشكد صبرتي عالنواصب!
اشكد ألم انتي يزهره كاتمه

حتى بيت الحزن كالوا ينهدم
الهسه جدرانه بقت متهدمه

ويامدينة فَدك سلبوها سَلب
جَنهم إمن الكفر نالوا مَغنمه

اشكد تأذيتي يبت طه الرسول
بالله كَسر الضلع منهو ايقاوَمه

العاصرج بالباب ريته يابتول
انشلت ايده وما يشوف المرحمه

شنهو عذره بالحشر راح اشيكول
من يكَودونه ابزجر للمحكمه

والله حاكم والمظالم ما تضيع
اشلون يخلَص والرسول امخاصمه

واحنه يا فاطم على حُبكم نموت
وحبكم ابدم الشهاده انترجمه

حُبكم ابعالم الذر بينه انزرع
كلمن ايوالمكم احنه انوالمه

واليعاديكم أبد ما نعتنيه
نكَص جَف الايد كون ايسالمه

ولبنج محمد نبايع ما نعوف
البيعه واجب فرض من رب السمه

ونبقه نهتف تهتف اويانه السنين
هيَ مو كل مراة مثلج فاطمه
لا وحق حيدر علي حامي الحمه

بقلمhttp://ahlaliraq.com/vb/images/smilies/0007.gif
حسين الساعدي