منتديات أبو الفضل العباس عليه السلام - حُبِّ حْسَينْ مَدْرَسْتِي وْيشَرُّفْنِي

بسم الله الرحمن الرحيم
حُبِّ حْسينْ عَلَّمْنِي أحِبِّ النّاسْ = وْمِنَّه تْعَلَّمِتْ اِشْلونْ أحِبْ نَفْسِي

يطَهِّرْنا مِنْ كُلْ حِقِدْ وَارْجاسْ = لِاَنْ كُلِّ الطُّهُرْ بحُبَّهِ الْقُدْسِي

وْيعَلِّمْنا الْمَحَبَّه وْيَه الْبَطَلْ عَبّاسْ = بْاِيْثارْ وْاُخُوَّه تْطَيِّبِ الْيقسِي

وْيدَرِّسْنا الأباءِوْغِيرَةِ النّوماسْ= مَتْغيِّرَه الْاَمْوالْ وْلاالْجاهْ اِلَه يْنَسِّي

وْيفهِّمْنا السَّماحَه بْجَرِح ِالْاِحْساسْ= اَبو الْيِّمَّه الْمُهِمْ مُو مُهِمْ حِسّي

وْيراوِينا الْحِلِمْ بي نِصْنَع ِالأعْراسْ=وْيصِِيرالْعَدُوْصاحِبْ حِضَرْعِرْسِي

وْيوَصّينا بْصِدِقْ هُوَّه وْياهْ حُرّاسْ =ينجي بكل ظرف ماخاب حدسي

وْمِنْ عِنْدَه أخَذْنَه الْعِلِمْ وِالْباسْ = أبُو الأحْرارْ عَلَّمْنِي وْشِحَذ ْبَأسِي

يشْفِي الْعِلَّة هُوَّه وْيمْنَع ِالْوسْواسْ = لايبْقى جَرحْ وْلا مَرَضْ نَفْسِي

هُوَّه الْخَيرْ هُوَّه الذَّهَبْ والْماسْ =هُوَّه الْيومْ هُوَّه الْجاي وِالأمْس ِ

لان هُوَّه الْهَوَه وِيْطَيِّب ِالْاَنْفاسْ = وْمِثِلْ مَرْكبْ بيْنا يبْحِرْو ِيرْسِي

هُوَّه الْجَنَّة هُوَّه الْفوزْ وِالْكاسْ = ماريدِ الْحُكُمْ وْلاريدْ لِلْكُرْسِي

وْتِعَلَّمْتِ الْحِزن بالْقَلِبْ لُو جاسْ = اَبْجِي حيْلْ بعالَِي الصّوتْ هََمْسِي

مِيزان ِ الأعمال وْبيهْ تِنْقاسْ = ماتِنْفَعْ زَكا مِنْ غيرَهْ وْخُمْسِي

وْدُونَه نِضِيعْ وْنِتْبَع ِالْخَنّاسْ = وْتِظَلِّمْ دِنْيتِي وِتْغِيبْ شَمْسِي

هُوَّه الْيرْضِيْ لِلزَّهْرَه وْكُلِّ الأقْداسْ= وْكُلْمَنْ ظِلَمْ يعَضّ اِيدَهْ وْيخْسِي

ريتِ تْشَرِّفَه الْبَضْعة وِالْجدَمْ ينْباسْ = بَسْ هيْهاتْ كِلْمَنْ بغى مَنْسِي

حُبِّ حْسينْ بيَّه مْن ِالْجِدَمْ لِلرّاس = يظَلْ لِلْموتْ بيَّه يْصَبِّحْ وْيمْسَِي