منتديات أبو الفضل العباس عليه السلام

كبل لا كول زيب ابدي بسم حسين
ابسمل لازم وبعدين اقراهه
سوره ومن لغز حيدر كتبهه ابنور
وبس حيدر يفسر شنهي معناهه
وعل بيت الستر صارت ستر للناس
وبماي الذهب بجفوفه خطاهه
وحدد خارطه بكل خطوه للحورا
وعل ادروب المصايب امس دلاهه
وللطف علماهه اشلون وي حسين
توكف مثل ابوهه الوكفته الطاهه
زينب للحزن صارت ملاذ وبيت
وبجفوفه الحزن صعبات غذاهه
وي ظلهه المصايب رافكتهه اسنين
وخطوه باثر خطوه المحنه وياههه
كامت عالصبر زينب تصبر بي
وايات الصبر للصبر تقراهه
زينب صح مره بس تسوه كومت رجال
وجدمهه اخشوم ياما شكثر داساهه
اذا عندك مصيبه اتعنه ليهه وروح
بت حامي الحمه ونسخه علي الكرار
وتلوذ ابحيدر امن اتلوذ بحماهه
ما شافت بشر تلميذه الزهره
واتحد اليكلك بشر شافاهه
اذا ظل العقيله امحجب اعله الناس
جاكلي الحقيقه اشلون تلكاهه
فارس بت علي ومن اشجع الشجعان
ومو بالسيف تذبح من تحداهه
سيف من السوالف خطبه الحورا
وكص روس الزلم والزلم بجاهه