|
عرآآق والعمر مايسوى من دونك..
اللهم صل على محمد وال محمد وعجل فرج قائم ال محمد يريدونك تضيع وانتة نور بليل *** وتموت من العطش يالماي يردونك ويضيعونك عجيب وانتة مثل الريح *** وين بيا مكان اتضيع يلكونك مشوك بدرب ما مات جدمك بيه *** وحتى اتضيع كلش شدو اعيونك وغشو عينك وايدك مزنجلة ومجتوف *** تهد هدة اسد لو ناس ينخونك يل المغفي الجمر منقلة وبيك اتنام *** وهمة رماد موكة ما يجوونك اذا ظلك طلعته وظل وراك ايحوم *** ابد لتخاف منهم ما يظلمونك عاشرنة التعب والاه والحرمان *** كلها لخاطرك ولخاطر اعيونك صرنالك جسر للنجم عبرناك *** وصغنة من الحزن ضحكات لعيونك تعلكنة قطع سودة وعليها ارواح *** ما جنة قطع لا كحله لعيونك يردونك صبخ والملح ياكل بيك *** ويردونك تبور وما يزرعونك ويردونك تجف والماي يطلب ماي *** ويردونك تنام وما يندهونك ما يدرون عركك بالارض ميموت *** ترد تحيه وتعيش شما يكطعونك يااااا مدري شوصفك شرد اكولن بيك *** عراق والعمر ما يسوة من دونك ليلى انتة صرت والمثل ما ينقاس *** وشعبك من محبتك صار مجنونك مع خالص تحياتي وسلامي لآرواحكم النقية.. |
رد: عرآآق والعمر مايسوى من دونك..
عراق و العمر ما يسوى من دونك
الله كلمات رائعة جميلة اللهم احفظ العراق و اهل العراق جزاك الله خيرا الله يحفظج اختي العزيزة ندى تحياتي لك |
رد: عرآآق والعمر مايسوى من دونك..
العزيــــــــز
مجتبى المحمدي كل الشكر والامتنان لحضورك العطر لاحرمني الله وجودك بين طيات صفحاتي .. احترامي وتقديري لك.. |
رد: عرآآق والعمر مايسوى من دونك..
اللهم احفظ عراق الحسين
واحفظ شعبه المظلوم واحفظ اللهم وبارك بالاخت ندى |
رد: عرآآق والعمر مايسوى من دونك..
يااااا مدري شوصفك شرد اكولن بيك *** عراق والعمر ما يسوة من دونك
ليلى انتة صرت والمثل ما ينقاس *** وشعبك من محبتك صار مجنونك مشكورة على الشعر الرائع وفقك الله لكل خير |
| جميع الأوقات بتوقيت GMT +3. الساعة الآن 11:01 PM. |
منتديات أبو الفضل العباس
جميع الحقوق محفوظة لمنتديات أبو الفضل العباس عليه السلام