|
يا يمه لا تبجين روحي فده لحسين! بقلم حسين الساعدي
يايمه ياعريس للحومه زفوه
:Smiles (26): يايمه ياعريس للحومه زفوه...من دم رُكُبته السال بجفوفه حنوه يايمه لا تبجين...روحي فده لحسين يايمه ياعريس للحومه زفوه ......... وَصيتي وتكولين هاليوم اريدك كون الحرب هاليوم تحسبها عيدك حامي اعله عمك هاك سيفك إبأيدك بروحك تذود اعليه وبدَم وِريدك يايمه لتوصين!! روحي فده لحسين يايمه ياعريس للحومه زفوه ..... لا تنسى يبني اوياك سهر الليالي أشكد تعبت اعليك يوليدي غالي دللتك ابهل يوم جازي دلالي خَل راسي يبقى بيك يوليدي عالي اليوم أوفي الدين روحي فدى لحسين يايمه ياعريس للحومه زفوه ..... للحومه من طبيت سيفي بديه عرفت نفسي ابزود لجيوش اميه شبل الحسن جَسام راعي الحميه بالحومه لا ما اهاب من المنيه ابن الحسن تدرين روحي فدى لحسين يايمه ياعريس للحومه زفوه ..... ما همني سهم البين خاتم كتابي لكن ابعمي احسين زايد عذابي يايمه لا تبجين ساعة مُصابي طفوه ابعرسي اليوم شمعة شبابي ماهمني سهم البين روحي فدى لحسين يايمه ياعريس للحومه زفوه .... طايح إوصحت ابصوت وينك يعمي لحظه وبذاك الموت لن هوَ يَمي مهموم اجه العطشان وينادي بأسمي اشبيدي يَعمي اوسال دمعه اويه دمي صب لجلي دمع العين روحي فدى لحسين يايمه ياعريس للحومه زفوه الخادم حسين الساعدي منقوول |
| جميع الأوقات بتوقيت GMT +3. الساعة الآن 03:30 PM. |
منتديات أبو الفضل العباس
جميع الحقوق محفوظة لمنتديات أبو الفضل العباس عليه السلام