قصيده الى الامام محمد الجواد. بقلم الشاعر حيدرموسى الرميثي
 

تشبه جرح جدكت . ظل عالترب خدك.
بحر الشمس تغفه . وتعالج بوحدك.
من شافتك زينب اجت . جابتلك الماي وبچت
...ً......................................1
راس جدك عالرمح. وانت هم فوگ السطح
العطش گطع چبدتك والجرح دامي
صايم ومالك احد. والعطش گلبك مرد
. تصيح وين الماي وينه گلبي ضامي

يمك تجي الزهره. دم چبدك تنظره
ماتگدر اتشيلك. تشكي الظلع كسره
امك اجت يمك نعت. جابتلك الماي وبچت
...........................................2
رمله اجتك شايله . حنه من طف كربله.
وثوب جاسم جابت ورادت تلبسك. ياشباب بياذنب . ليش چبدك دم يصب.
السممك يبن الرضا عليمن يحبسك
.
يالتشبه القاسم. بنار الشمس نايم.
مثل الحسين انته. بالحر متت صايم.
عمتك سبوهه من انسبت. . جابتلك الماي وبچت

.......................................ً3
گعد عدراسك حظر . يبچي عباس الگمر.
بالعلم غطاك بيده وتجري عينه
ماي جايبلك عذب. اگعد وروي الگلب
. يالجواد وفوگ راسك حط يمينه
.
بچفه غسل وجهك. وينادي وين اهلك
يالذابله عيونك. ليش العده تكتلك.
مالحگت يو لحگت. . جابتلك الماي وبچت
..................... .............4
حسين يمك ضل يون. ويمسح ادموع الجفن
يالغريب يصيح وانته اتسمعه يبچي.
ايحظنك يريد وصعب. ايلچمة ضل سهم الگلب.
عن عذاب الچبد ضل وياك يحچي

وانت تشم نحره. وتنظر جرح صدره
لا تشبگ حسينك. وظلوعه متكسره
والماي زينب طالبت. . جابتلك الماي وبچت
...................5
ليلة وي سكنه اجن. بس يشوفنك بچن.
والرباب اتشيل عبدالله وينظرك.
شافك وناح الطفل. لسه نحره بي نبل
انسلب كاروكه واجه ينام اعله صدرك

عبدالله اجه يشمك. ويناغي ضل يمك
يالتشبه الاكبر. نفس الرسم رسمك.
بيهه شحصل لمن درت. جابتلك الماي وبچت
................ ..........................