رؤيا في منامي
شفت الاسلام بحلم***وشفت عدوانه بغدر متحزمه***ولون احمر هالسمه
وشفت مكتوبه بدمه هالملحمه شفت بعيوني العجيب***وكل حبيب وكل غريب***هنا نفوس موحده** هناك ملتمه العده **هنا رحيم هنا كريم***هناك شيطان رجيم** وشفت دنيه مظلمه هنا رساله هنا نبي**وقرانه نازل عربي**هنا شرف وهنا عهود**هناك احقاد ويهود هنا قضيه هنا وصيه**هناك مجمعه امبه***وذياب كلهه ملثمه هنا وصي وهنا امام**هناك ملتم الحرام**هنا حمامات السلام** وضدهه ملتم الظلام**شفت ردتهم عنيفه** ولاحت احقاد السقيفه** شفت ممنوع الحجي**حتى منعو كل بجي**وكل حقيقه محرمه شفت دار وبيهه نار**وعيون تجدح بالشرار**وباب مدفوعه بغضب ** وجت بنار ولهب**وصوت من دار الرساله **يشكي للمختار حاله** يندب الصوت ويصيح**وينكم محسن يطيح**وانكسر ضلع لفاطمه** صرت ماشوف الطريق **جن غريق وجن حريق**أسالت ذوله مسلمين** الصده كلي ظالمين**الدين صار الهم ستار**والحكم عدهم شعار** شلون امه مسلمه وطال عندي هالحلم**شفت مطعون العلم**سمعت جبريل لامين** ينعه امير المؤمنين**طاح اتقه الاتقياء**بسيف اشقه الاشقياء** واركان شفت مهدمه وشفت موقف من بعيد**امعاويه هناك ويزيد**هنا سبط حقه الخلافه** هناك احقاد وصلافه**الامه غركانه بمئاسي**وناس همهم بس كراسي** حتى لو سالت دمه من اجل دين وسلام**عالعقد وافق الامام**والعقد بيه جم طريق** انكرت من ابن الطليق**وشفت ماعون السموم**ودين مليان بدموم** وشفت جبد مسممه هناك لاحتلي الطفوف**الدنيه سوده من الالوف**شفت اصحاب الشيم** وشفت جيش بلا قيم**هنا حسين وكربله **هناك شمر وحرمله وناس كثره الظالمه واسمعت صوت السيوف**وشفت انواع الصنوف**شفت روس مكطعه** وجفوف تحضن مشرعه**وجسد شفته اصبح نزيف **وحزو النحر الشريف** وتبجي بالدم هالسمه هنانه محتركه الخيم**هناك ايتام وحرم**هنا نساء ميسره**بيهن عقيله مخدره عالرمح راس الشهيد**الشام جن عدهه عيد**اتمنيت عيني بالعمه بالحلم مرت سنين**شفت ابشع ظالمين**من اميه للوليد** وهارون شفته المورشيد**ذبحو الاود البتول**ومارعو حق الرسول** وشتمو بحامي الحمه بعيني شفت اكبر طغاة**واشكال شفت من الجناة**بالغدر كطعو نحور** وفجرو حتى القبور**لان شافو هالعقيده**شامخه تزهي ومجيده** وناس التحب المرتضه**كالو عليهم رافضه**واللي يحبهم ترجمه وقبل ميطر الصباح**موطني بعيوني لاح**وشفت ردت كربله**جم يتيم وارمله هنا صريع هنا شهيد**هنا نحر وهنا وريد**ناس تزرع بالقنابل**خضرن نوحوارامل واوضاعنه متأزمه وشفت هالموطن جريح**ظنهم يضيع ويطيح**والوطن صاح بأمل ** حي على خيرالعمل **شماجره وشمايصير** كال حارسني الامير** كال مااخضع ولين**عندي موجود الحسين وهالوطن ما اعظمه |
رد: رؤيا في منامي
احسنتم اخي الابيات في قمة الروعة
تحياتي لكم |
جميع الأوقات بتوقيت GMT +3. الساعة الآن 10:52 AM. |
منتديات أبو الفضل العباس
جميع الحقوق محفوظة لمنتديات أبو الفضل العباس عليه السلام